Ésdras 5:3

Ñanderuete Ñe’ẽ Porã 2015

Umi ára umívape ou hendapekuéra Tatnai, oisãmbyhýva pe ysyry Éufrates kuarahyreike gotýo ha Setar-boznai iñirũnguéra ndive, ha he’i Judayguakuérape: Máva piko he’i peẽme pemopu’ã hag̃ua ko óga kóva ha pemboyvate hag̃ua pe táva tápia.

Referencias Cruzadas

Ésdras 1:3

Upévare oimeraevã Israelgua oikóva pende apytépe, Ñanderuete toĩ hendive ha tojupi Jerusalénpe, opytáva Juda retãme, ha tomopu’ã Ñanderuete, Israel Jára rogaguasurã, Ha’e ningo pe Jára oikóva Jerusalénpe.

Ésdras 4:12

Tetã ruvicha oikuaa hag̃ua, umi Judaygua oñembouva’ekue ore rendápe, oúkuri hikuái Jerusalénpe, ha omopu’ã jevy pe táva tápia, oñemoĩ jevy hag̃ua jepiguáicha ijarakuéra rehe, Jerusalen iñaña voi areiterei guivéma ha ág̃a ha’ekuéra omopu’ã yvatehína itáva tápia ha omyatyrõmba oñekotevẽháme.

Ésdras 4:9

Kóa ningo pe kuatiañe’ẽ Rehum, pe tetã ruvicha rembiguaiguasu, pe kuatia haihára Simsai ha iñirũnguéra, umi mbojovakehára, mburuvichakuéra, soldádo ruvichakuéra, ha umi Persiaygua, Erecgua, Babiloniaygua, Susaygua, ko’ãvahína umi Elamgua,

Ésdras 5:6

Kóva ha’ehína pe kuatiañe’ẽ Tatnai, Setar-boznai ha iñirũnguéra, oisãmbyhýva ysyry Éufrates kuarahyreike gotýo, oguerahaukáva tetã ruvicha Daríope:

Ésdras 5:9

Ha roporandúkuri umi tembiapo omyakãvape: Mávapa he’i peẽme pemopu’ã jevy hag̃ua ko óga ha avei ko táva tápia yvate.

Ésdras 6:13

Upémaramo Tatnai, ysyry Éufrates mboypyrigua tetã sãmbyhyhára, ha Setar-boznai ha iñirũnguéra ojapopa hekoitépe tetã ruvichaguasu Darío he’iva’ekue guive ichupekuéra.

Ésdras 6:6

Ha ko’ág̃a peẽ Tatnai, tetã sãmbyhyhára, Setar-Boznai ha peẽ pemoirũva tetã sãmbyhyhárape ysyry mboypýri, peñemomombyry Israel Jára róga rembiapógui.

Ésdras 7:21

Ha che, tetã ruvicha Artajérjes, ha’eukáma che mba’erepy ñangarekohakuéra ysyry mboypyriguápe ome’ẽ hag̃ua opaite mba’e pa’i Ésdraspe, yvága Jára rembiapoukapy kuatia haihára, ojeruréva guive ha pya’ete toñeme’ẽ ichupe.

Hagéo 1:1

Pe tetã ruvicha Darío oisãmbyhy jave hi’áño mokõiháme, pe ára peteĩha, pe jasy 6-hápe, Ñanderuete ñe’ẽ ou proféta Hagéo rupi Zorobabel, Sealtiel ra’ýpe, ha’e oiko ramoguare Juda retã ruvicha ramo; ha Josue, Josadac ra’y, oiko ramoguare pa’iguasu ramo, ha he’iuka ichupekuéra:

Matéo 21:23

Hesu og̃uahẽ Ñanderuete rogaguasúpe oporombo’e hag̃ua ha upejave ou hendápe pa’i ruvichakuéra ha karai ancianokuéra, ha oporandu ichupe: Mba’éichagua pu’aka rupi piko nde rejapo ko’ã mba’e, ha máva piko ome’ẽ ndéve ko pu’aka kóva.

Apostolkuéra 4:7

Ha omohenda rire hikuái Pédro ha Juánpe ijapytépe, oporandu hikuái: Mba’eichagua pu’aka rupi piko térã máva rérape piko peẽ pejapo pe milágro péva.