Éxodo 16:3

Ñanderuete Ñe’ẽ Porã 2015

Ha Israel ñemoñarenguéra he’i ichupekuéra: Romanombanteva’erãmo’ã Ñanderuete po rupi Egípto retãme, upépe roguapy japepo (ólla) iso’óva jerekuévo, ha ro’u ramoguare pan oreryg̃uatã meve; nde katu oreguenohẽ ko desiérto kóvape orejuka hag̃ua ñembyahýi rupi.

Referencias Cruzadas

2 Samuel 18:33

Upévo tetã ruvicha iñangekõi ha ojupi pe koty oĩva táva rokẽguasu ariguápe, ojahe’o hag̃ua, ha he’i: Che ra’y Absalon, che ra’y, che ra’y Absalon. Mba’éicha tamora’e amano che ne rendaguépe, Absalon, che ra’y, che ra’y.

Job 3:1

Ko’ã mba’e rire Job oñe’ẽ, ha omaldeci hi’ára onace haguépe.

Job 3:10

Nombotýi haguére che sy membyryru rokẽ aĩ haguépe, ha noñomírigui chehegui ko jehasa asy kóva.

Job 3:20

Mba’érehepa Ñanderuete chembou yvy apére aiko asy hag̃ua, ha mba’érehepa Ha’e omoingove tetãyguakuéra ojejopyete hag̃uánte.

Salmokuéra 107:5

Ohasa asy ñembyahýi ha y’uhéi reheve, hi’ánga ikangypa.

Salmokuéra 78:19

Ha oñe’ẽvai hikuái Ñanderuete rehe, he’ívo: Ikatúnepa Ha’e ombosako’i ñandéve peteĩ mesa hi’upyrã reheve ñu perõme.

Salmokuéra 78:25

Ho’u hikuái yvága pegua tembi’u, Ha’e ombou ichupekuéra hembi’urã hyg̃uatã meve.

Éxodo 14:11

Ha he’i hikuái Moiséspe: Ndaipóri piko yvy oreñotỹ hag̃ua Egípto retãme, romano hag̃ua ko desiérto kóvape. Mba’érehepa péicha rejapo orerehe, oreguenohẽvo Egípto retãgui.

Éxodo 17:3

Ha hetãyguakuéra ijy’uhéigui upépe okaguái Moises rehe ha he’i: Mba’upéiko oreguenohẽ Egíptogui orejuka hag̃ua y’uhéigui, oréve, ore ra’ykuéra ha ore rymbakuérape avei.

Éxodo 2:23

Ha ohasa rire heta ára omano pe Egípto retã ruvichaguasu ha umi Israel ñemoñare heta pyahẽme oiko pe tembiguái reko poguýpe, ha osapukái tasẽme; ha ojupi Ñanderuete peve ipyahẽitakuéra.

Éxodo 5:21

ha he’i hikuái ichupekuéra: Ñanderuete toma’ẽ penderehe ha tapendehavira; peẽ oremoĩ vai haguére faraon ha hembiguaikuéra renondépe, ha peẽ voi pemoĩ kyse puku ipopekuéra orejukapa hag̃ua.

Jeremías 2:6

Ha nde’íri hikuái: Mamo piko oime Ñanderuete ñaneguenohẽva’ekue Egípto retãgui, ñanesãmbyhyva’ekue desiérto rupi, peteĩ yvy nandípe, avave oiko’ỹha rupi, yvy ipiru ha iñypytũva, peteĩ yvy ojeiko’ỹha, ni avave ndoikoihápe.

Jeremías 42:14

pejégui: Nahániri, roikétante Egípto retãme, upépe ndorohechamo’ãvéi ñorãirõ, norohendumo’ãvéi avei ñorãirõ turu pu ni naoreñembyahyimo’ãvéi, upépente roikose.

Jeremías 44:17

Añetehápe rojapóta opaite ñe’ẽme’ẽ ore jurúgui osẽmava’ekue, roikuave’ẽ hag̃ua mba’e ryakuã porã yvága jára kuñáme g̃uarã, roñohẽvo ichupe víno, rojapo háicha jepi ore ha ore rukuéra, ore retã ruvichakuéra ha ore mburuvichakuéra, umi táva Juda peguápe ha Jerusalen callekuérape, ha upeaja roguerekómiva heta pan ha ore py’a rory joa ha mba’eveichagua mba’evai ndorohechaiva’ekue.

Lamentaciónes 4:9

Ovy’aiteve umi kyse pukúpe ojejukava’ekue, umi ñembyahýigui omanova’ekuégui, ko’ãva omano mbeguekatu ndaiporivéigui koga’a.

Números 11:15

Nde chereja ramo che añoite, che ajerure ndéve chejuka hag̃ua, oime ramo ha’a porã nde resa renondépe. Ani hag̃ua ahecha mba’evai ojehúva chéve.

Números 11:20

peteĩ jasy pukukue katu pe’úta, osẽmba peve pene tĩ rupi, ha penembojeguaru peve, ndapejapóigui mba’e ramo pende Ruetépe oĩva pende apytépe, ha penerasẽgui henondépe, ha peje: Mba’upéiko ñasẽra’e Egípto retãgui.

Números 14:2

Ha Israel ñemoñarenguéra oñe’ẽvai Moises ha Aaron rehe; ha mayma Israelguakuéra he’i ichupekuéra: Romanonteva’erãmo’ã Egípto retãme, térã romanova’erãmo’ãra’e ko desiérto kóvape.

Números 14:3

Mba’upépa Ñanderuete oregueru ko yvýpe ro’a hag̃ua kyse puku rãimbépe, ore rembirekokuéra ha ore ra’ykuéra ho’áta ipopekuéra. Iporãve roho jevy Egípto retãme.

Números 16:13

Naimba’eguasúipa ndéve oregueru hag̃ua peteĩ yvy osyryhápe kamby ha eíra, ha ág̃a orejukase avei ko desiértope, reñembojára hag̃ua orerehe mbaretepópe.

Números 16:41

Ambue árape Israel ñemoñarenguéra aty oñe’ẽ pohýi Moisésre ha Aaron rehe, ha he’i: Peẽ pejuka Ñanderuete retãyguakuérape.

Números 21:5

Ha oñe’ẽvai hikuái Ñanderuete ha Moises rehe: Ma’erãiko oreguenohẽra’e Egíptogui romanomba hag̃ua ko desiértope, ko’ápe ndaipóri pan ni y, ha ore ánga ombyajúma ko mana vevuietégui.

Apostolkuéra 26:29

Páblo katu he’i ichupe: Che añembo’e’aína Ñanderuetépe, pya’e térã mbeguépe, nandeañói (rejerovia hag̃ua Hesu Crísto rehe), opaite ko’ág̃a cherendúva guive avei, toiko che aiko háicha, ko cadena’ỹre uvei.

1 Corintoyguakuérape 4:8

Peneryg̃uatãma, penemba’etáma, peiko mburuvichaguasúicha oikotevẽ’ỹva ramo mba’eve orehegui. Mba’éichatamora’e oiko pendehegui mburuvichaguasu, ore roiko hag̃ua avei mburuvichaguasu ramo penendive.

2 Corintoyguakuérape 11:1

Mba’éicha tamora’e pehechakuaa che reko tarovamiha, ajépa peẽ peropu’akapáta che ha’étava guive ko’ág̃a.

Deuteronómio 28:67

Ha pyharevekuépe pejéta: Mba’éicha tamora’e og̃uahẽ ka’aru, ha ka’aru vove pejéta: Mba’éicha tamora’e pyharéra’e ko’ág̃a; opaite ko’ã mba’e rupi penembopy’atutúta, pekyhyjeitereígui.

Deuteronómio 8:3

Ha’e penembohasa asy ha penemoñembyahýi, upéi penemongaru mana reheve, pe tembi’u peẽ ha pende rukuéra ndoikuaáiva, oikuaauka hag̃ua peẽme ndaigalléta añói rehe oikoveha yvyariguakuéra, opaite ñe’ẽ osẽva Ñanderuete jurúgui uvei.

Josué 7:7

Ha Josue he’i: Che Jára, ore Ruete mba’upépa rembohasa Israélpe Jordan rupi, oremoĩ hag̃ua Amorguakuéra pópe, orehundi hag̃ua, ropytánteva’erãmo’ã Jordan mboypýri.