Éxodo 13:2

Ñanderuete Ñe’ẽ Porã 2015

Emboyke chéve g̃uarã pende ra’y ypykue. Oimeraẽva ombohape ypyva’ekue isy membyryru rape Israel ñemoñarenguéra apytépe, taha’e kuimba’e térã tymba, upéva ningo che mba’eteéva.

Referencias Cruzadas

Nehemías 10:36

Ha rogueraháta avei ore ra’y ypykue ha ore rymba ra’y ypykue, ojehai háicha Moises po rupi ne rembiapoukapýpe; ha rogueruva’erãha avei ore vaka ra’ykuéra ypykue ha ore ovechakuéra ha kavara ra’ykuéra ypykue ore Jára rógape.

Nehemías 10:37

Ha rogueruva’erãha avei ore trigoku’i ypykue me’ẽmbyrã ha ore kuave’ẽmbynguéra, ha opaite yvyra’akuéragui, ha pe vínogui, ha acéitegui, pa’ikuérape g̃uarã, oñeñongatu hag̃ua Ñanderuete róga kotykuérape, ha ore diézmo ore yvy peguarégui Leviguakuérape g̃uarã, ichupekuéra g̃uarã oñeme’ẽva’erã ore diézmo opaite ore koga’águi.

Éxodo 13:1

Ñanderuete oñe’ẽ Moiséspe ha he’i ichupe:

Éxodo 22:28

Nereñe’ẽ vairiva’erã mbojovakehára rehe, ni neremaldeciriva’erã ne retã ruvichápe.

Éxodo 23:19

Nde kóga’a ypykue regueruva’erã pende Ruete rógape. Nerembojyiva’erã kavara ra’y isy kambykuépe.

Éxodo 4:22

Ha eréta faraónpe: Ñanderuete péicha he’i: Israel ningo che ra’y ypykue.

Ezequiel 16:20

Ha ã mba’e ári, reguerahava’ekue avei nde ra’y ha nde rajykuérape Che ame’ẽmava’ekue ndéve, reikuave’ẽ hag̃ua avei ichupekuéra hembi’urã ramo. Výro rei piko ra’e ne rembiapo vaiete rejapóva.

Ezequiel 16:21

Reikuave’ẽ che ra’ykuérape nde jára gua’u ra’ãngápe kuave’ẽmby ramo, ha pe tata ombokusuguepa ichupekuéra.

Levítico 27:26

Opaite tymba ra’y ypykue pende Ruete mba’e, avave ndikatúi ome’ẽ umía pende Ruetépe ipromésa ramo, taha’e tóro, térã ovecha, térã kavara ra’y, péva pende Ruete mba’énte voi.

Números 18:15

Umi mitã onace ypýva isy retepy ryru rapégui, taha’e kuimba’e térã kuña, oñekuave’ẽta chéve, ne mba’erã; kuimba’e ra’y ypykue ha umi tymba ipotĩ’ỹva ra’y ypykue, ha’ekuéra tojogua jevy ndehegui.

Números 3:12

Eikuaa porãke, Che aiporavo Leviguakuérape Israel ñemoñarenguéra apytégui mayma ita’ýra ypykue rekovia; upévare Leviguakuéra che mba’e teéva.

Números 3:13

Che mba’égui voi mayma ta’ýra ypykue; Che ajukauka ramoguare mayma Egiptoygua ra’y ypykue, upe ára guive Che amboyke mayma Israelgua ra’y ypykue, kuimba’e ha tymbakuéra apytégui, che mba’etee ramo, Che ningo pende Ruete.

Lúcas 2:23

Moises rembiapoukapy he’i háicha: Opaite mitãkuimba’e oipe’a raẽva isy memby ryru oñeme’ẽva’erã Ñanderuetépe, (Éxodo 13,2.12).

Deuteronómio 15:19

Emboyke Ñanderuetépe g̃uarã mayma mácho ypykue nde vakara’ýgui, nde ovechágui ha nde kavarágui; neremomba’apoiva’erã nde vakara’y ypykue ha nereñapĩriva’erã nde ovechara’y ypykue.

hebreoyguakuerape 12:23

ha peg̃uahẽ iglesiayguakuéra onaceva’ekue rendápe, herakuéra ojehaimava’ekue yvágape, ha peg̃uahẽ Ñanderuete ombojovakepáva rendápe ha umi oñemboheko potĩva Pytu Porãmbáva rendápe,