Ester 1:3

Ñanderuete Ñe’ẽ Porã 2015

ha mbohapy áño oisãmbyhyhápe ha’e ojapo peteĩ karuguasu opaite mburuvichakuéra ha hembiguaiguasukuérape g̃uarã; upéicha oñembyatypa hogaguasu pegua, Pérsia ha Mediaygua ipy’aguasuvéva, mburuvichakuéra ha umi tetã sãmbyhyharakuéra.

Referencias Cruzadas

Genesis 40:20

Ha pe ára mbohapyhápe, faraon hi’aramboty jave, tetã ruvicha ojapo peteĩ karuguasu opaite hembiguaikuérape g̃uarã; ha omoakãrapu’ã pe váso rerojaha ruvichápe ha pe pan apoha ruvichápe umi hembiguaikuéra apytépe.

1 Réyes 3:15

Ha Salomón opáyvo ha ohechakuaa iképente hague, ou Jerusalénpe, Ñanderuete karameg̃ua oĩháme, ha oikuave’ẽ kuave’ẽmby ojehapypáva ha kuave’ẽmby py’aguapy reheguáva, ha ojapo avei karuguasu mayma hembiguaikuérape g̃uarã.

Ésdras 1:2

Péicha he’i Círo, Pérsia retã ruvicha: Jahve, yvagakuéra Jára, ome’ẽmbákuri chéve tetãnguéra yvy ape árigua, ha Ha’e he’iuka chéve amopu’ã hag̃ua ichupe hogaguasu Jerusalénpe, opytáva Juda retãme.

Ester 1:14

Ha oĩ hendive: Carsena, Zetar, Admata, Tarsis, Meres, Marsena ha Memucan, ko’ãva oiko mburuvichaguasu Pérsia ha Mediayguáva jerekuévo, ha oipytyvõva Asuérope hembiapoguasúpe.

Ester 1:4

Asuéro ohechaukase ichupekuéra imba’erepyeta ha hetãguasu verapy, ha ohechauka hag̃ua ipu’aka ojapo karuguasu ichupekuéra g̃uarã 180 ára pukukue.

Ester 2:18

Upéi pe tetã ruvicha ojapo peteĩ karuguasu opaite mburuvicha ha hembiguaikuérape, ko karuguasu Ester rehehápe; ha ombovevuive umi impuésto tetãnguérape g̃uarã ha ome’ẽ ichupekuéra jopói iporãva, pe tetã ruvicha ipy’a porãgui.

Ester 3:7

Pe jasy peteĩháme, péva hína Nisan (Abril), pe tetã ruvicha Asuéro oisãmbyhývo 12 áñoma ojeitýkuri Pur, péva hína pe po’a jeporavo, Aman renondépe; po’a jeporavo rupi Aman oikuaase araka’épa iporãve ojapo hag̃ua umi mba’e oguerekómava iñakãme, ha pe po’a ho’a pe jasy 12-hápe, péva hína Adar (Márzo).

Isaías 21:2

Ñanderuete ohechauka che payetépe (visiónpe) peteĩ mba’e ipohýiva. Pe mondaha ou omonda hag̃ua ha pe oporohundíva ou ohundi hag̃ua. Nde, Elam, ejupi katu, ha nde, Média eporomongora, amokirirĩmbáta pene pyahẽ.

Jeremías 51:11

Pehãimbe’e pende hu’ykuéra, ha pemyenyhẽ pende hu’y ryru, Ñanderuete omombáygui Média retã ruvichakuéra pytu ohundi hag̃ua Babilóniape hembiapo vaikue rehe ha ombyai haguére Ñanderuete rogaguasu Jerusalénpe.

Daniel 5:1

Tetã ruvicha Belsasar ojapo peteĩ karu guasu 1.000 mburuvichápe g̃uarã, ha umi 1.000 rovake ombo’u víno.

Daniel 5:28

PARSIN: Ha ne retã guasu oñemboja’o ha oñeme’ẽma Média ha Persiayguakuéra pópe.

Daniel 6:1

Oĩ porãváicha Daríope omoĩ 120 tetã sãmbyhyhára oisãmbyhy hag̃ua hetãguasúpe.

Daniel 8:20

Ha pe ovecha mácho rehechava’ekue ha hatĩ mokõiva, umía ningo Média ha Pérsia retã ruvichakuéra.

Márcos 6:21

ha og̃uahẽ peteĩ ára ho’a porãva ichupe, Heródes hi’ára mbotýpe ojapo karuguasu mburuvichakuéra ha isoldádo ruvichakuéra, ha Galileaygua karaiguasukuérape g̃uarã.