Daniel 9:9

Ñanderuete Ñe’ẽ Porã 2015

Nendive ore Ruete, oĩ poriahuvereko ha perdon, jepevémo ropu’ãra’e nderehe.

Referencias Cruzadas

2 Samuel 24:14

Upémaramo David he’i Gádpe: Tuicha ajepy’apy; toro’ánte Ñanderuete pópe, iporiahuvereko ituichave, ani hag̃ua ha’a yvyariguakuéra pópe.

1 Réyes 8:30

Ehendumína ne rembiguái ha ne retã Israel ñembo’ekuéra oje’éva ko’a guive, ehendumi yvága reikoha guive, ehendumi haeperdonami ore angaipa, ore rembiapo vai.

Nehemías 9:31

Ha nde poriahuvereko ituichaitereígui nerehundíri ichupekuéra, ha nderepoíri ichuguikuéra; Nde ningo peteĩ Jára ipy’a porãitéva ha oporoporiahuverekóva.

Salmokuéra 130:4

Nendive katu oĩ perdon, ojekyhyje guive ndehegui.

Salmokuéra 130:7

Israel toha’ãrõ Ñanderuetépe, Ñanderuete ndivénte oĩ jeporiahuvereko, Ha’émante operdonakuaa,

Salmokuéra 62:12

ha nendive, che Jára, oĩ poriahuvereko, ha Nde remyengovia peteĩteĩvape hembiapokue ojerure háicha.

Salmokuéra 86:15

Nde katu, che Ruete, che Jára oporoporiahuverekóva ha ipy’a porãva, nembegue ndepochy hag̃ua, ha nde poriahuvereko ha nde py’aporã katu ituichaite.

Salmokuéra 86:5

Nde ningo yvága atykuéra Jára, nde py’a porã ha reiporiahuvereko opaite nerenóivape.

Isaías 55:7

Pe tekove ñaña topoi hape vaígui, ha pe tembiapo vai apohára tomosẽ iñakãgui umi mba’evai ojaposéva ha tojevy jey pende Ruete rendápe, Ha’e oiporiahuverekóta ha operdonáta avei ichupe.

Isaías 63:7

Chemandu’a Ñanderuete poriahuvereko rehe amyasãi hag̃ua Ñanderuete rembiapo tuichaitéva, Ha’e ohechauka haguére oréve ipy’a iporãha. Ha’e oiporiahuvereko ha ohayhu hetã Israélpe.

Jeremías 14:7

Ore rembiapo ivaiete ha roñemoĩ ramo jepe nderehe, ore rojerure asy, Nde, ore Ruete nde réra rayhupápe orepytyvõ jevýna, ore voi ropia nde rapégui, ne renondépe roñemoangaipa haguére.

Ezequiel 20:13

Israel retã katu oñemoĩ cherehe pe desiértope; ndoikói che ñe’ẽ he’i háicha, ha omboyke hikuái che rembiapoukapy, umíva rupínte yvyarigua oikovekuaánte; ha’ekuéra omongy’a avei che pytu’uha ára ame’ẽmava’ekue ichupekuéra; ha upévagui, ha’éma añohẽtaha hi’arikuéra che pochy ahundi hag̃ua ichupekuéra yvy perõme.

Daniel 9:5

Ore roñemoangaipa, ore reko iñaña, ore ndorojeroviái nderehe, ore naoreñe’ẽrendúi, ore roñemoĩ nderehe, ore romboyke ne rembipota ha ne rembiapoukapykuéra.

Daniel 9:6

Ore naoreñe’ẽrendúi ne rembiguaikuérape, nde profetakuérape, nde rérape oñe’ẽva’ekue ore retã ruvichakuérape, ore mburuvichakuérape, ore ru ha opaite ore retãyguakuérape.

Daniel 9:7

Nde, ore Jára, nde rembojovake hekoitépe, ore rotĩ ne renondépe ojehechauka háicha Judaygua, Jerusalengua ha opaite Israel retãygua rekovépe, tetã ag̃ui térã mombyrýpe roikóva, Nde voi oremosarambi opárupi ore roñemoĩ haguére nderehe.

Daniel 9:8

Ore Ruete, ore rotĩete ne renondépe ore retã ruvicha, ore mburuvichakuéra, ore rukuéra ha ore roñemohembiapo vai roñemoĩvo nderehe.

Jonas 4:2

Ha oñembo’e Ñanderuetépe ha he’i: Nde, che Ruete, péva voi che ha’eva’ekue, aimérõ gueteri che retãme. Pévagui voi pya’e pya’e akañyse Tarsíspe, che ningo aikuaa porã voi, Nde, che Ruete, reiporiahuvereko ha ndepy’a porãha, hasyha ndepochy hag̃ua ha Nde reporohayhuseveha rehavira rãngue.