Daniel 7:2

Ñanderuete Ñe’ẽ Porã 2015

Ko’ã mba’e che, Daniel, ahecha: Ama’ẽ’aína che ke pegua ra’ãnga rehe, ha péina umi irundy yvytu oñorãirõ yguasúpe.

Referencias Cruzadas

Isaías 17:12

Angái, angái, heta tetã oñembyatýta ha hyapúta ku yguasu pochy ryapúicha, ha heta tetã okororõta ku yeta ipochývaicha.

Jeremías 49:36

Umi irundy yvytu ára apýra guive aguerúta Elam retãme umi oñemoĩva hese, ha amosarambíta ichupekuéra ko’ã yvytu ko’ãva rupi ha opaite tetãnguérape, oĩva guive ko yvy ape ári.

Jeremías 51:42

Pe yguasu ojupi Babilónia ári; hi’y pochy oñu’ãmba.

Daniel 11:4

Ha’e opu’ã porã rire oñehundi jevýta hetã oñemboja’óta irundy yvytu gotýo, hetã ndopytamo’ãi iñemoñarenguérape g̃uarã, hesegua’ỹvape katu oñeme’ẽta, umi tetã ruvicha katu ndohupitymo’ãi pe tetã ruvichakue pu’aka.

Daniel 2:19

Ha pe pyharépe Ñanderuete oikuaauka umi mba’e ñemimby Daniélpe techapáy rupi (mba’e ojehecháva payetépe iképe rõguáicha), upévare Daniel omomba’eguasu Ñanderuetépe.

Daniel 7:13

Ama’ẽve pe ojehechaukava’ekue rehe payetépe pyharekuépe, ha péina ápe ahecha umi arai apytépe ouhína pe Yvyarigua Ra’y, ha omog̃uahẽ ichupe pe itujaitéva renondépe.

Daniel 7:7

Ko’ã mba’e ko’ãva rire ama’ẽvo pe ojehechaukávare payetépe pyharépe, ha péina ápe ahecha pe mymba irundyha, iñarõ ha oporomongyhyjéva ha imbareteiterei ha hãi tuicha hiérrogui; oporomokõ ha oporopehe’ãmba, ha hembýva rehe opyrũmba, ha ojuavyeterei umi ambue mymba ahechava’ekuégui, ha’e ningo 10 hatĩ.

Daniel 8:2

Ha’ete ku aimérõ Súsape, kóva Elam retã tavaguasu opytáva Ulái ysyry rembe’ýpe.

Daniel 8:8

Upérõ pe kavara mácho oñembotuichaiterei; ha imbareteve jave hatĩguasu opẽ, ha hendaguépe osẽ irundy hatĩ tuichamíva, umía ojepyso umi irundy yvytu rehe.

Zacarías 6:5

Ha pe yvága rembiguái he’i chéve: Ko’ãva hína umi irundy yvytu ára pegua oñemoĩva ko yvy Jarateéva renondépe ha upéi osẽ henondégui.

Matéo 24:31

Ha Ha’e omondóta yvága rembiguaikuéra turupuguasu reheve, ombyaty hag̃ua iporavopyrekuérape umi irundyve yvytúguio, pe ára apýra peteĩguio ambue ára apýra peve.

Apocalípsis 17:15

Ha pe yvága rembiguái he’ive chéve: Pe yeta nde rehecháva, pe kuña reko vai oguapyhápe, umía ningo heta tetãyguakuéra ha tribukuéra, ñe’ẽnguéra ha tetãnguéra.

Apocalípsis 7:1

Ko’ã mba’e rire ahecha irundy yvága rembiguái oñembo’yvahína umi irundy yvy apýrape ha ojoko umi irundy yvytu yvy pegua, ani hag̃ua oipeju yvy ári, yguasu térã yvyra rakã ári.