Daniel 8:8

Ñanderuete Ñe’ẽ Porã 2015

Upérõ pe kavara mácho oñembotuichaiterei; ha imbareteve jave hatĩguasu opẽ, ha hendaguépe osẽ irundy hatĩ tuichamíva, umía ojepyso umi irundy yvytu rehe.

Referencias Cruzadas

2 Crónicas 26:16

Ha oñemombaretete rire ou oñembotuicha ipy’apýpe iñehundirã gotýo; opu’ãgui Ñanderuete, Ijára rehe, oikévo Ñanderuete rógape omotimbo hag̃ua mba’e ryakuã porã pe mohyakuãha kuave’ẽmby renda ári.

Ester 9:4

Mardoquéo rerakuã porã oñemosarambi tetã ruvicha rógape ha opaite tetãnguéra rupi; upéicha Mardoquéo rerakuã porã oñembohetave ohóvo.

Jeremías 49:36

Umi irundy yvytu ára apýra guive aguerúta Elam retãme umi oñemoĩva hese, ha amosarambíta ichupekuéra ko’ã yvytu ko’ãva rupi ha opaite tetãnguérape, oĩva guive ko yvy ape ári.

Jeremías 5:27

Ku ajakaguasu henyhẽrõ guáicha guyraitágui, péicha hogakuéra henyhẽ mba’e mondapyrégui ha upéicha oiko ichuguikuéra karai tuicha ha ipoguasúva.

Ezequiel 16:7

Ha rekakuaa ku koga’áicha; ha rekakuaavévo neporãiterei; ha oiko ndehegui kuñataĩ neporãva, nde avakuéra okakuaa puku; reiko gueteri opívo ha nandiete.

Ezequiel 28:9

Reñe’ẽta piko nde jukahára renondépe, erévo: Che ha’e peteĩ yvága jára. Nde ningo yvyarigua, nandejárai. Mba’e piko eréta reime jave nde jukahára pópe.

Daniel 11:4

Ha’e opu’ã porã rire oñehundi jevýta hetã oñemboja’óta irundy yvytu gotýo, hetã ndopytamo’ãi iñemoñarenguérape g̃uarã, hesegua’ỹvape katu oñeme’ẽta, umi tetã ruvicha katu ndohupitymo’ãi pe tetã ruvichakue pu’aka.

Daniel 4:31

Ha Nabucodonosor jurúpe oĩ ramoguare gueteri iñe’ẽ, yvágagui ou peteĩ ñe’ẽ he’íva: Oje’e ndéve, tetã ruvicha Nabucodonosor ojepe’amaha ndehegui ne retã ruvicha guapyha,

Daniel 5:20

Ha nde ru oñembotuichágui, ha hi’ánga oñemohatãgui, Ñanderuete oipe’a hetã guapyhaguasu ichugui, oipe’a avei pe terakuã porã oguerekóva.

Daniel 7:2

Ko’ã mba’e che, Daniel, ahecha: Ama’ẽ’aína che ke pegua ra’ãnga rehe, ha péina umi irundy yvytu oñorãirõ yguasúpe.

Daniel 7:6

Ko’ã mba’e rire ama’ẽ, ha péina ápe ahecha ambue mymba, ojoguáva jaguarete hũme, ipepo irundy ijapére guyráicha, ko mymba kóva avei iñakã irundy, ha oñeme’ẽ ichupe pu’aka ndetuicháva.

Daniel 8:22

Ha pe hatĩ opẽva’ekue ha hendaguépe osẽ irundy hatĩ, he’ise pe tetãguasu oñemboja’otaha irundy tetãme, umía katu naimbaretemo’ãvéima pe tenondeveguaréicha.

Daniel 8:5

Ha ajepy’amongeta jave ko’ã mba’e rehe, péina ápe peteĩ kavara mácho pya’e ou (odispara) kuarahyreikéguio oja’ỹre yvy rehe ha pe kavara mácho hatĩ peteĩ tuicháva, hesakuéra pa’ũme.

Daniel 8:7

Ha ahecha og̃uahẽvo pe ovecha mácho ypýpe, ojeity hese ha oikutu vaipa ichupe, omopẽ hatĩ mokõivéva, ha pe ovecha mácho naimbaretevéima oñembo’y hag̃ua henondépe, upéi pe kavara mácho oity ichupe yvýre, opyrũmba hese ha ndaipóri avave ikatúva osalva ichupe pe kavara máchogui.

Matéo 24:31

Ha Ha’e omondóta yvága rembiguaikuéra turupuguasu reheve, ombyaty hag̃ua iporavopyrekuérape umi irundyve yvytúguio, pe ára apýra peteĩguio ambue ára apýra peve.

Márcos 13:27

Ha ha’e omboúta hi’angelkuéra ombyaty hag̃ua umi ojeporavova’ekuépe umi irundy yvytu rapéguio, yvy paha guive yvága rugua paha peve.

Deuteronómio 31:20

Che amoingéta ichupekuéra pe yvy aprometeva’ekuépe ituvakuérape, kamby ha eíra osyryhápe; ha okaru porã ha ikyrapa rire oñembojeréta ha ohóta hikuái ambue jára rapykuéri omomba’eguasu hag̃ua ichupekuéra, ha chembopochýta opyrũgui hikuái che ñe’ẽ ame’ẽmava’ekuére ichupekuéra.

Apocalípsis 7:1

Ko’ã mba’e rire ahecha irundy yvága rembiguái oñembo’yvahína umi irundy yvy apýrape ha ojoko umi irundy yvytu yvy pegua, ani hag̃ua oipeju yvy ári, yguasu térã yvyra rakã ári.