Daniel 7:4

Ñanderuete Ñe’ẽ Porã 2015

Pe mymba peteĩha ojogua leõme, ha ipepo ñapykanícha. Ha che ama’ẽ jave ipepokuéra rehe, oñemondoro umía ichugui, oñemopu’ã yvýgui ha oñembo’y ipy rehe kuimba’éicha ha oñeme’ẽ ichupe peteĩ tapicha py’a.

Referencias Cruzadas

2 Samuel 1:23

Saul ha Jonatan, ojererohory ha ojehayhúva, hekovépe ha imanóme jepe ndojeíri ojuehegui; ipya’eteve hikuái ñapykanígui ha imbareteve leõgui.

Job 25:6

ko’ýteve yvyarigua, ha’e ningo ysomínte; ha yvyarigua ñemoñare yso jevýnte avei.

Salmokuéra 9:20

Nde, che Ruete, emongyhyje ichupekuéra, toikuaa umi tetãyguakuéra yvyariguanteha. Selah

Jeremías 25:38

Pe leõ opoi rei háicha ikehágui; upéicha Ñanderuete ombyaipa pe yvy péva ipochy ha ijejopy vai rupi.

Jeremías 4:13

Péina ápe ku arai vaícha opu’ãta ñanderehe ija’e’ỹva, ha icárro yvytu’atãicha oúta, henda kavajukuéra reheve ipya’etevéva ñapykanígui. Angái, angái oréve, ha’ekuéra orehundipáta katuete.

Jeremías 4:7

Pe leõ ouhína ikehágui isoldádo aty reheve ha umi tetã hundihára og̃uahẽtama, osẽma oikohágui ombotapere hag̃ua nde yvy; nde tavakuéra itaperepáta ha avave ndoikomo’ãvéima ipype.

Jeremías 48:40

Péicha he’i pende Ruete: Pema’ẽ porãke ku ñapykani iñarõ ha iñorãirõ háicha, péicha umi hese ija’e’ỹva, ojeitýta ipepo jepysópe Moab ári.

Jeremías 49:19

Pema’ẽ porãke, ku leõicha osẽva Jordan ka’aguýgui ñu porãme, upéicha sapy’aitépe amosẽta avei Edómpe hetãgui, ha Che aiporavóma pe oikótava upépe, péva opytáta ijyvy jára ramo. Máva piko ikatúta oñembojoja cherehe. Ha mávapa ikatu oñemoĩ cherehe. Mamo piko oĩ tetã ruvicha ikatúva oñembo’y che renondépe.

Lamentaciónes 4:19

Oremuña pya’eve umi ñapykani yvate ovevévagui, cérro rupi oremuña, ha pe desiérto rupi omoĩ oréve iñuhã.

Ezequiel 17:3

ha eréta: Péicha he’i pende Ruete: Peteĩ ñapykani ndetuicháva, ipepoguasúva ha hague pukuetereíva ha ipara porãva oúma Líbanope, ha ojapyhy pe cédro rakã ru’ãngue.

Ezequiel 28:2

Kuimba’e ra’y, ere Tíro ruvichápe: Péicha he’i Yvága Atykuéra Jára, reñembotuicha haguére nde py’apýpe, ha erégui: Che ningo peteĩ Jára, ha aguapýta guapyhaguasúpe yguasu mbytépe; nandéi katu peteĩ jára, yvy ariguánte nde, reimo’ã ramojepe nde nearanduha peteĩ járaicha.

Ezequiel 28:9

Reñe’ẽta piko nde jukahára renondépe, erévo: Che ha’e peteĩ yvága jára. Nde ningo yvyarigua, nandejárai. Mba’e piko eréta reime jave nde jukahára pópe.

Daniel 2:38

Opaite mba’e oĩva guive Ha’e omoĩ nde poguýpe tetãnguéra oikohápe, mymba ñu rupiguakuéra ha guyra ára rehe ovevévape, nde reisãmbyhypa hag̃ua; nde voi ningo pe akã oroguiguáva rehechava’ekue.

Daniel 4:36

Upepete che akã okuera jevy ha oñeme’ẽ jevy chéve: Akãguapy, che mburuvicha reko, che retã pu’aka, che mburuvicha rerakuã porã. Ha umi tetã sãmbyhyhára oĩva’ekue che poguýpe ha umi che rekombo’ehára oupa che rendápe chemoĩ jevy hag̃ua che retã ruvicha guapyhaguasúpe, ha uperire oñeme’ẽ chéve pu’aka tuichave gueteri ymaguarégui.

Daniel 7:12

Ha umi ambue mymba pu’aka ojepe’a avei ha ojeheja ichupekuéra oikove hag̃ua hi’ára ha hi’óra paha og̃uahẽ mevénte.

Daniel 7:5

Ha péina ápe pe mymba mokõiha, ojogua peteĩ ósope, ha oñemoñembo’ýnte ipýre ha oguereko mbohapy ñarukã (costílla) ijurúpe, hãinguéra pa’ũme, ha péicha oje’e ichupe: Epu’ã ha he’u heta so’o.

Matéo 24:28

Upe te’õngue oĩháme, upépe ijatýta avei yryvukuéra.

Deuteronómio 28:49

Ñanderuete oguerúta pendeári peteĩ tetã mombyrygua yvy apýragui, ovevéva ñapykanícha, ha upe tetã ñe’ẽ ndapeikuaamo’ãi;

Apocalípsis 13:2

Ha pe mymba che ahecháva ojogua peteĩ jaguarete hũme, ipo ha ipykuéra ojogua óso pykuérape, ijuru ojogua leõ jurúpe. Ha pe tejujaguaguasu (Satana) ome’ẽ ko mymba kóvape ipu’aka ha iguapyha oisãmbyhy hag̃ua.