Ester 1:4

Ñanderuete Ñe’ẽ Porã 2015

Asuéro ohechaukase ichupekuéra imba’erepyeta ha hetãguasu verapy, ha ohechauka hag̃ua ipu’aka ojapo karuguasu ichupekuéra g̃uarã 180 ára pukukue.

Referencias Cruzadas

1 Crónicas 29:25

Ha Ñanderuete ombotuichaite Salomónpe opaite Israelguakuéra resa renondépe, ha’eichagua tetã ruvicha ndaipóri araka’eve Israel retãme.

Ester 1:3

ha mbohapy áño oisãmbyhyhápe ha’e ojapo peteĩ karuguasu opaite mburuvichakuéra ha hembiguaiguasukuérape g̃uarã; upéicha oñembyatypa hogaguasu pegua, Pérsia ha Mediaygua ipy’aguasuvéva, mburuvichakuéra ha umi tetã sãmbyhyharakuéra.

Ester 1:5

Ha ohasa rire ko’ã ára, pe tetã ruvicha ojapo jevy ambue karuguasu 7 ára pukukue opaite tetã ruvicha rogaguasu oikóvape térã omba’apóva ichupe g̃uarã, ituichavéva guive imichĩvéva peve.

Job 40:10

Upéicharamo eñembojeguáke mburuvichaguasu rekógui, ha eñemondéna teko porãme.

Salmokuéra 145:5

Che aikuaauka porãse nde resape ojajáiva ha ne rembiapokue techapyrãva.

Salmokuéra 21:5

Opárupi oñemoherakuã porã ne ñepytyvõ tuicha; tesakã porã ha teraguasuete remoĩ hi’ári.

Salmokuéra 45:3

Emoĩ nde ku’a rehe nde kyse puku, nde ningo pe ipy’aguasuetéva, ha ne mburuvichaguasu reko omimbipáva.

Salmokuéra 93:1

Ñanderuete ningo mburuvichaguasuetéva ha oñemondéva ipu’aka reheve, Ñanderuete oñemonde avei heko jajaipápe ha imbarete rehe oñemboku’akua. Ha’e omohenda porãma ko yvy kóva anítei oku’e.

Isaías 39:2

Ha Ezequías ovy’aite hendivekuéra, ha ohechauka ichupekuéra pe óga oñeñongatuhápe Juda mba’erepyeta, pláta ha óro, mba’e ryakuã porãita, acéite iporãitéva, opaichagua tembiporu ñorãirõ megua; ndaipóri mba’eve hógape ha hetãpy tuichakue javeve, Ezequías ndohechaukaiva’ekue ichupekuéra.

Ezequiel 28:5

Ha ne aranduguasuete ha ne mba’e ñemumby rupi rembohetaiterei ne mba’erepy; ha ne mba’erepyetaitereígui reñembotuicha nde py’apýpe,

Daniel 4:30

ha he’i sapy’a: Ndachéi piko amopu’ãva’ekue ko tavaguasu ha che rogaguasu che pu’aka mbarete rupi, toñemoherakuã porã opárupi che réra tuichaitéva.

Daniel 4:36

Upepete che akã okuera jevy ha oñeme’ẽ jevy chéve: Akãguapy, che mburuvicha reko, che retã pu’aka, che mburuvicha rerakuã porã. Ha umi tetã sãmbyhyhára oĩva’ekue che poguýpe ha umi che rekombo’ehára oupa che rendápe chemoĩ jevy hag̃ua che retã ruvicha guapyhaguasúpe, ha uperire oñeme’ẽ chéve pu’aka tuichave gueteri ymaguarégui.

Daniel 5:18

Ñanderuete, pe Jára Ijyvatetéva, ome’ẽ nde ru Nabucodonosórpe peteĩ tetãguasu, pu’akaguasu, terakuã porã ha pe tetã ruvicha guapyha.

Matéo 4:8

Ha pe aña ogueraha jevy Hesúpe peteĩ cérro ru’ã yvatépe, ha ohechauka ichupe opaite tetãguasu ha ipype oĩva mba’eporãita reheve, oĩva guive ko yvy apére,

Matéo 6:13

Ha ani reheja rojepy’ara’ã, orepe’a uvei mba’evaígui (añágui).

Romayguakuérape 9:23

Ha’e ojejoko gueteri ohechauka hag̃ua avei imba’yru poriahuvereko reheguáva ituichaveha imba’yru pochy reheguávagui ha oñembosako’íma avei ohechauka hag̃ua heko jajaipa.

Efesoyguakuérape 1:18

ha tohesape pende py’apy resa peikuaa hag̃ua mba’épa he’ise pe esperánza peẽ peguerekóva, Ha’e penerenóigui, pehechakuaa porã hag̃ua pe jopói tuichaitéva Ha’e ombosako’ímava Hesu Crísto reheguávape g̃uarã,

Colosayguakuérape 1:27

Ichupekuéra Ñanderuete oikuaaukase mba’épa ko mba’e ñemi he’ise: Heko jajaipa ituicha ha iporãitéva ningo Hesu Crísto voi tetãnguérape g̃uarã, ha Ha’e pende esperánza pehupity hag̃ua avei heko jajaipa.

Apocalípsis 4:11

Ore Jára ha ore Ruete, ndéve añoite ija opaite ñemboete, ñembotuicha ha ñemomba’eguasu, Nde remoingo haguére opaite mba’e, ha ne rembipota rupi oikopaitégui, ha nde pu’aka rupi oñemoingopa haguére.