Éxodo 3:2

Ñanderuete Ñe’ẽ Porã 2015

Ha upépe Ñanderuete yvága rembiguái ojehechauka ichupe, tata rendýicha, jukeri rakãnguéra mbytépe; Moises oma’ẽ ha ohecha pe ñuatĩ máta hendyha tatápe, ndokáiri katu pe jukeri.

Referencias Cruzadas

Genesis 21:17

Ha Ñanderuete ohendu pe mitã rasẽ; ha hembiguái ohenói Agárpe yvága guive, ha he’i ichupe: Mba’éiko ojehu ndéve Agar. Ani rekyhyjétei, Ñanderuete ohendúgui ne membyrasẽ.

Genesis 22:11

Upévo Ñanderuete rembiguái (ángel) osapukái ichupe yvága guive, ha he’i: Abraham, Abraham. Ha ha’e he’i: Péina ápe aĩ.

Genesis 48:16

Ijyvága rembiguái cheguenohẽmava’ekue opaite mba’e vaígui, ha’e tohovasa ko’ã mitãrusúpe; ha ha’ekuéra rupi toikove che ru Abraham, Isaac ha che réra, ha toñembohetaite hikuái ko yvy apére.

Salmokuéra 66:12

Ore akã ári rembohasa kuimba’ekuéra, rohasa avei tata ha y rupi, ha upéi Nde oreguenohẽ ko’ã jejopy vaígui.

Éxodo 19:18

Ha Sinai cérro otimbopa Ñanderuete oguejývo hi’ári tata apytépe; ha pe tatatĩ opu’ã ku tatakua ratatĩcha ha pe cérro oryryipa.

Éxodo 23:20

Eikuaa porãke, Che amondóta che ángel ne renonderãme, oñangareko hag̃ua nde raperã rehe ha nemoinge hag̃ua pe tetã ambosako’iva’ekuépe pene mba’erãvape.

Éxodo 24:17

Ha Ñanderuete reko jajaipa ojogua peteĩ tata rendyguasúpe pe cérro ru’ãme Israel ñemoñarenguéra resa renondépe.

Éxodo 3:16

Tereho embyaty Israel karai ancianokuérape ha ere ichupekuéra: Pende Ruete, Abraham, Isaac ha Jacóbo Jára, ojehechauka chéve ha he’iuka peẽme: Añetehápe aju poandúvo, ha ahecha mba’éichapa Egiptoyguakuéra pendejopy asypeína peikóvo ko’ápe,

Isaías 43:2

Rehasa ramojepe hi’y hetaite rupi, Che aĩta nendive, ha ysyry ndetuicháva nderupity ramojepe nanembojahogamo’ãi. Rehasa ramojepe tata mbyte rupi, nderekaimo’ãi, ha pe tata rendy nanderapymo’ãi.

Isaías 63:9

Ha’ekuéra ojejopy vaiete jave, Ha’e ojepy’apy avei, upévagui Ñanderuete ombou ijyvága rembijokuái oipytyvõ hag̃ua ichupekuéra, Ha’e ipy’aporã ohay’úgui ichupekuéra. Ha’e ojogua ichupekuéra ha omopu’ã jevy jey ha ohupi ichupekuéra ijyva ári ymaite guive.

Daniel 3:27

Ha oñembyatypa umi mburuvicha, tetã sãmbyhyharakuéra ha tetã ruvicha rekombo’ehakuéra, ha oma’ẽ hikuái ko’ã kuimba’e rehe, ha mba’éichapa pe tata ndoguerekói mba’eveichagua pu’aka hetekuéra rehe, ha iñakã rague jepeve ndokáiri, ijaokuérape ndojehúi mba’evete, ha tata ryakuã jepeve noñehetũi hesekuéra.

Zacarías 13:7

Nde kyse puku reheve eñemoĩ che rerekua ha che irũ rehe, he’i ángel atykuéra Jára. Eikutu che rerekuápe ijovechakuéra oñemosarambi hag̃ua, ha upéi amopu’ãta che po umi mburuvicha michĩva rehe.

Malaquías 3:1

Peikuaa porãke, Che amondóta che remimondo ombosako’i hag̃ua pe tape che renonderãme, sapy’aitépe oúta pende Jára peẽ peha’ãrõva hogaguasúpe ijyvága remimbou ndive, pende Ruete voi ningo he’i ko mba’e kóva.

Márcos 12:26

Umi omanomava’ekue oikove jevyva’erã, napemoñe’ẽi piko Moises kuatiañe’ẽme, Ñanderuete oñe’ẽ ramoguare ichupe pe jukeri mbytégui he’ívo: Che ningo Abraham Jára, Isaac Jára, ha Jacóbo Jára.

Lúcas 20:37

Moises he’i ikuatiañe’ẽme, umi omanomava’ekue oñemoingove jevytaha, ha’e ojejohu ramoguare Ñanderuete ndive upe jukeri oĩ haguépe, ha upépe Ñanderuete he’i: Che ningo Abraham, Isaac ha Jacóbo Jára, (Éxodo 3,6).

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Romayguakuérape 8:3

Ha umi mba’e Moises rembiapoukapykuéra ikatu’ỹva ojapo, ñande kuimba’e ha kuña reko ikangýgui, péva Ñanderuete ojapova’ekue ita’ýra Hesu Crísto rupi, omboúvo ichupe kuimba’e reterõguáicha ko yvy apére, ha péicha Ñanderuete ikatu ocondena pe angaipa Hesu Crísto rete rupi, ndo’áigui Ha’e angaipápe.

Deuteronómio 33:16

Ha umi koga’a tokakuaa henyhẽte peve; ha Ñanderuete py’aporã oĩva’ekue pe jukerípe, tou Jose akã ári, ichupe ojeporavo voi ityvyrakuéra apytégui.

Deuteronómio 4:20

Pende Ruete katu pendeporavo ha penerenohẽ Egíptogui, tatakua hierroguiguágui peiko hag̃ua hetãtee ramo ko ára peguáicha.

2 Tesalonicayguakuérape 1:7

Ha’e ñanembopytu’úta ñandéve upe jehasa asýgui, Hesu Crísto ouha ára yvágagui hembiguái (hi’ángel) atyguasu ndive,

Juéces 13:13

Ha pe yvága rembiguái he’i jevy Manóape: Ne rembireko oñangarekova’erã ijehe ojapopa hag̃ua che ha’emava’ekue guive ichupe.