Daniel 7:7

Ñanderuete Ñe’ẽ Porã 2015

Ko’ã mba’e ko’ãva rire ama’ẽvo pe ojehechaukávare payetépe pyharépe, ha péina ápe ahecha pe mymba irundyha, iñarõ ha oporomongyhyjéva ha imbareteiterei ha hãi tuicha hiérrogui; oporomokõ ha oporopehe’ãmba, ha hembýva rehe opyrũmba, ha ojuavyeterei umi ambue mymba ahechava’ekuégui, ha’e ningo 10 hatĩ.

Referencias Cruzadas

2 Samuel 22:43

Ku yvy timbóicha amongu’i ichupekuéra ha apyrũ hesekuéra ku tymba repotícha oĩva táva cállere.

Job 41:14

Mávapa oipe’a ijuru ohecha hag̃ua hãinguéra ndetuicháva ha oporomondýiva.

Ezequiel 40:2

Payetépe Ñanderuete chegueraha Israel retãme, ha chemoĩ peteĩ cérro ijyvateitereíva ári, ha hi’ári oĩ umi óga ojoguaitereíva peteĩ tavaguasúpe, ha opytáva sur gotýo.

Daniel 2:19

Ha pe pyharépe Ñanderuete oikuaauka umi mba’e ñemimby Daniélpe techapáy rupi (mba’e ojehecháva payetépe iképe rõguáicha), upévare Daniel omomba’eguasu Ñanderuetépe.

Daniel 7:13

Ama’ẽve pe ojehechaukava’ekue rehe payetépe pyharekuépe, ha péina ápe ahecha umi arai apytépe ouhína pe Yvyarigua Ra’y, ha omog̃uahẽ ichupe pe itujaitéva renondépe.

Daniel 7:2

Ko’ã mba’e che, Daniel, ahecha: Ama’ẽ’aína che ke pegua ra’ãnga rehe, ha péina umi irundy yvytu oñorãirõ yguasúpe.

Daniel 8:10

Ha oñembotuicha rire oñemoĩ yvága pegua aty rehe; ha umíva pa’ũgui ha mbyjakuéra apytégui oity yvy rehe ha opyrũmba hesekuéra.

Daniel 8:22

Ha pe hatĩ opẽva’ekue ha hendaguépe osẽ irundy hatĩ, he’ise pe tetãguasu oñemboja’otaha irundy tetãme, umía katu naimbaretemo’ãvéima pe tenondeveguaréicha.

Zacarías 2:1

Uperire ajesaupi ha ama’ẽ porãvo, ahecha peteĩ kuimba’e oguerekóva ipópe peteĩ sã oha’ã hag̃ua.

Apocalípsis 12:3

Ha ojehecha ambue techaukaha ára rehe. Peteĩ tejujaguaguasu pytãva, 7 iñakã ha 10 hatĩva, ha umi 7 iñakã ári oĩ 7 akã jeguaka (coróna).

Apocalípsis 13:1

Ha che, Juan, añembo’ývo pe yguasu rembe’ýpe ahecha peteĩ mymba ñarõ ojupíva yguasúgui, oguerekóva 7 akã ha 10 hatĩ, umi 10 hatĩ ári oĩ 10 akã jeguaka (coróna), ha peteĩteĩ hatĩ jeguaka rehe ojehai peteĩ téra ivaietéva, oñe’ẽvaíva Ñanderuete rehe.

Apocalípsis 17:12

Umi 10 tatĩ rehecháva ningo 10 tetã ruvicha, ha’ekuéra noisãmbyhýi gueteri, oisãmbyhýta upe mymba oñepyrũvo oisãmbyhy.

Apocalípsis 17:7

Ha pe yvága rembiguái oporandu chéve: Mba’érehepa nepy’andýi repytávo. Che voi ningo amombe’úta ndéve upe kuña reko vai ha upe mymba mba’e ñemimbýgui. Kuña oguapýva pe mymba ári, ha upe mymba oguerekóva 7 akã ha 10 hatĩ.

Apocalípsis 17:8

Upe mymba rehecha oikova’ekue ha upéi ndaiporivéima, ojupi jevyva’erã pe yvykua pypukuetégui oñehundi jevy hag̃ua; ha umi tetãygua réra ojehai’ỹva pe tekovete kuatiañe’ẽme ipy’andyipáta ohechávo upe mymbápe, oikómiva ha ndaiporivéima ha upéi ou jevy.