Daniel 8:4

Ñanderuete Ñe’ẽ Porã 2015

Ahecha pe ovecha mácho oikutu hatĩme pe kuarahyreike gotýo, yvate ha yvy gotýo, ndaipóri mymba ikatúva oñemoĩ hese térã ikatúva okañy ichugui ha’e ojapo ojaposéva guive ha oñembotuichave ohóvo.

Referencias Cruzadas

1 Réyes 22:11

Ha Sedequías, Quenaana ra’y, ojapo mokõi vaka ratĩ hiérrogui, ha he’i: Ko’ã vaka ratĩme reikutúta Siriayguakuérape rehundipa peve.

Job 10:7

Reikuaa porã voi ndachereko ky’aiha ha ndaiporiha mba’eve ikatúva chepe’a nde pógui.

Salmokuéra 44:5

Nderupive roity umi orerehe ija’e’ỹvape, nde rérape ropyrũmba umi opu’ãvape orerehe.

Salmokuéra 50:22

Pehechakuaa ko’ã mba’e, peẽ penderesaráiva pende Ruetégui, ani hag̃ua Che pombyai, ha napenepohãvéima.

Salmokuéra 7:2

Ani hag̃ua ha’ekuéra chemondyryry ku jaguarete ojapo háicha ha chepehẽ’amba hikuái ndaipórigui chepytyvõva.

Ezequiel 34:21

Pende ati’ýpe pemyaña ijykéguio, ha pene ratĩme peikutu umi ikangývape, peity ha pemosarambipa peve.

Daniel 11:16

Pe Síria retã ruvicha ojapóta hesekuéra ojaposéva, ha ndaiporimo’ãi avave ikatúva oñemoĩ hese. Upéi ha’e oikéta avei Israel retãme, pe yvy iporãitévape, ha upépe ojapóta avei sarambiguasu.

Daniel 11:36

Ha Síria retã ruvicha ojapóta ojaposéva, ha oñembotuicha ha oñemomba’eguasuva’erã opaichagua jára ári, ha pe Jára ruvichaguasu rehe oñe’ẽvaíta, ha osẽ porãmbáta ichupe g̃uarã Ñanderuete ipochy peve; ha umi mba’e Ñanderuete oipotáva katuete ojehúta avei.

Daniel 5:19

Ñanderuete ome’ẽva’ekue ichupe pu’akaguasu, oryrýi ha okyhyje hag̃ua nde ru renondépe opaite tetãnguéra ha opaichagua tetã ambueyguáva. Nde ru ojukauka ojukasévape ha oheja oikove ha’e oipotáva guivépe, ha’e ombotuichaukase ramo peteĩme ombotuicha ichupe, omomirĩukase ramo ambuépe omomirĩ ichupe.

Daniel 5:30

Ha pe pyhare pévape ojejuka Belsasar, Caldeaygua retã ruvichápe.

Daniel 7:5

Ha péina ápe pe mymba mokõiha, ojogua peteĩ ósope, ha oñemoñembo’ýnte ipýre ha oguereko mbohapy ñarukã (costílla) ijurúpe, hãinguéra pa’ũme, ha péicha oje’e ichupe: Epu’ã ha he’u heta so’o.

Daniel 8:7

Ha ahecha og̃uahẽvo pe ovecha mácho ypýpe, ojeity hese ha oikutu vaipa ichupe, omopẽ hatĩ mokõivéva, ha pe ovecha mácho naimbaretevéima oñembo’y hag̃ua henondépe, upéi pe kavara mácho oity ichupe yvýre, opyrũmba hese ha ndaipóri avave ikatúva osalva ichupe pe kavara máchogui.

Miquéas 5:8

Upéramo Israel rembyre oikóta heta tetã apytépe ha ojoguáta leõme, mymba saite apytépe ha peteĩ leõ ra’yrusu oiko háicha ovecha atýra apytépe, oikéva ijapytépe ha ojeitýva hi’ári ojuka hag̃ua, ha ndaiporimo’ãi okañýva ichugui.

Deuteronómio 33:17

Ha’e overa ku tóro ra’y ypykuéicha ha hatĩnguéra ku tóro hesaietéva ratĩcha; ha ipype oikutupava’erã umi tetãme yvy apýra paha peve; upéicha ningo oiko umi 10.000 Efrain pegua ha umi 10.000 Manases pegua.