Daniel 7:9

Ñanderuete Ñe’ẽ Porã 2015

Ha ama’ẽvévo ahecha oñemoĩ guapyhaguasúpe peteĩ Itujaitéva oguapy hag̃ua, ijao morotĩ ama rayvi rypy’áicha, ha iñakã rague imorotĩ ovecha rague ñemopotĩmbyréicha, iguapyhaguasu ha iruéda tata rendýicha.

Referencias Cruzadas

1 Réyes 22:19

Upémaramo ha’e he’i: Ehendu Ñanderuete ñe’ẽ: Che ahecha Ñanderuetépe oguapy ramo iguapyha guasúpe, ha opaite yvága rembiguái oĩmba ijypýpe, ijakatúa ha ijasu gotýo.

2 Crónicas 18:18

Upémaramo Miquéas he’i: Ehendu, Ñanderuete ñe’ẽ: Che ahecha Ñanderuete oguapy ramo iguapyhaguasúpe, ha mayma ijyvága rembiguái aty oĩma ipo akatúa ha ijasu gotýo.

Salmokuéra 45:8

Mírra, áloe ha cásia (plantakuéra) reheve omohyakuã porã nde aokuéra. Nde rogaguasúgui, oñembojegua elefánte ratĩnguegui, ha oñehendu árpa pu porã.

Salmokuéra 90:2

Umi cérro oiko mboyve ha rejapo mboyve ko yvy ha umi mbyja atykuéra, ymaiterei guive opaite ára peve, Nde, ore Ruete, reĩreína.

Salmokuéra 93:2

Nde guapyhaguasu araka’eve ndo’amo’ãi, ha Nde voi repytareína tapia g̃uarã.

Isaías 6:1

Pe tetã ruvicha Usías omanoha áñope, che, Isaías, ahecha Ñanderuetépe oguapy jave iguapyha yvate ha iporãitéva ári, ha ijahoja ruguái omyenyhẽ Ñanderuete rogaguasu.

Isaías 9:6

Peteĩ mitãkuimba’e onacéta ñandéve ko yvy apére, peteĩ ta’ýra oñeme’ẽta ñandéve, ha ijati’y ári oĩta mburuvicha pu’aka, ha oñembohérata ichupe: Mbojovakehára heko peguáva, Jára ipu’akapáva, Ipy’aguasúva, Túva tapia g̃uarãva ha Mburuvicha py’aguapy reheguáva.

Jeremías 49:38

Ha amoĩta che guapyhaguasu Elámpe, ahundi hag̃ua hetã ruvichaguasu ha imburuvichakuérape, he’i pende Ruete.

Ezequiel 1:26

Ha pe ahojaguasuete ári ahecha peteĩ mburuvicha guapyhaguasu ojejapóva ita veraguiguáicha ha hi’ári oguapy peteĩ ojoguáva kuimba’épe.

Daniel 7:13

Ama’ẽve pe ojehechaukava’ekue rehe payetépe pyharekuépe, ha péina ápe ahecha umi arai apytépe ouhína pe Yvyarigua Ra’y, ha omog̃uahẽ ichupe pe itujaitéva renondépe.

Daniel 7:22

ou peve pe Karaiguasu, Itujaitéva, hi’ára hetaitéva, oipytyvõ hag̃ua heko potĩvape, oporombojovake hag̃ua, ha og̃uahẽvo pe ára, umi heko potĩva oñepyrũ oisãmbyhy pe tetãguasuete.

Miquéas 5:2

Belen, Efráta pegua, nde ningo pe táva michĩvéva Juda tavakuéra apytépe, ndehegui katu osẽta Israel retã ruvichaguasurã oikómava ijypy guive.

Habacuc 1:12

Nandéi piko ijypyete guive che Ruete, che Jára heko porãva. Noromanombaichéne, Nde orehavira hag̃uánte rembou ichupekuéra, ha Nde, ore Salvador remoĩkuri ichupekuéra orenupã hag̃uánte.

Matéo 17:2

Ha upépe Hesu rete oñemoambue hemimbo’ekuéra renondépe; hova ojajái kuarahýicha ha ijao katu morotĩ tesapéicha.

Matéo 28:3

Ha hete ojoguaite araverápe, ha ijao morotĩ ku yro’y rypy’áicha (nievéicha).

Márcos 9:3

Ha ijao omimbipa opytávo ha imorotĩeterei, avave aojoheihára yvy ariguakuéra apytégui ndaikatúi omomorotĩ péicha.

Apostolkuéra 2:30

Ha’e ningo peteĩ profetakue, ha Ñanderuete ome’ẽ ichupe iñe’ẽ, peteĩ iñemoñare oguapyva’erãha iguapyhaguasúpe.

Apostolkuéra 2:33

Ñanderuete ningo omboguapy ichupe ijakatúape ha Ha’e ome’ẽ avei Hesúpe promésa pe Pytu Porãmbáva outaha, ha ko’ág̃a Hesu oñohẽma avei pe Pytu Porãmbáva tetãyguakuéra ári.

Filipoyguakuérape 3:9

ha ko’ág̃a natekotevẽvéi añeha’ãmba che ajapo hag̃ua umi tembiapo porã che yvyarigua pu’aka rupi ahupity hag̃ua pe tekove tapia g̃uarãva, oñeme’ẽva uvei chéve Hesu Crísto rembiapo porã rupi ha ajeroviágui hese.

1 Timotéope 6:16

Ha’eñoite oguereko pe tekove tapia g̃uarãva, Ha’e oikóva tesape ojeike’ỹháme: Ndaipóri yvyarigua apytépe ohecháva ichupe ha ndaikatúi voi ohecha ichupe; toñemomba’eguasu ha toñembotuicha ichupe tapia g̃uarã, taupéicha (amen).

1 Juan 1:5

Ko ñe’ẽ porãite kóva ore rohendu Hesu Crístogui ha rombohasase peẽme: Ñanderuete ningo tesape, ha mba’eveichagua pytũ ndaipóri ipype, (Tiágo 1,17).

Apocalípsis 1:14

Iñakã ha hi’áva morotĩmba, ovecha rague morotĩ sakãicha, térã yro’y rypy’áicha (niéve) ha hesa tata rendýicha.

Apocalípsis 19:18

pe’u hag̃ua tetã ruvichakuéra ro’o, soldádo aty ruvicha ro’o, imbaretéva ro’o, kavaju ro’o ha hi’ariguakuéra ro’o, tembiguái ha tembiguai’ỹ ro’o, michĩva ha tuicháva ro’o.

Apocalípsis 20:4

Ha ahecha guapyhaguasukuéra ha oguapy hikuái hi’arikuéra, ha oñeme’ẽ ichupekuéra pu’aka oporombojovake hag̃ua; ha ahecha umi oñe’akã’ova’ekue ánga ojerovia haguére Hesu Crístore ha omyasãi haguére Ñanderuete ñe’ẽ, umiva nomomba’eguasuiva’ekue upe mymbápe térã ha’ãngápe, ha ndohejáiva’ekue oñemoĩ upe mymba márca isyva térã ipo rehe; ko’ãva oikove jevy ha oisãmbyhy hikuái Hesu Crísto ndive 1.000 áño pukukue.

Apocalípsis 4:2

Upevovete che aĩ che pytu porãme ha ahecha oñemohenda peteĩ guapyhaguasu yvágape ha hi’ári oĩ peteĩ Oguapyvahína.