Ester 4:3

Ñanderuete Ñe’ẽ Porã 2015

Opaite tetãnguérape ha opaite tekoha og̃uahẽha rupi tetã ruvicha ñe’ẽ ha hembiapoukapy, umi Judaygua oñembyasyeterei, ha ohasa okaru’ỹre, ñembyasy ha jahe’ópe, ha ao vosakuépe oñeno tanimbu apytépe.

Referencias Cruzadas

Ester 1:1

Ojehuva’ekue Pérsia retãguasúpe, Asuéro oisãmbyhy aja Índia guive Etiopía peve omboja’óvo umi tetã 127 departamentokuérape.

Ester 3:12

Upémaramo oñehenói tetã ruvicha kuatiañe’ẽ haiharakuérape pe jasy peteĩha, ha pe ára 13-hápe ohai hag̃ua kuatia rehe opaite mba’e Aman he’íva guive, ha oñemondo hag̃ua umi tetã ruvicha mburuvichakuérape, soldádo aty ruvichápe ha umi tetã ambueygua ruvichakuérape oĩva guive Asuéro poguýpe. Umi kuatiañe’ẽ ojehai opaite tetã ñe’ẽteévape ha tetã ruvicha Asuéro ofirma ikuãirũme (osella) pe kuatiañe’ẽ péva.

Ester 4:16

Tereho ha embyatypaite Judayguakuéra Súsape oikóva guive, ha peiko karu’ỹme cherehehápe, ani pekaru ha ani pey’útei mbohapy ára ha pyhare pukukue, ha che, che kuñataĩkuéra ndive aikóta avei karu’ỹme, ha uperire aikéta ahecha hag̃ua tetã ruvichápe amboyke ramojepe pe tembiapoukapy péva ha amano ramo, tove tamano.

Ester 4:2

Ha ou tetã ruvicha róga rokẽ meve, ndojehejái katu ojeike pe tetã ruvicha rokẽ rupi hyepy gotýo ao vosakue reheve.

Ester 4:4

Ha Ester rembiguái kuñataĩnguéra ou omombe’u hag̃ua ichupe, Mardoquéo ojahe’o asyha. Ha tetã ruvicha rembireko ombyasyeterei, ha oguerahauka Mardoquéope ao oñemonde hag̃ua, ha oipe’a hag̃ua pe ao vosakue, Mardoquéo katu ndoipotái.

Ester 9:31

Ko kuatiañe’ẽ kóvape oje’e opaite Judayguakuéra omboarete hag̃ua katuete ko’ã Purim ára hi’araitépe ojehai hagueichaite, Mardoquéo ha tetã ruvicha rembireko Ester po rupi, ha’ekuéra omoĩ haguéicha hi’arikuéra ha iñemoñarenguéra ári, ha mba’éichapa ohasa okaru’ỹre ha mba’éichapa ojahe’o hikuái.

Job 2:8

Ha Job ojapyhy peteĩ kambuchi jekakue oñekarãi hag̃ua, ha oguapy tanimbu apytépe.

Isaías 22:12

Upévare Ñanderuete, yvága atykuéra Jára he’iva’ekue peẽme pe ára pévape pejahe’o ha peñembyasy, peñemyakã perõ ha peñemonde ao vosakuépe;

Isaías 22:4

Upévare ha’ékuri: Cherejána peẽ tajahe’o asy hag̃ua, ani peñeha’ãtei chemoangapyhy, oñehundipágui che retãyguakuéra.

Isaías 58:5

Avy’a piko peichagua karu’ỹ reheve, peñembohasa asy ramo ha pejayvy ramo pirícha, peñemonde ao vosakuépe ha peguapy tanimbúpe. Ko’ã mba’épe piko pehenói karu’ỹ, peteĩ ára oguerohorýva pende Ruetépe.

Ezequiel 27:30

Ha’ekuéra osapukái asy joáta nderehe, ha omombóta yvy timbo iñakã ári, ha ojapajeréita tanimbúpe.

Daniel 9:3

Ha ajesaupi Ñanderuete, pe Jaraitéva gotýo, ahekávo ichupe ñembo’e ha mba’ejerure rupi, karu’ỹme, ao vosakuépe ha aguapy jave tanimbúpe.

Jonas 3:6

Ha ko marandu og̃uahẽ Nínive retã ruvichápe, ha opu’ã iguapyhaguasúgui omboi ijao ha omonde avei ao vosakue, ha oguapy tanimbúpe.

Matéo 13:42

ha omombopáta tatakua rata rendýpe, upépe oikóta pe tasẽ ha tãi pururũ (tapia g̃uarãme).

Matéo 22:13

Upémaramo pe tetã ruvichaguasu, he’i hembiguaikuérape: Peipykua ha peipokua, ha pemombo okápe pytũháme, upépe oikóta tasẽ ha tãi pururũháme.

Matéo 25:30

Ha pe tembiguái iñate’ỹvape pemombo okápe, pytũháme, ha upépe oiko hag̃ua tasẽ ha tãi pururũme.

Josué 7:6

Upémaramo Josue ha Israel karai ancianokuéra omondoro ijaokuéra, ha ojeity hováre, Ñanderuete karameg̃ua renondépe ka’aruete peve, ha omombo iñakã ári yvytimbo.

1 Samuel 11:4

Ha og̃uahẽvo umi ñe’ẽ rerahahára Gibéa pegua, Saul oikohápe, ohenduka ko’ã ñe’ẽ Israelguakuérape, ha ohendúvo umi ñe’ẽ osapukái ha ojahe’opa hikuái.