Daniel 7:11

Ñanderuete Ñe’ẽ Porã 2015

Ha che ajapysaka jave umi ñe’ẽguasueta pe hatĩ michĩ he’íva rehe, ahecha ojejukaha pe mymbápe, ha hete oñepehe’ãmba, ha upéi oñemombo tatápe okái hag̃ua.

Referencias Cruzadas

Daniel 11:45

Ha’e omopu’ãta hogaguasu tymba pirekueguiguáva yguasu ha pe cérro Ñanderuete rogaguasu oĩha pa’ũme. Og̃uahẽta katu hi’ára paha, ha ndaiporimo’ãi avave oipytyvõtava ichupe.

Daniel 7:12

Ha umi ambue mymba pu’aka ojepe’a avei ha ojeheja ichupekuéra oikove hag̃ua hi’ára ha hi’óra paha og̃uahẽ mevénte.

Daniel 7:8

Ha ama’ẽvo hatĩ rehe, péina ápe peteĩ hatĩ michĩva osẽ ambue hatĩnguéra pa’ũme, ha péva omondoro mbohapy hatĩ tenondeveguaréva, ko hatĩ kóva hesa kuimba’éicha, ha peteĩ juru he’íva mba’e tuicháva.

Daniel 8:25

Oporombotavýgui, ijapu osẽ porãta, upévare ha’e oñembotuicháta ipy’apýpe, ha hetápe ohundíta oha’ãrõ’ỹre; ha oñemoĩ rire Ñanderuetére, ha’e oñehundíta hapichakuéra opoko’ỹre hese.

2 Tesalonicayguakuérape 2:8

Uperire ae ojehechaukáta upe oñemoĩva opaichagua tembiapoukapy rehe, Ñandejára Hesu Crísto katu ojukáta ichupe ipytuhẽ pu’aka rupi ha ohundíta ichupe Ha’e ou jevyha árape.

2 Pédro 2:18

Iñe’ẽ jererovu yvytu rei, ha’ekuéra oporombotavy ijyvyarigua rete rembipota vai rupi, umi opoiramóvape hembiapo vaígui, ogueraha jevy hag̃ua hape vai rupi.

Júdas 1:16

Ko’ã mbo’ehára japu chi’õpópe oja’o Ñanderuetépe, ndoguerovy’áigui umi mba’e ojehúva guive hekovépe, ha’ekuéra oiko ijyvyarigua rete rembipota vai poguýpe, ijuruguasu hikuái, ha’ekuéra ombojuru he’ẽkuaa karaiguasukuérape ohupity peve hembipota, (provecho ijupe g̃uarã).

Apocalípsis 18:8

Upévare og̃uahẽva’erã hendápe peteĩ ára ijehavirarã (icastigorã): Ñemano, jahe’o, ñembyahýi ha ipahápe ojehapýta ichupe, ipu’aka hese pe yvága Jára imbareteitéva, Ñanderuete voi ombojovakéta ichupe.

Apocalípsis 19:20

Ha ojeapresa pe mymba ha pe proféta japu, pe ojapóva umi mba’e techapyrã (milagrokuéra) ombotavy hag̃ua tetãnguérape, oguerekóva pe mymba márca isyva térã ipóre, ha omomba’eguasuva’ekue pe mymba ra’ãngápe. Ko’ã mokõi oñemombo hekove reheve pe lágo tata ha azúfre hendývape.

Apocalípsis 20:10

Ha Satana, pe tapia ombotavýmiva ichupekuéra, oñemombo pe lágo hendyhápe tata ha azúfre, oĩháme avei upe mymba ha proféta japu. Upépe ohasa asyetéta ára ha pyharépe ára atyguasu guive ára atyguasu peve g̃uarã (tapia g̃uarã).

Apocalípsis 20:12

Upéi ahecha umi omanomava’ekuépe, tuicháva ha michĩvape, oñembo’y hikuái pe guapyhaguasu renondépe, ha ojepe’a umi kuatiañe’ẽ, ojepe’a avei ambue kuatiañe’ẽ, kóva pe tekovete reheguáva, oñembojovake hag̃ua hembiapokuéra rehe, ojehai háicha umi kuatiañe’ẽme.

Apocalípsis 20:4

Ha ahecha guapyhaguasukuéra ha oguapy hikuái hi’arikuéra, ha oñeme’ẽ ichupekuéra pu’aka oporombojovake hag̃ua; ha ahecha umi oñe’akã’ova’ekue ánga ojerovia haguére Hesu Crístore ha omyasãi haguére Ñanderuete ñe’ẽ, umiva nomomba’eguasuiva’ekue upe mymbápe térã ha’ãngápe, ha ndohejáiva’ekue oñemoĩ upe mymba márca isyva térã ipo rehe; ko’ãva oikove jevy ha oisãmbyhy hikuái Hesu Crísto ndive 1.000 áño pukukue.