Daniel 9:7

Ñanderuete Ñe’ẽ Porã 2015

Nde, ore Jára, nde rembojovake hekoitépe, ore rotĩ ne renondépe ojehechauka háicha Judaygua, Jerusalengua ha opaite Israel retãygua rekovépe, tetã ag̃ui térã mombyrýpe roikóva, Nde voi oremosarambi opárupi ore roñemoĩ haguére nderehe.

Referencias Cruzadas

Ésdras 9:13

Ha ág̃a opaite mba’evaieterei ha ore rembiapo vaieterei ramojepe, Nde, ore Jaratee, ndaorehaviravéima ore ñaña reko hekoitépe, reheja uvei ko aty kóvagui hemby hag̃ua.

Ésdras 9:15

Ore Ruete, Israel Jára, Nde ningo rejapo porã rehejávo peteĩ aty hemby hag̃ua gueteri. Péina ápe ropyta ne renondépe ore rembiapo vaikue reheve; ndaikatúi ningo ojeiko nde ypýpe ko’ã mba’evai reheve.

Nehemías 9:33

Nde reiko hekoitépe orendive ha opaite mba’e ojehúva guive oréve rejapo porã, ore katu roñemboheko vaiete ne renondépe.

Salmokuéra 119:137

Che Ruete, Nde ningo reiko hekópe ha reporombojovake porã.

Salmokuéra 44:15

Ko’ẽ ko’ẽ rehe che añemotĩ, ha py’a tarova oñu’ã che rekove.

Salmokuéra 51:14

Nde, che Ruete, chepe’amína pe tuguy añohẽ rei haguére, ha upéi che juru tomombe’u porã jevy nde justícia.

Salmokuéra 51:4

Nderehénte che añemoangaipa, ha ajapo ivaíva nde resakuéra renondépe, ne ñe’ẽ rupi ojekuaa porã Nde rembojovake porã hague ha nde jurúgui osẽva heko pegua memete.

Isaías 11:11

Ha ojehuva’erã avei upe ára upévape, Ñanderuete omopu’ã jevýta ipo oguenohẽ jevy hag̃ua hetã rembyre Asíriagui, Egípto, Patros, Etiopía, Elam, Sinar, Hamat ha umi ísla yguasu peguágui.

Isaías 45:16

Umi jára ra’ãnga apohare oñemotĩmbáta ha oñehundíta.

Jeremías 12:1

Aikuaa porã ningo, Nde che Ruete, rembojovakeha hekópe; upeichavéramo jepe aporanduse mba’érehepa iñañáva rape ipoty porã ha opaite hembiapo osẽ porã, ha mba’érehepa Nde neremyengoviái hembiapo vai.

Jeremías 23:6

Hi’árape Juda ovy’áta ha Israel oikóta py’aguapýpe; ha oñembohérata ichupe ko téra kóva rupi: Ñanderuete, ñande justícia.

Jeremías 24:9

Ha amoĩta ichupekuéra ñemondyiguasu ramo ha mba’evai ramo mayma tetã yvy apére oĩva guivépe ha opytáta ñembohoryha ramo, pukaha ramo ha maldicion ramo opa rupiete mamo Che amomboha ichupekuéra.

Jeremías 3:25

Ore rojeity joa tĩndyhápe ne renondépe ha ñemotĩ taoreñu’ã, roñemoĩ haguére ore Ruete rehe, ore ha ore rukuéra, ore mitã ára guive ko’ag̃aite peve naoreñe’ẽrendúigui ore Ruete, ore Jára ñe’ẽme.

Jeremías 32:32

Israel ha Judayguakuéra ñaña reko rupi chembopochy, oimeraẽva oikóva guive ipype chembopochy: Hetã ruvichakuéra, imburuvichakuéra, ipa’ikuéra, iprofetakuéra, Judayguakuéra ha Jerusalenguakuéra.

Jeremías 33:16

Umi ára umívape Juda ojesalváta, ha Jerusalen oikóta py’aguapýpe, ha herarã: “Ñanderuete, ñandejustícia”.

Jeremías 4:17

Ha’ekuéra omongoráta Jerusalénpe ku ovecha rerekua omongora háicha ijovechakuérape ñúme, he’i pende Ruete.

Jeremías 7:19

Chembopochy piko hikuái, he’i pende Ruete: Térãpa ha’ekuéra voi oñembopochýta og̃uahẽ vove pe ára oñemotĩ hag̃ua.

Ezequiel 16:63

Ikatu hag̃uáicha nemandu’a ha retĩ, ha araka’evéma nderejejurupe’amo’ãvéima retĩetereígui, ág̃a Che roperdona vove opaite mba’e rejapo vaiva’ekuégui, he’i pende Ruete.

Ezequiel 36:31

Peẽ penemandu’áta pende rape vaikue rehe, ha pene rembiapo vaikue rehe; ha petĩta pendejehegui pene ñaña rekógui ha pene rembiapo vaietégui.

Ezequiel 5:10

Upévare pende apytégui oĩta umi túva ho’útava ita’ýra ro’o, ha oĩta ta’yrakuéra ho’útava itúva ro’o; ha Che pohaviravéta amosarambipávo umi irundyve yvytúre umi hembýva gueteri pende apytégui.

Ezequiel 6:12

Umi mombyry oikóva omanóta mba’asy oñemosarambíva rupi, ha umi árupi oikóva ho’áta kyse puku rupi, ha umi opytáva ha oñemongoráva itáva ryepýpe ñembyahýigui omanóta; péicha añohẽta che pochy hi’arikuéra.

Daniel 9:14

Upévare ore Ruete oipota umi mba’evai ou oreári; ore Ruete, ore Jára, nde rejapo hekopete opaite mba’e, ore katu naoreñe’ẽrenduséi voínte.

Daniel 9:18

Nde, che Jára, emboyke nde apysa; ejesape’a ha ema’ẽ ore jehasa asy rehe ha pe táva oguerahávare nde réra; ndaorereko porãigui ore rojerure ko’ã mba’e, rojeroviágui nde poriahuvereko tuichaitéva rehe.

Daniel 9:8

Ore Ruete, ore rotĩete ne renondépe ore retã ruvicha, ore mburuvichakuéra, ore rukuéra ha ore roñemohembiapo vai roñemoĩvo nderehe.

Amos 9:9

Pema’ẽ porãke, Che amosarambíta Israel retãyguakuéra opaite ambue tetãnguéra apyte rupi, ku trígo ra’ỹingue oñembokuchu háicha peteĩ yrupẽme, ha ndo’ái ichugui peteĩ ha’ỹiguemi jepe yvýpe, upeichaite Che ambokuchúta ichupekuéra.

Romayguakuérape 6:21

Mba’eichagua a (frúto) piko ojehechára’e pende rekovekuépe. Ojehecha katu heta mba’evai ha mba’e ky’a pende rekovekuépe, ha ko’ág̃a peve petĩ gueteri umívare. Umi mba’e umía penemuña pene ñemanorã meve.

Deuteronómio 32:4

Ha’e ningo pe Itaguasu (Salvador), hembiapo iporãiterei, mayma hapekuéra hekoite peguáva; Ñanderuete ndive oĩ añetegua meme ha ipype noĩri mba’eveichagua aña reko, Ha’e heko porã ha ombojovake hekoitépe.

Deuteronómio 4:27

Ha Ñanderuete penemosarambiva’erã umi tetãnguéra apyte rupi, ha sa’i penerembýta umi tetã apytépe Ñanderuete pendererahatahápe.