Daniel 7:6

Ñanderuete Ñe’ẽ Porã 2015

Ko’ã mba’e rire ama’ẽ, ha péina ápe ahecha ambue mymba, ojoguáva jaguarete hũme, ipepo irundy ijapére guyráicha, ko mymba kóva avei iñakã irundy, ha oñeme’ẽ ichupe pu’aka ndetuicháva.

Referencias Cruzadas

Ezequiel 17:3

ha eréta: Péicha he’i pende Ruete: Peteĩ ñapykani ndetuicháva, ipepoguasúva ha hague pukuetereíva ha ipara porãva oúma Líbanope, ha ojapyhy pe cédro rakã ru’ãngue.

Daniel 10:20

Ha ha’e he’i chéve: Reikuaápa mba’érehepa aju ne rendápe. Ko’ág̃a aha jevyva’erã añorãirõ hag̃ua Pérsia pegua mburuvicha pytu vai ndive; ha aikopávo hendive pe Grécia pegua retã ruvicha pytu vai oútama.

Daniel 2:39

Nderire opu’ãva’erã ambue tetãguasu michĩvéva ne retãguasúgui; ha uperire oúta tetãguasu mbohapyha bronceguiguáva ha oisãmbyhýta ko yvy tuichakue.

Daniel 7:4

Pe mymba peteĩha ojogua leõme, ha ipepo ñapykanícha. Ha che ama’ẽ jave ipepokuéra rehe, oñemondoro umía ichugui, oñemopu’ã yvýgui ha oñembo’y ipy rehe kuimba’éicha ha oñeme’ẽ ichupe peteĩ tapicha py’a.

Daniel 7:5

Ha péina ápe pe mymba mokõiha, ojogua peteĩ ósope, ha oñemoñembo’ýnte ipýre ha oguereko mbohapy ñarukã (costílla) ijurúpe, hãinguéra pa’ũme, ha péicha oje’e ichupe: Epu’ã ha he’u heta so’o.

Oséas 13:7

Upévare leõicha Che aikóta ichupekuéra g̃uarã ha jaguarete hũváicha Che amangeáta hesekuéra ohohápe.

Apocalípsis 13:2

Ha pe mymba che ahecháva ojogua peteĩ jaguarete hũme, ipo ha ipykuéra ojogua óso pykuérape, ijuru ojogua leõ jurúpe. Ha pe tejujaguaguasu (Satana) ome’ẽ ko mymba kóvape ipu’aka ha iguapyha oisãmbyhy hag̃ua.