Éxodo 4:5

Ñanderuete Ñe’ẽ Porã 2015

Kóa rupi ogueroviáta hikuái ojehechauka hague ndéve pende Ruete; pende rukuéra, Abraham, Isaac ha Jacóbo Jára.

Referencias Cruzadas

Genesis 12:7

Ha Ñanderuete ojehechauka Abrámpe, ha he’i ichupe: Ne ñemoñarenguérape ame’ẽta ko yvy kóva. Ha Abram omopu’ã upépe peteĩ kuave’ẽmby renda Ñanderuetépe g̃uarã, Ha’e ojehechauka haguére ichupe.

Genesis 17:1

Abram oguereko ramoguare 99 áño, Ñanderuete ojehechauka ichupe ha he’i: Che ningo nde Ruete, pe Ipu’akapáva, eiko porã che renonderãme ha eñemboheko porãve rehóvo.

Genesis 18:1

Uperire Ñanderuete ojehechauka Abrahámpe Mámre encinatýpe, oguapy jave asajembyte hóga hymba pirekueguigua rokẽme.

Genesis 26:2

Ha Ñanderuete ojehechauka ichupe ha he’i: Aníke reguejy Egíptope; eiko pe yvy che ha’étavape ndéve.

Genesis 28:13

Ha Ñanderuete oĩhína amo hi’ariete, ha he’i ichupe: Che ningo pende Ruete, nde ru Abraham ha Isaac Jára; pe yvy reñenoháme ame’ẽta ndéve ha ne ñemoñarenguérape.

Genesis 48:15

Ha ohovasa Josépe, he’ívo: Ñanderuete renondépe oikova’ekue che rukuéra Abraham ha Isaac, Ha’e oñangareko porã cherehe aikove guive ko ára peve.

Genesis 48:3

Ha he’i Josépe: Ñanderuete, pe Ipu’akapáva, ojehechauka chéve Lúzpe, Canaan retãme, ha cherovasa,

1 Réyes 18:36

Og̃uahẽvo pe kuave’ẽmby hóra pe proféta Elías oñemboja pe kuave’ẽmby renda rehe ha he’i: Abraham, Isaac ha Israel Jára, ejehechauka Ndeha Israel Jarateéva ha cheha ne rembiguái, Nde erégui chéve che ajapo hag̃ua ko’ã mba’e.

2 Crónicas 20:20

Ambue pyharevete opu’ãvo osẽ hikuái Técoa desiértope. Ha ha’ekuéra osẽ aja, Josafat, oñembo’yha guive, he’i: Cherendumi peẽ Juda ha Jerusalenguakuéra. Pejerovia Ñanderuete, pende Járare, ha peime kyhyje’ỹre; peguerovia iprofétape ha osẽ porãmbáta peẽme opaite mba’e peipotáva.

Éxodo 19:9

Upéramo Ñanderuete he’i Moiséspe: Ema’ẽ porã, che aju ne rendápe peteĩ arai anambusúpe, tetãyguakuéra ohendu hag̃ua che ñe’ẽ añe’ẽ jave nendive ha ndererovia hag̃ua opaite árape. Upéi Moises omombe’u Ñanderuetépe hetãyguakuéra ñe’ẽ.

Éxodo 3:15

Ñanderuete he’i avei Moiséspe: Péicha eréta Israel ñemoñarenguérape: Jahve, pende Ruete, pende rukuéra Abraham, Isaac ha Jacóbo Jára chembou pene rendápe. Kóa hína che réra opaite ára peve g̃uarã; péicha peẽ cherenóita ára apyre’ỹ meve.

Éxodo 3:16

Tereho embyaty Israel karai ancianokuérape ha ere ichupekuéra: Pende Ruete, Abraham, Isaac ha Jacóbo Jára, ojehechauka chéve ha he’iuka peẽme: Añetehápe aju poandúvo, ha ahecha mba’éichapa Egiptoyguakuéra pendejopy asypeína peikóvo ko’ápe,

Éxodo 3:18

Ha’ekuéra iñe’ẽrendúta; ha nde rehóta Israel karai ancianokuéra ndive Egípto retã ruvicha rendápe, ha pejéta ichupe: Ore Ruete, Israelguakuéra Jára, oreandu; upévagui rohóta desiértope mbohapy ára pukukue, roikuave’ẽ hag̃ua ore Járape g̃uarã kuave’ẽmby rymba jehapýva.

Éxodo 3:4

Ha Ñanderuete ohechávo ha’e ohoha ohecha hag̃ua, ohenói ichupe pe ñuatĩ mátagui ha he’i: Moises, Moises. Ha ha’e he’i: Ápe aĩ.

Éxodo 3:6

Ha’e he’ive: Che ningo pende rukuéra, Abraham, Isaac ha Jacóbo Jára. Upémaramo Moises omo’ã hova, okyhyjeitereígui oma’ẽ hag̃ua Ñanderuete rehe.

Éxodo 4:1

Upéramo Moises he’i jevy: Péina ningo ha’ekuéra ndachegueroviamo’ãi, ha nohendumo’ãi che ñe’ẽ; katuete he’íta: Ñanderuete ndojehechaukái ndéve mba’eve.

Éxodo 4:31

Ha hetãyguakuéra oguerovia; ha ohendúvo hikuái Ñanderuete oúma oñandu hag̃ua Israel ñemoñarenguérape ha Ha’e ohecha hague iñangekõinguéra, oñesũ hikuái ha omomba’eguasu Ñanderuetépe.

Éxodo 4:4

Upéramo Ñanderuete he’i Moiséspe: Ndepojái hese ha ejapyhy huguáigui. Ha’e ipojái hese ha ojapyhývo oiko jevy ichugui yvyra’i.

Isaías 7:9

65 año haguépe katu oñemosarambipáta Efraínpe, ndaha’evéi peve peteĩ tetã. Ha peẽ ndapejerovia porãmbái ramo ndapepyta aremo’ãi avei.

Jeremías 31:3

Ymaite guivéma Ñanderuete oñeñanduka chéve, ha he’i: Che rohayhuete, mborayhu apyre’ỹme, upévagui roiporiahuvereko tapia g̃uarã.

Juan 11:15

Ha avy’a penderehehápe naiméi hague upépe, péicha iporãvégui peẽme g̃uarã peguerovia hag̃ua, ko’ág̃a katu jaha hendápe.

Juan 11:42

Che ningo aikuaa voi tapiaite Nde cherenduha, ko tetãygua aty kóva rehehápente ajerure, oguerovia hag̃ua hikuái Nde chembou hague.

Juan 20:27

Ha upéi he’i Tomáspe: Emoinge ne kuã che clávo kuarépe, ha ema’ẽ porã che póre, ha emoinge avei nde po che yképe. Ha anive ndepy’amokõi, erovia uvei.

Juan 20:31

Ko’ã mba’e katu ojehai peguerovia hag̃ua Hesu ha’eha pe Crísto, Ñanderuete Ra’y, ha pejerovia hese oñeme’ẽ hag̃ua peẽme pe tekovete.

Juan 5:36

Che katu aguereko ambue techahare tuichavéva Juángui; umi tembiapo che Ru ome’ẽva’ekue chéve ajapo hag̃ua, ohechauka che Ru chembou hague.

Apostolkuéra 7:2

Estéban ombohovái: Che ryke’ykuéra ha che rukuéra pejapysaka porã: Ñanderuete, pe teko jajaipa Jára ojehechaukava’ekue ñande ru Abrahámpe, oĩ ramoguare gueteri Mesopotámiape, oiko mboyve Haránpe,

hebreoyguakuerape 11:16

Ko’ág̃a katu ha’ekuéra oipota peteĩ tetã iporãvéva, pe yvága pegua, upévare Ñanderuete notĩri oiko hag̃ua Ituvatee ramo, Ha’e voi ombosako’íma avei itavaguasurã.