Daniel 8:2

Ñanderuete Ñe’ẽ Porã 2015

Ha’ete ku aimérõ Súsape, kóva Elam retã tavaguasu opytáva Ulái ysyry rembe’ýpe.

Referencias Cruzadas

Genesis 10:22

Sem ra’ykuéra: Elam, Asur, Arfaksad, Lud ha Aram.

Genesis 14:1

Ojehu Amrafel, Sinar retã ruvicha árape; Arioc, Elasar retã ruvicha árape; Quedorlaomer, Elam retã ruvicha árape, ha Tidal, Goim retã ruvicha árape,

Nehemías 1:1

Nehemías, Hacalías ra’y ñe’ẽ. Ojehu Quisléu (Diciémbre) jasy jave, pe áño 20-hápe, che aĩ ramoguare Súsape, pe tetã ruvicha tavaguasúpe,

Ester 1:2

Umi ára umívape tetã ruvicha Asuéro oñemoĩ hatã riréma hetãguasu guapyhápe oĩva itavaguasu Súsape,

Ester 2:8

Ha ojehu oñemoherakuãma ramo tetã ruvicha ñe’ẽ ha hembiapoukapy, ha oñembyatýma ramo heta kuñataĩkuéra Súsape, pe tetã ruvicha oikohápe, Hegái poguýpe, ojegueraha avei Estérpe tetã ruvicha rógape, Hegái oñangareko hag̃ua umíva rehe.

Ester 3:15

Tetã ruvicha Asuéro he’iuka pya’e pya’e ojegueraha hag̃ua ikuatiañe’ẽ rembiapoukapy, Súsagui, opaite tetãnguérape. Pe tetã ruvicha ha Aman katu ho’u víno oĩ jave jepy’apyguasu Súsa tavaguasúpe.

Ester 7:6

Ha Ester he’i: Pe ndaija’éiva ha oñemoĩva orerehe, pe tekove ñaña Aman, ko’ápe oĩva. Upérõ Aman ipy’a tarovaite tetã ruvicha ha hembireko renondépe.

Ester 8:15

Ha Mardoquéo osẽ tetã ruvicha rogaguasúgui, mburuvichaguasu ao hovy ha morotĩva reheve, ha peteĩ akã jeguaka (coróna) oroguigua tuichaitéva iñakã rehe, ha peteĩ póncho ao ka’avo inimbo pytãvagui. Upéramo umi Susaygua ovy’aite ha oiko toryguasúpe.

Ester 9:11

Ha pe araitépe oñemombe’u tetã ruvichápe mboýpa ojejukava’ekue Súsape, pe táva tetã ruvicha oikohápe,

Ester 9:15

Ha Judayguakuéra oikóva Súsape oñembyaty avei pe ára 14-hápe pe jasy Adar (Márzo) javépe, ha ojukave hikuái Súsape 300 kuimba’ekuérape; ndopokói katu hikuái imba’erepykuéra rehe.

Isaías 11:11

Ha ojehuva’erã avei upe ára upévape, Ñanderuete omopu’ã jevýta ipo oguenohẽ jevy hag̃ua hetã rembyre Asíriagui, Egípto, Patros, Etiopía, Elam, Sinar, Hamat ha umi ísla yguasu peguágui.

Isaías 21:2

Ñanderuete ohechauka che payetépe (visiónpe) peteĩ mba’e ipohýiva. Pe mondaha ou omonda hag̃ua ha pe oporohundíva ou ohundi hag̃ua. Nde, Elam, ejupi katu, ha nde, Média eporomongora, amokirirĩmbáta pene pyahẽ.

Jeremías 25:25

ha ho’u avei mayma Zimri pegua tetã ruvicha, mayma Elam retã ruvicha, mayma Média retã ruvicha;

Ezequiel 1:1

Ojehu ningo umi mba’e áño 30-hápe, jasy irundyhápe, ára 5-hápe che aĩ jave aína Quebar ysyry rembe’ýpe umi Israel jepokuapyha oikohápe, ojepe’a umi yvága ha ahecha che payetépe (visiónpe) umi ta’ãnga oúva Ñanderuetégui.

Ezequiel 32:24

Upépe oĩ Elam, ha opaite isoldadokuéra oñenomba ityvy jerekuévo, umía ho’ava’ekue kyse puku rupi ha oguejyva’ekue ipire’i oñekytĩ’o’ỹre pe yvykua pypukuvehápe, ha’ekuéra omyasãiva’ekue kyhyje umi oikovéva apytépe, ha ko’ág̃a katu oñemotĩ ityvýpe ambuekuéra oguejyva’ekue avei hendivekuéra.

Daniel 10:4

Ha pe ára 24-hápe, jasy peteĩha jave, aĩ pe ysyryguasu Tígris rembe’ýpe.

Daniel 7:15

Che, Daniel, che ánga iñangekõieterei chepype, ha umi mba’e ojehechaukava’ekue chéve payetépe chembopy’andýi.

Daniel 7:2

Ko’ã mba’e che, Daniel, ahecha: Ama’ẽ’aína che ke pegua ra’ãnga rehe, ha péina umi irundy yvytu oñorãirõ yguasúpe.

Daniel 8:1

Tetã ruvicha Belsasar oisãmbyhy aja hi’áño mbohapyhápe ojehechauka chéve (Daniélpe) ambue mba’e che payetépe (visiónpe).

Daniel 8:3

Ajesaupi jave ahecha peteĩ ovecha mácho oĩva pe ysyry rovái, ha’e hatĩ mokõi, umi hatĩ ijyvate ramojepe, peteĩ ijyvateve ambuégui; hatĩ ipaha pegua okakuaave pe tenondeveguágui.

Números 12:6

Ha he’i ichupekuéra: Ko’ág̃a pehendu porãke che ñe’ẽ. Oĩ ramo pende apytépe peteĩ proféta, Che ajehechaukáta ichupe techapáy rupi, térã iképe añe’ẽ hag̃ua hendive,

hebreoyguakuerape 1:1

Heta jevy ha heta hendáicha Ñanderuete oñe’ẽva’ekue ymave ñande rukuérape iprofetakuéra rupi.

Apocalípsis 9:17

Ha techapaýpe ahecha ikavajukuéra ha hi’ariguakuérape, ha’ekuéra omonde ipyti’a mo’ãha pytãva, hovýva ha sa’yjúva. Umi kavaju akãnguéra ningo ku leõ akãicha, ijurukuéragui osẽ tata, tatatĩ ha azúfre (ojogua fósforope).