Ester 10:3

Ñanderuete Ñe’ẽ Porã 2015

Ha pe Judaygua, Mardoquéo, opyta tetã ruvicha Asuéro rire mburuvicha guasu mokõiha ramo, ha oiko mba’eguasu ramo Judayguakuéra apytépe, ha ojehayhuete ichupe hetãyguakuéra apytépe, oheka ha oñeha’ãgui ohupity hag̃ua mba’eporãitéva Israel tribukuérape g̃uarã.

Referencias Cruzadas

Genesis 41:40

upévare nde poguýpe opytáta che róga ha nde voi reisãmbyhýta avei che retã, tetã ruvicha mokõiha ramo, ha che apytátante tetã ruvicha peteĩha ramo.

Genesis 45:10

Reikóta Gósen yvýpe, ha reiméta ag̃uiete chehegui, nde, nde ra’ykuéra ha ne remimenonguéra (nietokuéra) ndive, ha opaite tymba michĩ ha tuicháva reguerekóva guive.

Genesis 45:11

Ha upépe romongarúta, ko ñembyahýi kóva hi’arevéta gueteri 5 áño, ani hag̃ua pemano ñembyahýigui nde ha nde rogayguakuéra, ha opaite tymba reguerekóva guive.

2 Crónicas 28:7

Upéicha avei Zicri, peteĩ kuimba’e Efraingua imbareteitéva, ojuka Maasías, tetã ruvicha ra’ýpe, ha Azricam, imba’eita ñangarekohárape, ha avei Elcánape oikóva tetã ruvicha mokõiha ramo.

Nehemías 2:10

Ha Sanbalat, peteĩ Horongua, ha Tobías, peteĩ Amongua ruvicha, ohendúvo péva ipochyeterei oĩgui oúva oheka hag̃ua mba’eporã Israel ra’ykuérape g̃uarã.

Ester 2:5

Ha Súsape, tetã ruvicha távape, oiko peteĩ kuimba’e Judaygua, hérava Mardoquéo, Jair ra’y, Simei ra’yre, Cis ra’yre, peteĩ Benjamin ñemoñaréva.

Ester 3:2

Ha opaite tetã ruvicha rembiguaikuéra oĩva guive tetã ruvicha rokẽme oñesũ joava’erã ha oñakãity joava’erã Aman renondépe, upéicha tetã ruvicha he’iukágui; Mardoquéo katu noñesũi ni noñemomirĩri henondépe.

Daniel 5:16

Ha che ahendu, nde ikatuha ere mba’épa he’ise ha ikatuha remyesakã avei mba’e ñemimby. Ko’ág̃a nde remoñe’ẽ ramo ko ñe’ẽ jehaipyre ha remombe’u ramo chéve mba’épa he’ise, reñemondéta ao pytãme, ha ame’ẽta peteĩ ajurigua oroguiguáva regueraha hag̃ua nde ajúra rehe ha reikóta tetã ruvicha mbohapyha ramo ko tetãguasúpe.

Daniel 5:29

Ha Belsasar omondeuka Daniélpe ao pytãme, ha omoĩuka ijajúrare peteĩ ajurigua oroguiguáva, ha oikuaauka ha’eha pe tetã ruvicha mbohapyha hetãguasúpe.

Daniel 6:3

Pe tetã ruvicha omoĩse Daniélpe umi 120 tetã sãmbyhyhára ári, oĩgui ipype peteĩ pytu porã ndetuicháva.

Romayguakuérape 10:1

Che hermanokuéra, che py’aite guive aipota ha ajerure asy Ñanderuetépe che retã Israelguakuéra rehe ojesalva hag̃ua.

Romayguakuérape 14:18

Upéicha omba’apóva (oservíva) Hesu Crístope g̃uarã, ombohory Ñanderuetépe ha ojehechakuaa porã (ivale) hapichakuéra apytépe.

1 Samuel 18:16

Ha mayma Israel ha Judaygua ohayhuve ohóvo Davídpe ha’e voi omotenondégui isoldadokuéra osẽnguévo ha oikekuévo.

1 Samuel 23:17

Ha he’i ichupe ani rekyhyjétei, Saul, che ru, nandejohumo’ãi ha nanderupitymo’ãi, ha nde ningo Israel retã ruvicharã, ha che aikóta nde rire mokõihápema, péva che ru Saul oikuaáma voi.