Ésdras 4:3

Ñanderuete Ñe’ẽ Porã 2015

Zorobabel, Jesúa ha ambue ogaguasu ruvichakuéra he’i ichupekuéra: Oréverõ g̃uarã naiporãi romopu’ã penendive ore Jára rogaguasurã, ore añónte romopu’ãse ore Ruete rogaguasurã, he’i haguéicha oréve Círo, Pérsia retã ruvicha.

Referencias Cruzadas

2 Crónicas 36:22

Ha Círo, pe Pérsia retã ruvicha oisãmbyhy ramo peteĩ áño rupi, oiko Ñanderuete ñe’ẽ Ha’e he’iva’ekue Jeremías juru rupi, Ha’e omombáy Círo, Pérsia retã ruvicha pytu, ha’e omoherakuãuka hag̃ua opaite tetãnguéra opytáva ipoguýpe he’ívo,

Ésdras 1:1

Círo, Pérsia retã ruvicha, oñepyrũvo oisãmbyhy hi’áño peteĩháme, oiko hag̃ua Ñanderuete ñe’ẽ he’iva’ekue Jeremías juru rupi, Ñanderuete omombáy Círo pytúpe, ha’e oikuaauka hag̃ua iñe’ẽ ha ikuatiañe’ẽ rupi hetãnguéra tuichakue javeve:

Ésdras 1:2

Péicha he’i Círo, Pérsia retã ruvicha: Jahve, yvagakuéra Jára, ome’ẽmbákuri chéve tetãnguéra yvy ape árigua, ha Ha’e he’iuka chéve amopu’ã hag̃ua ichupe hogaguasu Jerusalénpe, opytáva Juda retãme.

Ésdras 1:3

Upévare oimeraevã Israelgua oikóva pende apytépe, Ñanderuete toĩ hendive ha tojupi Jerusalénpe, opytáva Juda retãme, ha tomopu’ã Ñanderuete, Israel Jára rogaguasurã, Ha’e ningo pe Jára oikóva Jerusalénpe.

Ésdras 3:8

Pe áño mokõiháme, pe jasy mokõiha jave Zorobabel, Sealatiel ra’y, Jesúa, Josadac ra’y ha ambue ityke’yrakuéra, umi pa’i ha Leviguakuéra, ha mayma ouva’ekue guive jepokuapyhágui og̃uahẽ rire Jerusalénpe, oñepyrũ omopu’ã Ñanderuete rogaguasu; ha omoĩ hikuái umi Levigua ombotýva guive 20 áño oipytyvõ ha ombopya’e hag̃ua Ñanderuete rogaguasu rembiapo.

Nehemías 2:20

Ha che ambohovái ichupekuéra: Yvága Jára orepytyvõta ha ore, hembiguaikuéra, romopu’ãta Jerusalen tapiakuéra ha peẽ naorepytyvõmo’ãi mba’evépe.

Isaías 44:28

ha Círo rehe ha’éma voi: Nde che ovecha rerekua ha nde rejapova’erã Che aipotáva guive; ha Jerusalen rehe he’i: Oñemopu’ã jevytaha, ha Ñanderuete rogaguasu rehe he’i: Ojehogapo jevytaha.

Isaías 45:4

Che rembiguái Jacóbo rayhupápe, Israel che rembiporavo rehehápe, rohenói nde réra rupi ha ame’ẽ ndéve che réra, nde ndachekuaái ramojepe.

Matéo 10:16

Peikuaa porãke, Che pomondoha ku ovecháicha aguaraguasu apytépe; upévare penearanduva’erã mbóicha ha pendereko potĩva’erã pykasúicha.

Juan 4:9

Upévo pe kuña Samariaygua he’i Hesúpe: Mba’éicha piko nde peteĩ Judaygua rejerure chéve romboy’u hag̃ua, che ningo peteĩ kuña Samariaygua. (Judayguakuéra noñontendéi Samariayguakuéra ndive).

Apostolkuéra 8:21

Ndaipóri ne rendag̃ua ni ne mba’erã Ñanderuete retãguasúpe, nde py’apy ndojeroviáigui hekópe.