Éxodo 3:8

Ñanderuete Ñe’ẽ Porã 2015

Upévare aguejy’aína aipe’a hag̃ua ichupekuéra Egiptoyguakuéra poguýgui, agueraha hag̃ua ichupekuéra Egíptogui ambue tetã iporã ha ituichávape, yvy osyryhápe kamby ha eíra, umi Canaangua, Hetgua, Amorgua, Ferezgua, Hevgua ha Jebusguakuéra retãme.

Referencias Cruzadas

Genesis 11:5

Upérõ Ñanderuete oguejy ohecha hag̃ua pe táva ha pe óga yvate yvyarigua ra’ykuéra omopu’ãvahína.

Genesis 11:7

Ko’ág̃a jaguejy ñambojuavy iñe’ẽ ojuehegui, ani hag̃ua avave oikuaa iñirũ he’íva guive ojupe.

Genesis 15:13

Upéramo Ñanderuete he’i Abrámpe: Añete ningo ne ñemoñarenguéra oikóta ambue tetãme ha ipoguýpe ohasa asýta 400 áño pukukue.

Genesis 15:14

Ha upe tetã ojopy asýta ichupekuéra, Che voi katu ahaviráta ichupekuéra osẽkuaa peve upe tetãgui mba’erepyeta reheve.

Genesis 18:21

aguejýta, ahecha hag̃ua hembiapokuéra, añetépa herakuã vai térã nahániri; ha ndaupéichai ramo, aikuaáta.

Genesis 43:11

Upéi itúva Israel he’i ichupe: Upéicharamo pejapyhy umi mba’e iporãvéva ko tetãpýgui ha pemoĩ pende vosápe, ha pegueraha upe karaípe jopói ramo: Mba’e aysy ryakuã mimi, eírami, mba’e ryakuã porã, umi mba’e omohe’ẽ porãva tembi’u, nuéces (ojogua mbokaja’ápe) ha alméndra (ojogua manduvípe).

Genesis 46:4

Che aháta nendive Egíptope, ha che rogueru jevýta; ha Jose po ombotýta nde resa.

Genesis 50:24

Ha Jose he’i ityke’yrakuérape: Che amanótama; ha añetehápe Ñanderuete pendereraha jevýta Egíptogui Canaan retãme, pe yvy oñeme’ẽva’ekue Abraham, Isaac ha Jacóbope.

1 Crónicas 1:15

Hevguakuéra, Aracguakuéra, Singuakuéra,

Nehemías 9:8

Ha rejohúkuri ha’e ipy’aite guive ojeroviaha nderehe ha reme’ẽma ichupe pe ñe’ẽ reme’ẽtaha Canaangua yvy, Hetgua yvy, Amorgua yvy, Ferezgua yvy, Jebusgua yvy ha Gergesgua yvy, opaite ko’ã yvy reme’ãtaha ichupe ha iñemoñarenguérape; ha rejapókuri pe mba’e eremava’ekue, nendive oĩgui pe añetegua.

Salmokuéra 12:5

Umívape Ñanderuete ombohovái: Ko’ág̃a apu’ãta aipytyvõ hag̃ua umi ojerurévape, umi ikangývape, ohasa asy reívape ha umi imboriahúvape, ipyahẽ jave.

Salmokuéra 12:6

Ñanderuete ñe’ẽ ipotĩeterei ku pláta (óro morotĩ) oñemopotĩ jo’a jo’ávaicha tatakuápe, 7 jevy oñemopotĩ jo’a jo’a ipotĩete hag̃ua.

Salmokuéra 34:8

Peñeha’ã ha pehecháta Ñanderuete ipy’a porãha, ovy’aite upe kuimba’e ojeroviáva hese.

Salmokuéra 91:15

Ha’e ohenói ramo che réra Che ambohováita ichupe, Che aĩta hendive ijepy’apyha árape, aguenohẽ hag̃ua ichupe ijejopy vaígui ha upéi Che ambotuicháta ichupe.

Éxodo 12:41

Ha ohasa rire umi 430áño, Ñanderuete oguenohẽ Israelguakuérape Egípto retãgui.

Éxodo 12:51

upe ára upévape Ñanderuete oguenohẽgui Israel ñemoñare atykuérape Egípto retãgui.

Éxodo 13:5

Ñanderuete penemoingéta Canaangua, Hetgua, Amorgua, Hevgua ha Jebusgua retãme, Ha’e voi oñe’ẽme’ẽva’ekue pende rukuérape yvy osyryhápe kamby ha eíra, upévare pemboarete ko páscua, ko jasy kóvape.

Éxodo 3:17

ha Ñanderuete he’ive: Che poguenohẽta Egíptoygua poguýgui ha pogueraháta Canaanguakuéra yvýpe, oikohápe Hetgua, Amorgua, Ferezgua, Hevgua ha Jebusguakuéra, peteĩ yvy osyryhápe kamby ha eíra.

Éxodo 34:11

Ejapóke Che ha’éva guive ndéve ko árape; ha ema’ẽ porã, Che amosẽta ne renonderãgui Amorgua, Canaangua, Hetgua, Ferezgua, Hevgua ha Jebusguakuérape.

Éxodo 5:23

Che ajuha ára guive faraon rendápe añe’ẽvo ichupe nde rérape, ha’e ojopyve ohóvo che retãyguakuérape; ha Nde nderesalvái ne retãyguakuérape ere haguéicha.

Isaías 36:17

aju jevy peve pogueraha hag̃ua che retãme, oĩháme avei heta kóga ra’ỹi ha víno, pan ha parraltyeta, oĩ háicha pene retãme.

Isaías 64:1

Remondoro nga’úra’e umi yvága, ha reguejy nga’úra’e okañy hag̃ua ne renonderãgui umi cérro,

Jeremías 11:5

ikatu hag̃uáicha ajapopa che ñe’ẽ ame’ẽmava’ekue pende rukuérape; ame’ẽtaha ichupekuéra yvy osyryhápe kamby ha eíra, oĩ háicha ko’ág̃a. Ha che Jeremías ha’e jevy ichupe: Taupéicha, che Jára.

Jeremías 2:7

Ha Che pomoingeva’ekue yvy porãme, pe’u hag̃ua hi’akue ha opaite mba’eporã amongakuaava’ekue peẽme; peẽ katu peike ha pemongy’apa che yvy, ha che mba’eteégui pejapo mba’e ky’a oporombojoguarúva.

Jeremías 32:22

ha reme’ẽ ichupekuéra ko yvy kóva, ituvakuérape eremava’ekue reme’ẽtaha ko yvy osyryhápe kamby ha eíra.

Ezequiel 20:6

Pe ára pévape ahupi che po aguenohẽ hag̃ua ichupekuéra Egípto retãgui agueraha hag̃ua peteĩ tetãme ambosako’iva’ekue ichupekuéra g̃uarã, osyryhápe kamby ha eíra, ha pe yvy péva iporãve opaite ambue yvýgui;

Levítico 20:24

Upévare ha’e peẽme: Peẽme ame’ẽta ijyvy pene mba’erã ramo, osyryhápe kamby ha eíra. Che ningo Jahve, pende Jára, poiporavóma tetãnguéra apytégui,

Amos 2:10

Che pogueruva’ekue Egípto retãgui, ha poisãmbyhy desiérto tuichaitéva rehe 40 áño pukukue, peike peve ha peñemomba’e hag̃ua Amor retã yvy rehe.

Números 13:18

ha pema’ẽ mba’eichagua tetãpa oiko upérupi, imbarete térã ikangy, mbovy térãpa heta,

Números 13:19

ha mba’eichagua yvypépa oiko hikuái, iporã térãpa ivai; ha mba’eichagua távape oikopa hikuái, ndaikorapyjeréi térãpa ikorapy jere yvate hikuái,

Números 13:27

Ha omba’emombe’u hikuái, ha he’i: Ore rog̃uahẽ pe yvy peẽ oremondo haguépe, ha añetehápe upépe osyry kamby ha eíra; ha ko’ãva hi’akue.

Juan 3:13

Avave ndojupíri yvágape, upe yvágagui oguejyva’ekuémante, ha kóva ningo pe yvyarigua Ra’y, (Daniel 7,13).

Juan 6:38

Che ningo aju yvágagui, ajapo hag̃ua hekópe chembouva’ekue rembipota.

Deuteronómio 1:25

Ha ogueru hikuái ñandéve umi yva omono’õva’ekue upépe, ha omba’emombe’u ñandéve, ha he’i: Iporãha pe yvy Jahve, Ñanderuete, ome’ẽtava ñandéve.

Deuteronómio 1:7

Pepu’ã ha tapeho Amorgua cérrope ha opaite umi oikóva upérupi, pe ñuguasu Arabápe, pe cérro ha umi ñu oĩva Négev guive ha yguasu rembe’y peve, oĩva Canaangua yvýpe, ha yvate gotýo Líbano peve, ha kuarahyresẽ gotýo pe ysyryguasu Éufrates peve.

Deuteronómio 27:3

ha pehaiva’erã hese ko’ã tembiapoukapy, pehasa vove pe y peike hag̃ua pe yvy Ñanderuete ome’ẽtava peẽme, yvy osyryhápe kamby ha eíra, Ñanderuete, ñande rukuéra Jára, he’i haguéicha ñandéve.

Deuteronómio 28:11

Ha Ñanderuete omohembypava’erã pende kóga’a peẽme g̃uarã ha ombohetava’erã peẽme g̃uarã, pende ra’ykuéra ha pene rymba imembyetáta. Ko’ã mba’eporã Ha’e ome’ẽta peẽme pe yvy Ha’e oprometemava’ekuépe pende rukuérape.

Deuteronómio 6:3

Peẽ, Israelgua, peikuaa iñe’ẽ, upévare peñeha’ãmba pejapo hag̃ua hekoitépe oho porãmba hag̃ua peẽme pe yvy osyryhápe kamby ha eíra ha peñemboheta hag̃ua, Jahve he’i haguéicha pende rukuérape.

Deuteronómio 7:1

Ág̃a Ñanderuete penemoingévo pe yvy peiketahápe, Ha’e omoĩta pende poguýpe ha omosẽta pene renonderãgui heta tetãnguérape: Hetgua, Gergesgua, Amorgua, Canaangua, Feresgua, Hevgua ha Jebusguakuérape, 7 tetã tuicha ha imbaretevéva pendehegui.

Josué 5:6

Israel ñemoñarenguéra oikógui desiérto rehe 40 áño pukukue, oñehundipa peve mayma kuimba’e osẽva’ekue guive Egípto retãgui, naiñe’ẽrendúigui Ñanderuete he’ívape; upévagui Ñanderuete opromete ichupekuéra ndohechaiva’erãha pe yvy Ha’e he’imava’ekue ituvakuérape ome’ẽtaha ñandéve, pe yvy osyryhápe kamby ha eíra.

Josué 9:1

Mayma tetã ruvicha, umi Hetgua, Amorgua, Canaangua, Ferezgua, Hevgua ha Jebusguakuéragui oikóva Jordan rembe’y kuarahyresẽ guive yguasu ha Líbano retã rembe’y peve, taha’e ñu megua térã cérro pegua,

Josué 9:7

Ha Israelguakuéra he’i umi Hevguápe: Ikatu porãnte peẽ peiko orekuéra apyte rupínte. Mba’éicha piko roikéta penendive jekupytýpe.