Ésdras 1:4

Ñanderuete Ñe’ẽ Porã 2015

Ha toñeme’ẽ opaite Judaygua hembývape guive, pláta, óro, mba’erepyeta, tymbakuéra ha jopoikuéra, oimeraẽva ome’ẽséva guive ipy’aite guive Ñanderuete rogaguasúpe g̃uarã, opytavahína Jerusalénpe.

Referencias Cruzadas

1 Crónicas 29:17

Che aikuaa, che Jaratee, Nde rehechapaha opavave py’apýpe, ha py’a potĩ nembovy’aha; upévagui py’a potĩpópe aikuave’ẽ ndéve ko’ã mba’e, ha ahecha avei torýpe, ne retãyguakuéra oñembyaty ome’ẽ hag̃ua avei kyre’ỹpópe.

1 Crónicas 29:3

Upéi ame’ẽse avei Ñanderuete rogaguasúpe g̃uarã, ahayhúgui ichupe, opaite óro ha pláta che mba’eteéva, ambyatyva’ekue che rekove pukukuépe:

1 Crónicas 29:9

Ha Israelguakuéra ovy’aitereígui, ome’ẽ ko’ã mba’e ipy’a mbytete guive Ñanderuetépe g̃uarã.

2 Crónicas 31:14

Ha pe Levigua Core, Imna ra’y, pe okẽ kuarahyresẽ gotyogua ñangarekohára poguýpe oĩmba umi kuave’ẽmby ojegueruva’ekue Ñanderuetépe g̃uarã, hetãyguakuéra ome’ẽségui ijehegui ha omboja’o hag̃ua umi mba’e, oñeme’ẽtava Ñanderuetépe g̃uarã ha umi mba’e oñeme’ẽtava pa’ikuérape g̃uarã.

Ésdras 1:3

Upévare oimeraevã Israelgua oikóva pende apytépe, Ñanderuete toĩ hendive ha tojupi Jerusalénpe, opytáva Juda retãme, ha tomopu’ã Ñanderuete, Israel Jára rogaguasurã, Ha’e ningo pe Jára oikóva Jerusalénpe.

Ésdras 1:5

Upéramo opu’ã umi Juda ha Benjamin rogaguasu ruvichakuéra, umi pa’i ha Leviguakuéra, opavave Ñanderuete omombayva’ekue ipytúpe oho omopu’ã hag̃ua Ñanderuete rogaguasurã Jerusalénpe.

Ésdras 9:15

Ore Ruete, Israel Jára, Nde ningo rejapo porã rehejávo peteĩ aty hemby hag̃ua gueteri. Péina ápe ropyta ne renondépe ore rembiapo vaikue reheve; ndaikatúi ningo ojeiko nde ypýpe ko’ã mba’evai reheve.

Éxodo 35:29

Umi Israel ñemoñarenguérava guive, taha’e kuimba’e térã kuña, opavave ipy’aporãva guive togueru ime’ẽmby Ñanderuetépe g̃uarã, Ha’e he’i haguéicha Moiséspe ojejapo hag̃ua.

Isaías 10:21

Ha hembyremi ou jevýta, Jacóbo rembyre ojeroviáta Ñanderuete rehe.

Apostolkuéra 24:17

Heta áño rire che aju jevýma agueru hag̃ua pirapire che retãyguakuéra mboriahúpe g̃uarã ha aikuaave’ẽ hag̃ua avei Jerusalénpe,

Galaciayguakuérape 6:2

Peñopytyvõ pegueraha hag̃ua oñondive pene mba’e pohýi (cárga) ha péicha pejapo ramo pehóvo pejapo hekópe Hesu Crísto rembiapoukapy.