Éxodo 14:3

Ñanderuete Ñe’ẽ Porã 2015

Faraon he’íta Israel ñemoñarenguéra rehe: Okañyháme oiko hikuái ha pe desiérto omongora ichupekuéra.

Referencias Cruzadas

Salmokuéra 139:2

Nde reikuaapa aguapy térã apu’ã ramo, mombyry guive reikuaa porã che ajepy’amongeta jave rehe.

Salmokuéra 139:4

Osẽ mboyve peteĩ ñe’ẽ che jurúgui Nde, che Ruete, reikuaapáma voi.

Salmokuéra 3:2

Heta oĩ he’íva cherehe: Ndaiporivéima ñepytyvõ ichupe g̃uarã Ñanderuetégui. Selah

Salmokuéra 71:11

Ñanderuete oheja reíma ichupe, pemuña ha pejapyhy ichupe, ndaipórigui oipytyvõtava ichupe.

Éxodo 14:2

Ere Israel ñemoñarenguérape tojere ha topyta hikuái Pihahirot renondépe, Migdol ha yguasu pa’ũme, Baal-Sefon rovái; ha pepyta yguasu rembe’ýpe.

Éxodo 14:4

Che katu amohatãta faraon py’apy ou hag̃ua pende rapykuéri penemuña hag̃ua, upémaramo Che añembotuicháta faraon ha mayma isoldádo aty rupi, ha umi Egiptoygua oikuaáta Che Jahveha, Israel Jára. Ha ha’ekuéra ojapopa péicha.

Ezequiel 38:17

Péicha he’i Ñanderuete: Nanderehéipara’e Che añe’ẽva’ekue umi ára ohasamava’ekuépe, che rembiguaikuéra, che proféta Israel peguárupi, ha’ekuéra oporomomaranduva’ekue Che roguerutaha hi’arikuéra.

Apostolkuéra 4:28

Oikopa hag̃ua nde pu’akaguasuete ombosako’íva ha Nde reipotáva guive.

Deuteronómio 31:21

Ha ojehu ramo ichupekuéra heta mba’evai ha jepy’apyeta, upevove ko purahéi opytáta che techahare ramo iñemoñarenguéra jurúpe; Che aikuaapa voi mba’épa ojapose hikuái, ojehu mboyve ha amoinge mboyve ichupekuéra pe yvýpe aprometeva’ekue ichupekuéra.

Juéces 16:2

Ha oñemombe’u umi Gazayguápe: Sanson oúkuri ko’ápe. Ha omongora ichupe hikuái ha oha’ãrõ ichupe pe pyhare pukukue pe táva rokẽme; ha kirirĩháme oĩ joa hikuái pe pyhare pukukue, he’ívo: Ñaha’ãrõta ko’ẽ hesakã meve; ha upéi jajukáta ichupe.

1 Samuel 23:23

Pehecha porãke, ha peikuaa porãke ikañyha renda, ha peikuaa porã rire peju che rendápe, ha che aháta penendive; ha ha’e oĩ ramo ñane retãme che ahekáta ichupe mayma 1000 Judaygua apytépe.

1 Samuel 23:7

Ha Saúlpe oñemombe’u David ou hague Keilápe. Upémaramo Saul he’i: Ñanderuete omoĩma ichupe che pópe, ha’e oike ha oñemboty haguére Keila távape.