Éxodo 13:3

Ñanderuete Ñe’ẽ Porã 2015

Ha Moises he’i Israel retãyguakuérape: Penemandu’áke ko ára kóva rehe pesẽ hague Egíptogui, tembiguái reko rógagui, Ñanderuete voi ningo penerenohẽ upégui, ani pe’u pan oñembovumbyréva,

Referencias Cruzadas

Genesis 15:16

Ha ne ñemoñarenguéra ñemoñare irundyha (generacion irundyha) ou jevyva’erã ko’ápe; ko’ág̃a Amorguakuéra reko ñaña nahenyhẽi gueteri che renondépe.

1 Réyes 8:42

ha’ekuéra ohenduva’erã nde réra guasuetégui, nde pyapy mbaretégui ha ne rembiapokuéragui, ha ou ramo oñembo’e ko óga kóvape,

1 Crónicas 16:12

Peñemomandu’a hembiapo techapyrã Ha’e ojapova’ekue rehe, ha avei techapyrãguasu rehe, ha umi ñe’ẽ ijuru he’iva’ekue rehe.

Nehemías 1:10

Ore ningo ne rembiguái ha ne retã, resalvava’ekue nde pu’aka tuicha rupi, ha nde po mbarete rupi.

Nehemías 9:10

Ha rejapókuri techaukaha (señal) ha tembiapo techapyrãva faraon rehe ha opaite hembiguaikuéra rehe, ha opaite hetãyguakuéra rehe reikuaa porãgui oñembotuichaha; ha upéicha rembotuicha ne rerakuã, oĩ háicha ko ára kóva peve.

Salmokuéra 105:5

Peñemomandu’áke umi tembiapo Ha’e ojapova’ekue rehe, umi mba’e techapyrã rehe ha mba’éichapa Ha’e ombojovake porãite.

Salmokuéra 114:1

Israel osẽ ramoguare Egíptogui, Jacóbo róga oikóma ambue tetã ñe’ẽ apytépe,

Salmokuéra 136:11

Ha’e oguenohẽva’ekue Israelguakuérape ijapytégui, ha imborayhu ndopamo’ãi araka’eve.

Salmokuéra 136:12

Po mbarete ha jyva jepysopópe oikohína Ha’e, ha imborayhu ndopamo’ãi araka’eve.

Salmokuéra 89:14

Justícia ha ñembojovake hekoite peguáva ojokohína nde guapyhaguasu, poriahuvereko ha teko añetegua oñembo’yhína nde rova renondépe.

Éxodo 12:15

Siéte ára pe’uva’erã pan ojejapova’ekue levadura’ỹre, pe ára peteĩháme pehekáta ani hag̃ua ojejohuve levadúra pende rógape; oimeraẽ ho’úva pan ojejapóva levadúra reheve pe ára peteĩha guive ára 7-ha peve, upéva ojejukava’erã Israel apytégui.

Éxodo 12:17

Pe ára péva pemboaretéta pan oñembovu’ỹva reheve, pe árape Che voi poguenohẽgui Egípto retãgui; upévare ko tembiapoukapy kóva pejapova’erã jepokuaaha ramo opaite árape pene ñemoñarenguéra ndive.

Éxodo 12:19

Ndojejohuiva’erã pan mbovupyréva pende rogakuérape 7 ára javeve, oimeraẽva ho’úva pan mbovupyréva, taha’e tetã ambueygua térã Israelgua ojejukava’erã Israel apytégui.

Éxodo 12:2

Ko jasy kóva ha’éta peẽme g̃uarã pe jasy peteĩha, ko jasy kóvape oñepyrũta peáño.

Éxodo 12:41

Ha ohasa rire umi 430áño, Ñanderuete oguenohẽ Israelguakuérape Egípto retãgui.

Éxodo 12:42

Ko pyhare kóva pemboareteva’erã Ñanderuetépe g̃uarã, Ha’e peneguenohẽgui Egípto retãgui.

Éxodo 12:8

Ha pe pyharépe pe’uva’erã ho’okue tatápe hysypyréva ha pan levadura’ỹre, pohã ñana iróva reheve pe’uva’erã.

Éxodo 13:14

Ko’ẽ ramo ára nde ra’y oporandúrõ ndéve, he’ívo: Mba’épa he’ise ko’ã mba’e kóva, eréta ichupe: Ñanderuete oreguenohẽ pyapy mbaretepópe Egíptogui, tembiguái rekógui;

Éxodo 13:9

Ha oikóta peẽme g̃uarã techaukaha ramo ha peteĩ mandu’aha ramo pende resa renondépe, Ñanderuete rembiapoukapy oĩ hag̃ua pende jurúpe, Ha’e ñanerenohẽgui pu’aka mbaretépe Egíptogui.

Éxodo 20:2

Che ningo Jahve, pende Ruete, poguenohẽva’ekue Egípto retãgui, tembiguái reko poguýgui.

Éxodo 20:8

Nemandu’áke pe pytu’uha árare, remboete (remboarete) hag̃ua nde Ruetépe.

Éxodo 23:15

Pemboarete pan ñembovupyre’ỹva. Siéte ára pe’uva’erã pan ñembovupyre’ỹva Che ha’e haguéicha peẽme, abril jasýpe pesẽgui Egíptogui; ha avave noñembojaiva’erã che renondépe po nandi.

Éxodo 3:20

Upévagui ahupíta che po ahavira hag̃ua Egiptoyguakuérape opaite tembiapo techapyrã pohýi rupi, ha uperire ae ohejáta pesẽ peho hag̃ua.

Éxodo 34:18

Pe arete pan ñembovu’ỹva rehegua pemboareteva’erã 7 ára pukukue ha umi ára aja pe’uva’erã pan oñembovu’ỹva; Che ha’e haguéicha ndéve, pemboareteva’erã abril jasýpe; abril jave pesẽva’ekuégui avei Egípto retãgui.

Éxodo 6:1

Ñanderuete he’i jevy Moiséspe: Ko’ág̃a rehecháta Che ajapótava faraon rehe; pu’aka mbaretépemante opoíta Israelguakuéragui, pu’aka mbaretépemante omosẽta ichupekuéra ijyvýgui.

Éxodo 6:6

Upévagui eréta Israel ñemoñarenguérape: Che ha’e pende Jára; ha che poguenohẽta Egíptogui tembiguái reko pohýigui, ha Che poipe’áta pu’aka mbaretépe ha jehaviraguasu rupi Egípto retã poguýgui.

Éxodo 6:7

Ha peikóta che retã ramo ha Che pende Jára ramo; ha peikuaáta Cheha pende Ruete, poguenohẽtava tembiapo pohyiete poguýgui Egípto retãgui.

Éxodo 7:4

Faraon napenerendumo’ãi; Che katu amoĩta che po Egiptoyguakuéra ári, ha tuicha jehavira rupi aguenohẽta Israel atykuéra, che retãyguakuéra, Israel ñemoñarenguéra Egípto retã poguýgui.

Jeremías 34:13

Péicha he’i pende Ruete, Israel Jára: Che añe’ẽme’ẽmava’ekue pende rukuéra ndive aguenohẽ ramoguare ichupekuéra Egípto retãgui, tembiguái rógagui, ha’évo:

Daniel 9:15

Ore Ruete, ore Jára, Nde voi reguenohẽva’ekue ne retã Israel Egíptogui nde pu’aka rupi, ha rembotuicha nde réra, ko ára peve orénte roñemohembiapo vai ha roñemoangaipa ne renondépe.

Matéo 10:12

Ha peg̃uahẽvo upe óga upévape pemomaitei.

Lúcas 22:19

Ha ojapyhy pe pan ha oagradece rire, oipehe’ã ha ome’ẽ ichupekuéra he’ívo: Kóva ningo che rete oñeme’ẽtava penderehe. Pejapóke kóicha peñemomandu’a hag̃ua cherehe.

1 Corintoyguakuérape 11:24

ha iñembo’épe oagradece rire omboja’o ha he’i (hemimbo’ekuérape): Kóva ningo che rete oñepehe’ãva penderehehápe. Pe’u jave ko pan kóva peñemomandu’a cherehe.

1 Corintoyguakuérape 5:8

Upévare ñamboarete pe páscua pan reheve ojejapóva levadura’ỹre, péva he’ise teko potĩme ha añetegua reheve, ha ñamombo pe levadúra tuja, péva he’ise teko ñaña ha teko ky’a.

Efesoyguakuérape 1:19

ha peẽ peikuaa hag̃ua avei Ñanderuete pu’aka tuichaitereíva omba’apoha ñande jajeroviáva rekovépe ñanemombarete ha ñanemokyre’ỹve hag̃ua jahávo.

Deuteronómio 13:10

Pejapiva’erã ichupe itápe omano meve, oñeha’ãgui nemboyke hag̃ua Jahve, nde Járagui, nerenohẽva’ekue Egípto retãgui, tembiguai rekógui.

Deuteronómio 13:11

Ko’ã mba’e mayma Israelgua tohendu okyhyje hag̃ua, ha oñemboyke hag̃ua ko’ã mba’evaígui.

Deuteronómio 13:5

Peichagua proféta térã ke pegua ohecháva ojejukava’erã, oporohekombo’égui oñepu’ã hag̃ua Ñanderuete rehe, Ha’e ningo penerenohẽva’ekue Egípto retãgui tembiguái rekógui, ha’ekuéra ombyaisénte pende jerovia pende Jára rehe; ha peichagua tapicha pejuka ramo peguenohẽta mba’evai pende apytégui.

Deuteronómio 13:6

Ha he’i jevy jey ramo ndéve nde ryke’y, térã nde sy memby, térã nde ra’y, térã nde rajy, térã ne rembireko, térã ne irũ, he’ívo ñemiháme: Jaha ñamomba’eguasu ambue járape nde ha nde rukuéra oikuaa’ỹva’ekuépe,

Deuteronómio 15:15

Nemandu’ava’erã nde reiko hague avei tembiguái rei ramo Egípto retãme, ha Ñanderuete ndesalva hague avei; upévagui ha’e he’iuka ko’ã mba’e ndéve ko árape rejapo hag̃ua.

Deuteronómio 16:1

Pemboareteva’erã abril jasy og̃uahẽ vove, ha pejapova’erã páscua Jahve, pende Járape g̃uarã; peteĩ pyharépe umiha árape Ñanderuete peneguenohẽva’ekue Egípto retãgui.

Deuteronómio 16:12

Ha peñemomandu’áke peẽ peiko hague avei tembiguái ramo Egíptope; upévagui pejapova’erã hekoitépe Ñanderuete rembiapoukapy.

Deuteronómio 16:3

Ndape’uiva’erã hendive pan ojejapova’ekue levadúra reheve, 7 ára pukukue pe’uva’erã pan ojejapova’ekue levadura’ỹre, kóva ningo pan tembiasa asy reheguáva, pya’eiterei pesẽ haguére Egípto retãgui; ikatu hag̃uáicha peikove aja pukukue penemomandu’a hag̃ua pe ára rehe pesẽ ramoguare Egípto retãgui.

Deuteronómio 24:18

Penemandu’áke peiko hague avei tembiguái rei ramo Egíptope, ha upégui Ñanderuete, pende Jára, penerenohẽva’ekue; upévagui che ha’e peẽme pejapo hag̃ua hekoitépe opaite ko’ã mba’e.

Deuteronómio 24:22

Nemandu’áke reiko hague avei tembiguái rei ramo Egípto retãme; upévagui Che ha’e ndéve rejapo hag̃ua opaite ko’ã mba’e.

Deuteronómio 26:8

upévare Ha’e oreguenohẽ Egípto retãgui pyapy mbarete ha ijyva jepysopópe, tuicha ñeporomondýipe, ha tembiapo tuicha ha milágro reheve,

Deuteronómio 4:34

Térã oĩ piko peteĩ Jára oñeha’ãva ou hag̃ua yvy apére oguenohẽ hag̃ua peteĩ tetãme ambue tetãnguéra apytégui imba’etee ramo, milagrokuéra rupi, tembiapo ohecha’ỹva térã ñorãirõ rupi, térã pyapy mbarete ha jyva jepyso rupi, térã tembiapo oporomondýiva rupi, Jahve, pende Ruete, ojapo haguéicha Egípto retãme, pende resa renondépe.

Deuteronómio 5:15

Nemandu’áke reiko hague avei tembiguái ramo Egípto retãme, ha Jahve, pende Ruete, nerenohẽ hague upégui pyapy mbarete ha jyva jepysópe; upévagui Jahve, pende Ruete, he’i ndéve emboarete hag̃ua pe pytu’uha ára.

Deuteronómio 5:6

Chénte Jahve, pende Ruete, poguenohẽva’ekue Egípto retãgui, tembiguái rekógui.

Deuteronómio 6:12

upéicha ramo, peñangarekóke pendejehe anítei penderesarái Jahve, pende Jaraitégui, penerenohẽva’ekue Egípto retãgui, tembiguái róga poguýgui.

Deuteronómio 6:21

Upéramo pejéta pende ra’ýpe: Ore ningo, faraon rembiguaikue Egíptope, Ñanderuete katu oreguenohẽ Egíptogui pyapy mbarete pópe.

Deuteronómio 7:8

Ñanderuete penderayhúguinte pendeporavo ha ojaposégui iñe’ẽ ome’ẽmava’ekue pende rukuérape, upévare penerenohẽ pyapy mbaretepópe tembiguái rekógui, faraon, Egípto retã ruvicha poguýgui.

Deuteronómio 8:14

ha aníke ovu pene ñe’ã ha penderesarái pende Ruetégui penerenohẽva’ekue Egípto retãgui, tembiguái poguýgui;

Deuteronómio 9:12

Ha Ñanderuete he’i chéve: Epu’ã ha eguejy pya’e ko’águi, ne retãyguakuéra reguenohẽva’ekue Egíptogui oñemoangaipa jevýma; pya’e oñemboyke pe tape, Che ahechaukava’ekuégui ichupekuéra; ojapo hikuái peteĩ tymba ra’ãnga omomba’eguasu hag̃ua ichupe ijára ramo.

Josué 24:17

Ñanderuete, ore Jára voi oreguenohẽva’ekue oréve ha ore rukuérape Egípto retãgui, tembiguái reko poguýgui; Ha’e ojapova’ekue ko’ã techaukahaguasuetéva, ha oñangareko orerehe tape pukukue javeve mamo roiko hague rupi, ha mayma umi tetãygua mamo jahasa haguérupi.

Juéces 2:12

Opoi hikuái Ñanderuetégui, ituvakuéra Jára, oguenohẽva’ekue ichupekuéra Egípto retãgui, ha oho hikuái ambue jára rapykuéri, umi tetã ijerekuévo omomba’eguasúva avei; ha péva ombopochy Ñanderuetépe.

Juéces 6:8

Ñanderuete ombou Israel ñemoñarenguérape peteĩ proféta, ha péva he’i ichupekuéra: Péicha he’i Ñanderuete, Israel Jára: Che poguenohẽukava’ekue Egíptogui, ha poguenohẽ pe tembiguái rekógui.