Éxodo 10:2

Ñanderuete Ñe’ẽ Porã 2015

Remombe’u hag̃ua nde ra’ykuérape ha nde ra’y reminenonguérape umi mba’e Che ajapova’ekue Egíptope, ha umi milágro ahechaukava’ekue ijapytepekuéra; peikuaa hag̃ua Che ha’eha Jahve (pende Ruete).

Referencias Cruzadas

2 Samuel 7:22

Upéicha Nde, ore Ruete, ndetuicha tuichave rehóvo ndaipórigui Ndeichagua, ndaipórigui Jára añeteguáva ndaha’éi ramo Nde, rohendu háicha ore apysa rupi.

Salmokuéra 44:1

Nde, ore Ruete, ore apysakuéra rupive rohenduva’ekue, ore rukuéra omombe’uva’ekue oréve pe tembiapo rejapova’ekue hi’arakuérape, umi ára ymaguarépe.

Salmokuéra 44:2

Nde po rupi remosẽmbava’ekue ambue tetãnguérape, ha hendaguépe remoĩ ore rukuérape; rehundi umi tetãyguápe, ha ore rukuéra oiko hendaguépe.

Salmokuéra 58:11

Upevove oimeraẽva he’iva’erã: Añetehápe oĩ jopói oñeme’ẽtava hekojojávape g̃uarã, añetehápe oĩ Ñanderuete ombojovakevahína ko yvy apére.

Salmokuéra 71:18

Chetujáma ningo ha che akã rague morotĩmbámarõ jepe, Nde, che Ruete, ani chereja rei, amombe’uve hag̃ua nde pu’aka ha ne mbaretekue che ñemoñarenguérape ha mayma ouva’erãvape.

Salmokuéra 78:3

Umi mba’e ñahendúmava jaikuaa porã voi, umi mba’e ñande rukuéra omombe’umava’ekue ñandéve.

Éxodo 13:14

Ko’ẽ ramo ára nde ra’y oporandúrõ ndéve, he’ívo: Mba’épa he’ise ko’ã mba’e kóva, eréta ichupe: Ñanderuete oreguenohẽ pyapy mbaretepópe Egíptogui, tembiguái rekógui;

Éxodo 14:18

Ha Egiptoyguakuéra oikuaáta Che Jahveha, pende Ruete, añemoherakuã porãta faraon rupi, icarrokuéra ha ikavaju arigua rupi.

Éxodo 14:4

Che katu amohatãta faraon py’apy ou hag̃ua pende rapykuéri penemuña hag̃ua, upémaramo Che añembotuicháta faraon ha mayma isoldádo aty rupi, ha umi Egiptoygua oikuaáta Che Jahveha, Israel Jára. Ha ha’ekuéra ojapopa péicha.

Éxodo 7:17

Péicha he’iuka Ñanderuete: Ko’ã mba’e rupi reikuaáta Che ha’eha Jahve: Ema’ẽ porãke, ko yvyra’i che pópe arekóva, ainupãta pe y oĩva ysyrýpe, ha oikóta ichugui tuguy.

Éxodo 7:5

Ha Egiptoyguakuéra oikuaáta Cheha Jahve, aipysóva che po Egípto retã ári, aguenohẽ aja Israel ñemoñarenguérape ijapyteguikuéra.

Éxodo 8:6

Upéramo Aaron oipyso ijyva Egípto ykuéra ári, ha osẽ ju’ieta ha oñu’ãmba Egípto retãpy tuichakue javeve.

Isaías 38:19

Pe oikovévante ikatu nemomba’eguasu, che romomba’eguasu háicha ko ára kóvape; pe túva oikuaauka ita’yrakuérape ne añetegua.

Ezequiel 20:26

Iky’áva ramo aguereko ichupekuéra, oikuave’ẽgui hikuái ita’ýra tenonderépe tata rendýpe, ha ambohasa asy ichupekuéra aikuaauka hag̃ua ichupekuéra Chenteha Ijaratee.

Ezequiel 20:28

Che ame’ẽma che ñe’ẽ ame’ẽtaha ichupekuéra ko yvy kóva ha agueru avei ichupekuéra ko yvy kóvape, ha’ekuéra katu oma’ẽ mayma cérro ijyvatéva rehe ha mayma yvyra ikuarahy’ã porãva rehe, ha upépe oikuave’ẽ ambue járape chembopochy hag̃ua, ha upépe avei omoĩ hikuái imba’e ryakuã porãva, ha upépe oikuave’ẽ avei ivíno.

Joel 1:3

Ko’ã mba’e pemombe’úta pende ra’ykuérape, ha pende ra’ykuéra ombohasáta ita’yrakuérape, ha ita’yrakuerare omombe’u jevýta iñemoñarenguérape.

Efesoyguakuérape 6:4

Ha peẽ tuvakuéra, anítei pembopochy pende ra’y ha pende rajykuérape. Pemongakuaa ha pehekombo’e porã uvei ichupekuéra Ñanderuete oipota háicha (Ñanderuete kyhyje reheve).

Deuteronómio 4:9

Upévagui peñangarekóke pendejehe ha peñangareko porãke pene ánga rehe, ani hag̃ua penderesarái térã pemboyke pende py’apýgui umi mba’e pende resa ohechamava’ekue peẽ peikove aja pukukue; ha péva pembo’e jevyva’erã pende ra’ykuéra ha pene reminenonguérape.