Daniel 9:5

Ñanderuete Ñe’ẽ Porã 2015

Ore roñemoangaipa, ore reko iñaña, ore ndorojeroviái nderehe, ore naoreñe’ẽrendúi, ore roñemoĩ nderehe, ore romboyke ne rembipota ha ne rembiapoukapykuéra.

Referencias Cruzadas

2 Réyes 18:12

Israelguakuéra nohendúi Ijára ñe’ẽ, ha opyrũ iñe’ẽme’ẽ rehe, ha opaite ñe’ẽ Moises, Ñanderuete rembiguái, he’imava’ekue rehe; naiñe’ẽrenduséi ha ndojaposéi voi hikuái ningo Ñanderuete he’íva guive.

2 Réyes 21:15

Ojapógui hikuái ivaíva che resa renondépe, ha chembopochýgui hikuái ituvakuéra osẽha ára guive Egíptogui ko ára kóva peve.

Ésdras 9:6

Ha ha’e: Che Jára, che py’a tarova ha atĩeterei amopu’ã hag̃ua Che Jára renondépe ko che rova, ko’ã ore rembiapo vaiete oñemboheta hetavégui ore akã ári, ha ore rembiapo vaikue (angaipa) okakuaáma yvága peve.

Salmokuéra 106:6

Ore reko vai ningo, ore rukuéraicha rojavy ha avei ore rembiapo ivai.

Salmokuéra 119:102

Nañemboykéi ne ñembojovakégui, Nde chembo’e porãgui.

Salmokuéra 119:176

Che añehesatĩna ramo ku ovecha okañývaicha, ehekána ne rembiguáipe, ndacheresaráirigui ne rembiapoukapýgui.

Salmokuéra 18:21

ha aguata haguére Ñanderuete rape rehe, ha ndapoíri che Ruetégui, aiko vai hag̃ua.

Isaías 53:6

Mayma ñandekuérava japia joaite tape porãgui ku ovecháicha, peteĩteĩva opia ha oho hape rehe; Ñanderuete katu omoĩ hi’ári (Hesu Crísto) ñane rembiapo vaikue (angaipa) repy.

Isaías 59:13

Ore roñembotuichánte ha ropia ore Ruete rapégui, ndoroguatavéi ore Jára rapykuéri ha romboyke voi ningo ichupe; ore rohayhu ñe’ẽ japu ha roporojopy asy; ha ñembotavy heñói ore py’apýpe.

Isaías 64:4

Koichagua mba’e Nde rejapo nderehe ojeroviáva rayhupápe, ko’ã mba’e ko’ãva noñehendúi araka’eve ha ndaipóri voi ohechámava koichagua mba’e.

Jeremías 14:20

Nde ore Ruete roikuaa porã ningo ore rojapo vaiha ha ore rukuéra reko iñaña hague; roñemohembiapo vai ne renondépe.

Jeremías 14:7

Ore rembiapo ivaiete ha roñemoĩ ramo jepe nderehe, ore rojerure asy, Nde, ore Ruete nde réra rayhupápe orepytyvõ jevýna, ore voi ropia nde rapégui, ne renondépe roñemoangaipa haguére.

Jeremías 3:25

Ore rojeity joa tĩndyhápe ne renondépe ha ñemotĩ taoreñu’ã, roñemoĩ haguére ore Ruete rehe, ore ha ore rukuéra, ore mitã ára guive ko’ag̃aite peve naoreñe’ẽrendúigui ore Ruete, ore Jára ñe’ẽme.

Jeremías 30:14

Pende rayhuharakuéra hesaraipa pendehegui, ndojeporekavéi penderehe, ku hapicha ija’e’ỹva rehe ojahéi háicha péicha Che ajaheiva’ekue penderehe, pohavirava’ekue, tuichaitereígui pene ñaña reko ha hetaitereígui pene rembiapo vai.

Jeremías 44:3

Hembiapo vaieta rupi chembopochy, oikuave’ẽgui hikuái mba’e ryakuã porã ha omomba’eguasúgui ambue jarakuérape peẽ ha pende rukuéra ndoikuaaiva’ekuépe.

Lamentaciónes 1:18

Ñanderuete ombojovake porã, che voi apu’ã iñe’ẽ rehe. Opaite tetã pehendu ha pehecha che mba’embyasy, kuñataĩ ha karia’ykuéra ojeguerahapáma jepokuapýpe ambue tetãme.

Lamentaciónes 1:20

Ema’ẽmína, Nde, che Ruete, mba’eichaitépa cheangekõi, opupu che py’apýpe. Che py’a itarova chepype, che añemoĩ haguére nderehe, pe kyse puku ojapo sarambiguasu, Jerusalen oka gotýo ha ikorapy ryepýpe oiko ñemano ndetuicháva.

Lamentaciónes 3:42

Ñande voi ñañemoĩmava’ekue hese, ha ndajaikói jaiko hag̃uáicha ha upévare Ha’e nañaneperdonái.

Ezequiel 5:6

Jerusalen oñemoĩ cherehe ha omboykeve che rembiapoukapy ambue tetãnguéra oikóvagui ijerekuévo, ojahéi che ñe’ẽ rehe ha ndoguatái che rapére.

Ezequiel 6:9

Ha umi hembýtava pende apytégui imandu’a jevýta cherehe, ojegueraha aja tetã ambuépe, Che ambohasa asýta ichupekuéra omyengovia ha oñemboyke haguére chehegui ha omomba’eguasúgui ambue jára gua’úpe ha otĩva’erã hikuái ijehegui, oñemohembiapo vai haguére.

Daniel 9:11

Mayma Israelgua omboyke ne rembiapoukapy ha ndojapói ne ñe’ẽ, upévare ho’a oreári pe maldicion, ne rembiguái Moises kuatiañe’ẽme oĩva, ore Ruete, ore roñemoangaipa ne renondépe.

Daniel 9:15

Ore Ruete, ore Jára, Nde voi reguenohẽva’ekue ne retã Israel Egíptogui nde pu’aka rupi, ha rembotuicha nde réra, ko ára peve orénte roñemohembiapo vai ha roñemoangaipa ne renondépe.

Daniel 9:9

Nendive ore Ruete, oĩ poriahuvereko ha perdon, jepevémo ropu’ãra’e nderehe.

Oséas 1:2

Ñanderuete oñepyrũvo oñe’ẽ Oséas ndive he’i ichupe: Tereho emenda peteĩ kuña reko vaíva rehe ha tandera’y ichugui, che retã oikógui kuña reko vaícha, oguata ambue jára gua’u rapykuéri.

Malaquías 3:7

Pende rukuéra ára guive peẽ pemboyke che rembiapoukapykuéra, ha ndapejapói che rembipota. Pejevy che rendápe, ha Che ajevýta avei pene rendápe, péicha he’i ángel atykuéra Jára. Peẽ katu peje: Mba’éguipa rojevýta ne rendápe.

hebreoyguakuerape 3:12

Pema’ẽke, che hermanokuéra, anítei peẽ avei pendepy’amokõi ha pepoi Ñanderuete oikovévagui.