Éxodo 12:3

Ñanderuete Ñe’ẽ Porã 2015

Peñe’ẽ mayma Israelgua atýpe pejévo: Ko jasy pegua ára 10-hápe oimeraẽ túva, ojapyhýta peteĩ ovecha ra’yrusu hógape g̃uarã.

Referencias Cruzadas

Genesis 22:8

Ha itúva he’i ichupe: Che ra’y, Ñanderuete ohechaukáta pe ovecha ra’yrusu che aikuave’ẽtava. Ha oho hikuái oñondive.

Genesis 4:4

Ha Abel ogueru ijovecha ra’ykuéra apytégui, peteĩ ikyra porãva. Ha Ñanderuete oma’ẽ torypápe Abel ha ikuave’ẽmbýre;

2 Crónicas 35:7

Ha tetã ruvicha Josías ome’ẽ hetãyguakuérape oñembyatýva guive omboarete hag̃ua pe páscua: 30.000 ovecha, ovecha ra’yrusu ha kavara ra’yrusu hymba atýgui, hi’ári ome’ẽ 3.000 tóro ra’yrusu: Ko’ãva ningo tetã ruvicha rymbakuéra apytégui ha’e ome’ẽ hetãyguakuérape.

Éxodo 12:2

Ko jasy kóva ha’éta peẽme g̃uarã pe jasy peteĩha, ko jasy kóvape oñepyrũta peáño.

Éxodo 12:21

Ha Moises ohenoiuka opaite Israel karai ancianokuéra ha he’i ichupekuéra: Peguenohẽ ha pejapyhy ovecha ra’yrusu pende rógape g̃uarã, peikuave’ẽ hag̃ua pe páscuape.

Éxodo 12:4

Ha hogaygua imbovyeterei ramo ha ndo’upamo’ãi ramo pe ovecha ra’yrusu, upéicharamo ha’e ha hóga ykeregua hi’ag̃uivéva ndive ojapyhýta peteĩ ovecha ha oñondive ho’úta opa peve; upévagui ojepapa raẽva’erã hogayguakuéra ojekuaa porã hag̃ua mboýpa ho’úta ichugui.

Éxodo 12:6

Ko jasýpe peñongatúta pe ára 14-ha peve, ha mayma Israelgua ijatýva ojukava’erã pe ka’arupytũ mboyvemi.

Éxodo 14:15

Upéramo Ñanderuete he’i Moiséspe: Mba’upépa resapukái rei chéve. Ere Israel ñemoñarenguérape toguata hapére.

Éxodo 20:19

Ha he’i hikuái Moiséspe: Eñe’ẽ nde orendive ha ore rohendúta; anínte Ñanderuete oñe’ẽtei oréve, ani hag̃ua romanomba.

Éxodo 4:30

Ha Aaron omombe’u umi mba’e Ñanderuete he’iva’ekue Moiséspe ha ojapo umi techaukaha hetãyguakuéra resa renondépe.

Éxodo 6:6

Upévagui eréta Israel ñemoñarenguérape: Che ha’e pende Jára; ha che poguenohẽta Egíptogui tembiguái reko pohýigui, ha Che poipe’áta pu’aka mbaretépe ha jehaviraguasu rupi Egípto retã poguýgui.

Ezequiel 40:1

Roiko rire 25 áño jepokuapýpe, pe áño pyahu oñepyrũ vove, pe ára 10-hápe, ha 14 áño haguépe Jerusalen ho’a rire ambue tetã poguýpe, upe ára upévape ou cheári Ñanderuete po, ha chegueraha (kepeguáicha) Jerusalénpe.

Levítico 1:2

Eñe’ẽ Israel ñemoñarenguérape ha ere ichupekuéra: Oimeraẽva pende apytégui ome’ẽséva kuave’ẽmby pende Ruetépe toikuave’ẽ hymba tóro, ijovecha térã ikavara.

Levítico 5:6

ha oñemoĩ porã jevy hag̃ua ogueruva’erã Ñanderuetépe peteĩ ovecha kuña térã peteĩ kavara kuña ikuave’ẽmby ramo; ha pe pa’i oikuave’ẽva ko kuave’ẽmby angaipa reheguáva pe mba’evai apoha ohupity iperdon.

Números 15:11

Péicha ojejapova’erã peteĩteĩ umi tóro ra’yrusu rehe, ovecha mácho ra’yrusu rehe, ovecha ra’yrusu rehe térã kavara ra’yrusu rehe.

Juan 1:29

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Juan 1:36

ha ohechávo hikuái, Hesu Crísto ohasaha upérupi Juan he’i: Pema’ẽ porãke, péva ningo Ñanderuete Ovecha Ra’y.

Juan 12:1

Séis ára páscua mboyve Hesu oho Betániape Lázaro rendápe, Ha’e omoingove jevyva’ekue omanóva apytégui.

Juan 12:12

Ha pe ára ambuépe ningo Judayguakuéra ou pe páscua aretépe ha ohendúvo Hesu outaha Jerusalénpe,

1 Corintoyguakuérape 5:7

Pemombo pe levadúra tuja, oiko hag̃ua pendehegui peteĩ mása pyahu, ha Hesu Crísto oiko hag̃ua pende rekovépe levadúra pyahu ramo, Ha’e voi ningo ojejuka páscuape ñanderehehápe.

Josué 7:14

Ko’ẽ ramo peñemboja joáta pende tríbu rupi; ha pe tríbu pende Ruete omboykéva, toñemboja hogaguasukuéra rupi; ha pe ogaguasu pende Ruete omboykéva, toñemboja hogakuéra rupi; ha pe óga Ñanderuete omboykéva, toñemboja ikuimba’ekuéra ndive.

Apocalípsis 13:8

Ha opaite yvyarigua oikóva guive yvy apére, ha héra ndojehaíriva pe Ovechara’y kuatiañe’ẽ tekove reheguápe, omomba’eguasúta upe mymba upévape. Ha péva ojehaipáma voi ko kuatiañe’ẽ kóvape, ko yvy tuichakue ojejapo mboyve guive.

1 Samuel 7:9

Ha Samuel oiporavo peteĩ ovechara’y okambúva ha ojuka kuave’ẽmby ojehapypáva ramo Ñanderuetépe g̃uarã. Ha Samuel omba’ejerure Ñanderuetépe Israel rehe, ha Ha’e ohendu ichupe.