Ester 1:6

Ñanderuete Ñe’ẽ Porã 2015

Omyasãi umi aosãingo morotĩ, hovy kangy (vérde) ha hovy, inimbo pytãitévagui ohasáva plataguigua kuãirũ kua rupi ha oñeñapytĩ horcon ita marmolguiguávare; umi aramboha oñeno haguépe hikuái ojejapo ao porãitégui ha ijapytépe oĩ avei inimbo pláta ha oroguiguávagui, ha pe píso ojejapo ita jegua hovy, morotĩ, sa’yju ha hũ overávagui.

Referencias Cruzadas

Ester 7:8

Ha tetã ruvicha ou jevývo hogaguasu yvatýgui pe koty karuguasu oiko haguépe ojohu Aman ojayvy Ester oñenoha renondépe, ha tetã ruvicha he’i: Rerãirõse piko avei tetã ruvicha rembirekópe che rogaitépe. Tetã ruvicha he’ipávo ko’ã ñe’ẽ, hembiguaikuéra oñuã Aman rova.

Ester 8:15

Ha Mardoquéo osẽ tetã ruvicha rogaguasúgui, mburuvichaguasu ao hovy ha morotĩva reheve, ha peteĩ akã jeguaka (coróna) oroguigua tuichaitéva iñakã rehe, ha peteĩ póncho ao ka’avo inimbo pytãvagui. Upéramo umi Susaygua ovy’aite ha oiko toryguasúpe.

Éxodo 26:1

Rejapova’erã Ñanderuete rógape g̃uarã 10 aosãingo líno jepokapyrégui, inimbo hovy, pytã ha pytãũgui; ha querubin ra’ãnga iporãitereíva ojepokátava mbytépe.

Ezequiel 23:41

reguapy guapyha iporãitéva ári, rembosako’iuka peteĩ mesa henondépe ha remoĩ hi’ári che mba’e ryakuã porã ha che acéite.

Amos 2:8

Ijára gua’u rógape oñeno hikuái ijahoja’ỹva ári, oipe’amava’ekue imboriahukuéragui, ha’e omyengoviakuaa’ỹ haguére pe pirapire oiporumava’ekue, ha ho’u hikuái avei upépe pe víno oipe’ava’ekue avei pe mboriahu rógagui, ha’e ndaikatúigui omyengovia pe pirapire oiporumava’ekue.

Amos 3:12

Péicha he’i pende Ruete: Upe ovecha rerekua oipe’a háicha leõ jurúgui mokõi ovecha retymakue, térã inambi pehẽngue jepe, péicha okañýta avei umi Israel retãygua Samáriape oikóva, oguerahánte pe savana hupa pegua ha iguapyha guasúgui peteĩ ao pehẽnguénte.

Amos 6:4

Peñeno pepytu’u hag̃ua peteĩ tupa ojeguapávape elefánte rãinguégui ha pe’u umi ovecha ra’yrusu ha umi tóro ra’yrusu oñemongyrapyréva.

1 Samuel 28:23

Saul ndo’uséigui he’i: Nda’umo’ãi. Ha hembiguaikuéra ha pe kuña he’i jevy jey, ha’e ojapo hag̃ua iñe’ẽ. Upéi Saul opu’ã yvýgui ha oguapy peteĩ tupápe.