Éxodo 20:3

Ñanderuete Ñe’ẽ Porã 2015

Ndereguerekoiva’erã ambue jára che ykére.

Referencias Cruzadas

1 Réyes 11:4

Ha Salomón itujáma ramo ohóvo ikuñakuéra omboyke Salomon py’apy Ñanderuete rapégui, omomba’eguasu hag̃ua ambue jarakuérape ipy’apy naipotĩvéigui Ñanderuete ndive, itúva David ñe’ãicha.

Salmokuéra 29:2

Pemomba’eguasúke Ñanderuete réra, peñembo’éke Nanderuetépe pende reko potĩ reheve.

Salmokuéra 73:25

Nde’ỹre, mba’éiko arekóta yvágape. Ha nde’ỹre mba’eve ndaipotái ko yvy ape ariguágui.

Salmokuéra 81:10

Che ha’égui nde Ruete, nde Jára, rogueruva’ekue Egípto retãgui. Ejejurupe’a Che romohyg̃uatã porã hag̃ua.

Salmokuéra 81:9

Ani reguereko nde apytépe ambue jára, ha ani reñesũ ambue jára reikuaa’ỹva renondépe.

Éxodo 15:11

Máva piko Ndéicha, che Ruete, tetãnguéra jarakuéra apytépe. Mávapa Ndéicha iporã, heko porãva ha oporomondýiva tembiapo techapyrã apópe.

Éxodo 20:23

Aníke pejapo che ykére ambue pende jararã, ndapejapoiva’erã pende jararã plataguiguáva ni oroguiguáva (ni mba’eveichaguágui).

Éxodo 22:19

Oimeraẽ oikóva tymba ndive kuimba’e ha kuña ramoguáicha, omanova’erã.

Éxodo 23:24

Nereñesũiva’erã ijara ra’ãngakuéra renondépe ha ndereikoiva’erã hembiguái ramo ha nderejapoiva’erã ha’ekuéra ojapo háicha; rembyaiva’erã uvei ichupekuéra ha rejokapava’erã ijára rete ra’ãngakuéra rejohúva guive.

Éxodo 32:8

Pya’ete oñemboyke hikuái pe tape porãgui ha’eva’ekue ichupekuéra; ha ojapo hikuái ijupekuéra g̃uarã peteĩ tóro ra’yrusu ra’ãnga óro oñembohykupyrégui ha omomba’eguasu ichupe, ha oikuave’ẽ ichupe kuave’ẽmby, ha he’i hikuái: Israel, kóva ningo nde jára neguenohẽva’ekue Egípto retãgui.

Éxodo 34:14

Neremomba’eguasuiva’erã mba’eveichagua jára ambuépe. Jahve, pende Ruete, hakate’ỹ héra rehe, Ha’e ningo hakate’ỹhína héra rehe.

Isaías 26:4

Pejerovia Ñanderuete rehe opaite árape, Ñanderuete, pe Jaraitéva ndivénte jajohu ñemo’ãha ijapyra’ỹva.

Isaías 42:8

Che Jahve, péicha ningo che réra, ha avavépe name’ẽmo’ãi che reko jajaipa, ha che rerakuã porã ndahejamo’ãi ijára gua’u ra’ãngápe.

Isaías 43:10

Peẽ ningo che rechahare, he’i pende Ruete, ha che rembiguaikuéra, Che aiporavomava’ekue. Peẽ chekuaa ha pejerovia cherehe, ha peikuaa porã ndaiporiha ambue Jára; Che mboyve ndojejapói ambue jára, ha Che aikota’aína opa rire umi jára gua’u paha.

Isaías 44:8

Ani pekyhyjétei, ha ani pendepy’amirĩtei, nahendukáipa ndéve ymaite guive, ha peẽ voi che renduhare ha’évo ndéve: Ndaipóri ambue jára che ykére. Ndaipóri ambue pendesalváva; ndaikuaái peteĩminte jepe.

Isaías 46:9

Peñemomandu’ákena umi mba’e yma oikomava’ekue rehe; Che voi ningo pende Ruete, ha ndaipóri ambue Jára, ndaipóri avave chejoguaha.

Jeremías 25:6

ani peho ambue jára rapykuéri, ani peiko hembiguaikuéra ramo ha ani pemomba’eguasu ichupekuéra, ani hag̃ua peẽ chembopochy pene rembiapo vai rupi; upéicharamo jepe ndoikomo’ãi penderehe mba’eve ivaíva.

Jeremías 35:15

Ha tapia amondo peẽme che rembiguái profetakuérape, ha’euka hag̃ua peẽme: Pepia joaite pende rape vaígui, ha peñemohembiapo porã hag̃ua, ha ani pehótei ambue jára rapykuéri peiko hag̃ua hembiguái ramo, ha peikovéta ko yvy kóvape, ame’ẽva’ekue pende rukuérape, peẽ katu ndapecherendúi ha ndapeikuaaséi mba’eve chehegui.

Jeremías 7:9

Peiko peporomonda, peporojuka, pemongy’a pene menda reko, peme’ẽ rei pene ñe’ẽ, ha hi’ári pemyatatĩ Baálpe mba’e ryakuã porã, ha peiko ambue jarakuéra peikuaa’ỹva rapykuéri.

Daniel 3:18

Ha Ha’e ndaoresalvaséi ramojepe, eikuaa porãke nde ore retã ruvicha, ore ndoroikomo’ãi nde jára rembiguái ramo, ha noromomba’eguasumo’ãi avei pe ta’ãnga nde remopu’ãukava’ekue.

Oséas 13:4

Che ningo nde Jára, Egípto retã guive, nde ndereikuaái ambue járape che ykére, ndaipóri ningo ambue salvador che ykére.

Matéo 4:10

Upérõ Hesu ombohovái ichupe: Tereho, nde Satana, Ñanderuete kuatiañe’ẽme ojehai avei: Ñandejára, Ñanderuete renondépe añoite ija reñesũ ha reñembo’évo ichupe ha ichupe añoitente rejejokuaiukava’erã, (Deuteronómio 6,13).

1 Corintoyguakuérape 8:4

Ha añe’ẽse umi tembi’u oñekuave’ẽva rehe jára gua’úpe, jaikuaa voi ningo pe jára gua’u ndaha’eiha mba’eve añeteguáva ko múndope, ndaipóri ambue jára, peteĩnte oĩ, ha’éva Ñanderuete.

1 Corintoyguakuérape 8:6

Ñandéve g̃uarã katu oĩ peteĩnte ñande apohare, Ñanderuete voi; Ha’e opaite mba’e Jára, ha ñande imba’e voi; ha oĩ peteĩnte Hesu Crísto añeteguáva, ha Ha’érupi oikohína opaite mba’e, ha ñande jaiko avei Ha’érupi.

Efesoyguakuérape 5:5

Peikuaa porãke opaite umi oikóva oñondive omenda’ỹre, umi hembiapo ky’áva, umi ha’enteséva térã umi omomba’eguasúva jára ra’ãngápe ndoikemo’ãi Ñanderuete ha Hesu Crísto retãguasúpe.

Deuteronómio 5:7

Ndereguerekoiva’erã ambue jára che ykére.

Deuteronómio 6:14

Ndapeikoiva’erã ambue jára rapykuéri, umi tetã oikóva pende jerekuévo ojapo háicha;

Deuteronómio 6:5

Ehayhu Jahve, nde Jaraitépe, nde py’aite ha ne angaite guive ha opaite nde pu’aka reheve.

Filipoyguakuérape 3:19

Ipahápe katuete ha’ekuéra oñehundiva’erã, hye ningo ijára, ha’ekuéra oñembotuicha ramojepe, oiko ñemotĩme, ha’ekuéra opensánte umi mba’e yvy arigua rehe.

Colosayguakuérape 2:18

Aníkena avave oipe’a pendehegui pene rembiapo repy iñemomirĩ gua’u térã hi’ángel ñemomba’eguasu rupi, térã umi mba’e ohechava’ekue ike peguáre térã techapáy (vision) rupi, péva ningo hi’ánga rembipota vai ojererovuséguinte.

Apocalípsis 19:10

Ha che ajeity pe yvága rembiguái renondépe amomba’eguasu hag̃ua ichupe, ha’e katu he’i chéve: Cháke, che ningo tembiguáinte avei, nendive ha ne hermanokuéra ndive, ha opaite umi ambue omyasãi avei Hesu Crístope (ijuru ha hekove rupi). Pe Pytu Añeteguáva ombohasa Hesu Crísto ñe’ẽ ijiglésiape.

Apocalípsis 22:9

Ha’e katu he’i chéve: Anítei rejeity, che ningo tembiguáinte avei nendive ha ne hermanokuéra ha umi profetakuéra ndive, emomba’eguasu katu Ñanderuetépe.

Juéces 6:10

ha ha’ékuri peẽme: Che, pende Ruete, pende Jaraite, ani pekyhyjétei Amorguakuéra járagui, ijyvýpe peiko peína ko’ág̃a, napeneñe’ẽrendúi katu pepoi chehegui.