Daniel 8:3

Ñanderuete Ñe’ẽ Porã 2015

Ajesaupi jave ahecha peteĩ ovecha mácho oĩva pe ysyry rovái, ha’e hatĩ mokõi, umi hatĩ ijyvate ramojepe, peteĩ ijyvateve ambuégui; hatĩ ipaha pegua okakuaave pe tenondeveguágui.

Referencias Cruzadas

1 Crónicas 21:16

Ha David ohupívo hesa ohecha peteĩ yvága rembiguái oñembo’ýva yvága ha yvy pa’ũme, ha peteĩ kyse puku nandi ipópe, oipysóva Jerusalen gotýo. Upémaramo David ha umi karai ancianokuéra ojeity yvy rehe ha oñemonde ao vosápe.

Ésdras 1:2

Péicha he’i Círo, Pérsia retã ruvicha: Jahve, yvagakuéra Jára, ome’ẽmbákuri chéve tetãnguéra yvy ape árigua, ha Ha’e he’iuka chéve amopu’ã hag̃ua ichupe hogaguasu Jerusalénpe, opytáva Juda retãme.

Ésdras 4:5

Upéramo ome’ẽ hikuái ñemiháme pirapire umi Pérsia ruvicha’ikuérape ojoko hag̃ua Ñanderuete rogaguasu rembiapo, Círo, Pérsia retã ruvicha, oisãmbyhy aja pukukue ha Darío oñepyrũvo oisãmbyhyha árape.

Ester 1:3

ha mbohapy áño oisãmbyhyhápe ha’e ojapo peteĩ karuguasu opaite mburuvichakuéra ha hembiguaiguasukuérape g̃uarã; upéicha oñembyatypa hogaguasu pegua, Pérsia ha Mediaygua ipy’aguasuvéva, mburuvichakuéra ha umi tetã sãmbyhyharakuéra.

Isaías 13:17

Peikuaa porãke, amombáyta umi Mediaygua opu’ã hag̃ua hesekuéra, ha’ekuéra ndojepy’apýi plátare ha ndohayhúi óro.

Isaías 21:2

Ñanderuete ohechauka che payetépe (visiónpe) peteĩ mba’e ipohýiva. Pe mondaha ou omonda hag̃ua ha pe oporohundíva ou ohundi hag̃ua. Nde, Elam, ejupi katu, ha nde, Média eporomongora, amokirirĩmbáta pene pyahẽ.

Isaías 44:28

ha Círo rehe ha’éma voi: Nde che ovecha rerekua ha nde rejapova’erã Che aipotáva guive; ha Jerusalen rehe he’i: Oñemopu’ã jevytaha, ha Ñanderuete rogaguasu rehe he’i: Ojehogapo jevytaha.

Jeremías 51:11

Pehãimbe’e pende hu’ykuéra, ha pemyenyhẽ pende hu’y ryru, Ñanderuete omombáygui Média retã ruvichakuéra pytu ohundi hag̃ua Babilóniape hembiapo vaikue rehe ha ombyai haguére Ñanderuete rogaguasu Jerusalénpe.

Daniel 10:5

Ha ajesaupívo, ahecha peteĩ kuimba’épe oñemondéva ao morotĩme (líno) ha ojeku’akuáva óro Ufaz peguaréguigua.

Daniel 2:39

Nderire opu’ãva’erã ambue tetãguasu michĩvéva ne retãguasúgui; ha uperire oúta tetãguasu mbohapyha bronceguiguáva ha oisãmbyhýta ko yvy tuichakue.

Daniel 5:31

Ha Darío, peteĩ Mediaygua, oñepyrũ oisãmbyhy pe tetãguasúpe, oguerekóvo 62 áño.

Daniel 6:28

Darío ha Círo, Persiaygua retã ruvichakuéra, oisãmbyhy aja, Daniel tuicha oñakãrapu’ã.

Daniel 7:5

Ha péina ápe pe mymba mokõiha, ojogua peteĩ ósope, ha oñemoñembo’ýnte ipýre ha oguereko mbohapy ñarukã (costílla) ijurúpe, hãinguéra pa’ũme, ha péicha oje’e ichupe: Epu’ã ha he’u heta so’o.

Daniel 8:2

Ha’ete ku aimérõ Súsape, kóva Elam retã tavaguasu opytáva Ulái ysyry rembe’ýpe.

Daniel 8:20

Ha pe ovecha mácho rehechava’ekue ha hatĩ mokõiva, umía ningo Média ha Pérsia retã ruvichakuéra.

Zacarías 1:18

Upéi ajesaupi ha ama’ẽ porãvo ojehechauka chéve irundy tatĩ.

Zacarías 2:1

Uperire ajesaupi ha ama’ẽ porãvo, ahecha peteĩ kuimba’e oguerekóva ipópe peteĩ sã oha’ã hag̃ua.

Zacarías 5:1

Ha ajesaupi jevývo, ojehechauka chéve peteĩ kuatiañe’ẽ jejokuapy ovevéva.

Zacarías 5:5

Upéi osẽ pe yvága rembiguái oñe’ẽ hag̃ua chendive ha he’i: Ejesaupi ko’ág̃a, ha ema’ẽmi umi mba’e rehe ojehechaukavétava ndéve.

Zacarías 5:9

Uperire ajesaupi, ha ama’ẽvo ahecha mokõi kuña og̃uahẽvahína, ipepokuérape oipeju yvytu, ipepo ku tujujúicha ha ohupi hikuái pe kambuchi ha ogueraha pe yvy ha araikuéra pa’ũme.

Zacarías 6:1

Ajesaupi jevy ha ojehechauka chéve irundy cárro osẽva mokõi cérro pa’ũgui, ha umi cérro umíva bronceguiguáva.

Números 24:2

ha ojesaupívo ohecha Israélpe oñembyaty mbyatýva itribukuéra rupi ha Ñanderuete Pytu Porãĩteva ou hi’ári.

Josué 5:13

Josue oĩ jave gueteri Jerico ypýpe, ojesaupi ha ohecha peteĩ kuimba’e oñembo’ýva henondépe, ha oguerekóva peteĩ kyse puku ipópe. Ha Josue oho henda gotýo, ha he’i ichupe: Ndépa ore reheguáva térã orerehe ija’e’ỹva rehegua.

Apocalípsis 13:11

Ha ahecha ambue mymba ojupíva yvýgui, hatĩ mokõiva Ovechara’y ratĩcha, ha oñe’ẽ tejujaguaguasúicha.

Apocalípsis 5:6

Ha ahecha pe guapyhaguasu ha umi irundy tekove oikovéva ha umi 24 karai anciáno mbytépe oñembo’yvahína peteĩ Ovecha ra’y ojejukava’ekuéicha, Ha’e 7 hatĩ ha 7 hesa, ko’ãva ningo 7 Ñanderuete Pytu Porãite oñemboúva opaite yvy ape ári.