Éxodo 3:1

Ñanderuete Ñe’ẽ Porã 2015

Moises oñangareko aja hembireko ru, Jétro, pe Madian pegua pa’i ovecha ha kavarakuéra rehe, ombohasa umía pe desiérto rupi ha og̃uahẽ Horeb, Ñanderuete cérro peve.

Referencias Cruzadas

1 Réyes 19:19

Elías ohóvo upégui ojohu Eliséo, Safat ra’y rehe, oyvymbóvo (oara) jave ikokue yvy, 12 júnta guéi reheve, ambue 11 júnta omba’apóva henonderãme ha Eliséo omba’apo pe júnta 12-ha ndive hapykuéri. Ha Elías ohasávo henonde gotýo oity ijahoja hi’ári.

1 Réyes 19:8

Upérõ Elías opu’ã, okaru, hoy’u ha imbareteve ohóvo ko’ã tembi’u rupi, oguata 40 ára ha 40 pyhare Horeb, Ñanderuete cérro peve.

Salmokuéra 106:19

Ojapova’ekue hikuái peteĩ tóro ra’yrusu ra’ãnga Horébpe, ha oñesũ pe tóro ra’yrusu renondépe.

Éxodo 17:6

Che aĩta ne renondépe pe itaguasu Horeb ári ha reinupã rire pe itaguasu osẽta ichugui y remboy’u hag̃ua ne retãyguakuérape. Ha Moises péicha ojapo Israel aty ruvichakuéra renondépe.

Éxodo 18:12

Ha Jétro, Moises rembireko ru, oikuave’ẽ kuave’ẽmby ojehapypáva Ñanderuetépe g̃uarã; ha Aaron ha karai ancianokuéra ou avei okaru hag̃ua Jétro ndive, Ñanderuete renondépe.

Éxodo 19:11

ha toñembosako’i pe ára mbohapyhápe g̃uarã, pe ára mbohapyhápe pende Ruete oguejýtagui mayma tetãygua resa renondépe Sinai cérro ári.

Éxodo 19:2

Osẽ hikuái Refidímgui ha og̃uahẽ Sinai desiértope ha opyta upépe pe cérro rovái.

Éxodo 19:3

Ha Moises ojupi pe cérro Ñanderuete ohenóigui ichupe, ha he’i ichupe: Péicha eréta Jacóbo retãme ha reikuaaukáta Israel ñemoñarenguérape:

Éxodo 2:16

ou 7 kuñataĩ, peteĩ pa’i Madian pegua rajykuéra, oguenohẽ hag̃ua y omyenyhẽ meve umi yryru, omboy’u hag̃ua itúva ovecha ha kavarakuéra.

Éxodo 2:18

Ha ou jevývo hikuái itúva Reuel rendápe, ha’e he’i ichupekuéra: Mba’éicha rupi piko peju pya’ete ko ára kóvape.

Éxodo 2:21

Ha Moises oñemoĩ peteĩ ñe’ẽme pe kuimba’e ndive ha opyta hendive; ha ha’e ome’ẽ Moiséspe itajýra Sipórape hembirekorã ramo.

Éxodo 24:13

Ha opu’ã Moises, hembijokuái Josue ndive, ha ojupi hikuái Ñanderuete cérro ru’ãme (Sinaípe).

Éxodo 3:12

Ha Ñanderuete he’i: Tereho, Che ningo aĩta nendive; ko techauka kóva rupi rehechakuaáta Che romondo hague: Renohẽ rire che retãme Egíptogui, peẽ chemomba’eguasúta ko cérro kóva ári.

Éxodo 3:5

Ha Ha’e he’i: Ani reñembojátei; eipe’a katu nde py rehegua ha eikuaa, pe yvy nde repyrũha rehe oñemboykéma chéve g̃uarã.

Éxodo 33:6

Upémaramo Israel ñemoñarenguéra oipe’a ijehegui ijeguakakuéra Horeb cérro guive.

Éxodo 4:18

Péicha Moises oho jevy hembireko ru, Jétro rendápe ha he’i ichupe: Aháta, che ryvykuéra rendápe oikóva Egíptope, ahecha hag̃ua oimépa oikove gueteri hikuái. Ha Jétro he’i Moiséspe: Tereho katu py’aguapýpe.

Éxodo 4:27

Ha Ñanderuete he’i Aarónpe: Tereho Moises rendápe desiértope. Ha ha’e oho ha ohug̃uaitĩ ichupe Ñanderuete cérrope ha ñehetũme omomaitei ichupe.

Amos 1:1

Ko’ã mba’e Amos ohecha ha ohenduva’ekue, ha’e oiko ramoguare ovecha rerekua ramo Técoa ypýpe, ha’e oprofetiza umi mba’e oikótava Israel retãyguakuérape, Uzías, Juda retã ruvicha árape ha Jeroboam, Joas ra’y, Israel retã ruvicha árape, mokõi áño pe yvy ryrýi guasu mboyve.

Malaquías 4:4

Peñemomandu’ákena che rembiguái Moises ñe’ẽ rehe, Che ame’ẽva’ekue ichupe Horeb cérrope pene rembiapoukapy, peẽ Israel retãyguakuérape pejapo hag̃ua hekoitépe.

Números 10:29

Upéramo Moises he’i hovaja Hobábpe, Raguel ra’y, peteĩ Madiangua: Ore ningo roipykúi rohóvo pe tetã Ñanderuete he’iva’ekuépe ome’ẽgui iñe’ẽ oréve. Ejúna orendive ha mba’e porã rojapóta nderehe, Ñanderuete ome’ẽma iñe’ẽ ojapotaha mba’eporã Israel rehe.

Números 10:33

Upéicha Israelguakuéra oipykúi Ñanderuete cérrogui oguata hag̃ua mbohapy ára pukukue; ha Ñanderuete karameg̃ua oho henonderãme mbohapy ára pukukue, ohekávo ichupekuéra g̃uarã peteĩ tenda opytu’u hag̃ua.

Lúcas 2:8

Upérupi oĩ umi ovecha rerekua oñangarekóva hymbakuéra rehe pe pyhare pukukuépe.

Apostolkuéra 7:30

Ha ohasa rire 40 áño, ojehechauka ichupe pe cérro Sinai desiértope peteĩ ángel jukeri rata rendy mbytépe.

Deuteronómio 1:2

11 ára ojeguata’arã ojehupity hag̃ua Horébgui, Seir cérro, Cadesbarnéa peve.

Deuteronómio 1:6

Jahve, Ñanderuete, oñe’ẽkuri ñandéve Horébpe, ha he’i: Aréma peime hague ko cérrope.

Deuteronómio 4:10

Peñemomandu’a porãke pe ára rehe peime ramoguare Jahve, pende Jára renondépe Horébpe, Ha’e he’i ramoguare chéve: Embyaty chéve ne retãyguakuérape ahenduka hag̃ua ichupekuéra che ñe’ẽ, ha reikuaaukava’erã okyhyje hag̃ua chehegui opaite ára oikove aja yvy apére ha upéicha ombo’e jevyva’erã avei ita’yrakuérape;

Juéces 4:11

Ha Héber peteĩ Cengua, Hobab, Moises rovaja ñemoñare, ojeiva’ekue ambue Cenguakuéra apytégui, ha Heber ohova’ekue omohenda hóga hymba pirekueguigua Zaanaim ñúme, opytáva Cedes ypýpe.

1 Samuel 16:11

Upémaramo Samuel he’i Isaípe: Ko’ãvantepa opaite nde ra’ykuéra, ha ha’e ombohovái ichupe: Hemby gueteri pe ipahague, oñangarekovahína che ovechakuéra rehe. Ha Samuel he’i Isaípe: Egueruka ichupe, ndajaguapymo’ãi mesápe ha’e ou mboyve.