Ñanderuete ningo oñorãirõkuaa; Jahve héra.
Máva piko aipo tetã ruvicha heko ojajaipáva, Ñanderuete voi ningo, Yvága Atykuéra Jára. Ha’e pe tetã ruvichaguasu ipy’aguasuetéva ñorãirõguasúpe.
Emoĩ nde ku’a rehe nde kyse puku, nde ningo pe ipy’aguasuetéva, ha ne mburuvichaguasu reko omimbipáva.
Ha toikuaa hikuái Nde ha’eha Ñanderuete, Nde añoiteha pe Jára Ijyvatevéva oĩva ko yvy apéregui.
Ñanderuete oñorãirõta ñanderehehápe ha peẽ peiméta py’aguapýpe.
ohekýivo icárro ruedakuéra. Upémaramo Egiptoyguakuéra he’i: Ñakañy Israel renonderãgui, Ijára oñorãirõ hesehapekuéra ha oñemoĩ ñanderehe.
Moises he’i Ñanderuetépe: Péina ápe che ag̃uahẽvo Israel ñemoñarenguéra rendápe, ha ha’e ramo ichupekuéra: Pende rukuéra Jára chembou pene rendápe, katuete ha’ekuéra oporandúta chéve: Mba’éicha piko héra. Mba’épa upéramo ha’éta ichupekuéra.
Ha Ñanderuete he’i Moiséspe: Che ningo HA’ÉVA (Jahve), ha he’i avei: Péicha eréta Israel ñemoñarenguérape: HA’ÉVA chembou pene rendápe.
Ñanderuete he’i avei Moiséspe: Péicha eréta Israel ñemoñarenguérape: Jahve, pende Ruete, pende rukuéra Abraham, Isaac ha Jacóbo Jára chembou pene rendápe. Kóa hína che réra opaite ára peve g̃uarã; péicha peẽ cherenóita ára apyre’ỹ meve.
Ñanderuetégui osẽta peteĩ ipy’aguasuetéva ha oñorãirõ porãkuaáva, ojeity hag̃ua kyre’ỹpópe ha kyhyje’ỹre, iñorãirõ sapukái rupi hese ija’e’ỹvakuéra ári.
Che Jahve, péicha ningo che réra, ha avavépe name’ẽmo’ãi che reko jajaipa, ha che rerakuã porã ndahejamo’ãi ijára gua’u ra’ãngápe.
Péicha he’i pende Ruete: Ajaposéva guive ajapopáta katuete avei, amohenda porãmbáta hendag̃uáme, che réra Yvága Atykuéra Jára.
