Daniel 7:1

Ñanderuete Ñe’ẽ Porã 2015

Belsasar, Babilónia retã ruvicha, oisãmbyhy aja hi’áño peteĩháme, Daniel ohecha iképe, ha umi mba’e ojehechaukáva ichupe payetépe (visiónpe) ou iñakãme oĩ aja hupápe, ha’e ohai peteĩ kuatiañe’ẽme.

Referencias Cruzadas

Genesis 15:1

Ko’ã mba’e rire Ñanderuete oñe’ẽ Abram ndive techapáy rupive (visión), ha he’i ichupe: Ani rekyhyje, Abram; Che voi ningo ne mo’ãha ha ne rembiapo repy me’ẽha.

Genesis 46:2

Ha Ñanderuete oñe’ẽ Israélpe (Jacóbope) pe pyhare techapáype (visiónpe), ha he’i: Jacóbo, Jacóbo. Ha ha’e he’i ichupe: Na’ápe aĩ.

Job 4:13

Topehýi ou jave yvyariguakuéra rendápe, che kérape ahecha mba’e ivaíva.

Isaías 30:8

Upévare tereho ko’ág̃a ha ehai hesa renondépe peteĩ ita ipéva rehe, ha peteĩ kuatiápe, ha topyta ko’ẽramo ha tapia g̃uarã.

Isaías 8:1

Ñanderuete he’i chéve: Eiporavo peteĩ itapeguasu, ha ehai porã hese ko’ã ñe’ẽ: Maher-salal-hasbaz.

Jeremías 23:28

Pe proféta ohecháva iképe, tomombe’u ike peguare ramo; ha che ñe’ẽ ame’ẽva’ekue, tomyasãi hekoitépe che ñe’ẽ ramo. Pe trígo ra’ỹi piko ojogua pe kapi’i pirúpe, he’i pende Ruete.

Jeremías 27:7

Ha opaite ko’ã tetã opyta ipoguýpe ita’ýra, ha ita’ýra ra’yre jevy peve, og̃uahẽ meve avei hi’ára hetã opyta hag̃ua avei ambue tetã imbaretevéva ha hetã ruvichaguasu poguýpe.

Jeremías 36:32

Ha Jeremías ojapyhy ambue kuatia ha ome’ẽ kuatia haihára Baruc, Nerías ra’ýpe; ha ha’e ohai jevy opaite ñe’ẽ osẽva guive Jeremías jurúgui ha oĩva’ekue ambue kuatiañe’ẽme Joacim, Juda retã ruvicha, ohapyva’ekue; ha oñemoĩve katu hi’ári ambue ñe’ẽ koichagua.

Jeremías 36:4

Ha Jeremías ohenói Baruc, Nerías ra’ýpe ohai hag̃ua peteĩ kuatiañe’ẽme, opaite mba’e Ñanderuete he’iva’ekue guive ichupe.

Ezequiel 1:1

Ojehu ningo umi mba’e áño 30-hápe, jasy irundyhápe, ára 5-hápe che aĩ jave aína Quebar ysyry rembe’ýpe umi Israel jepokuapyha oikohápe, ojepe’a umi yvága ha ahecha che payetépe (visiónpe) umi ta’ãnga oúva Ñanderuetégui.

Ezequiel 40:2

Payetépe Ñanderuete chegueraha Israel retãme, ha chemoĩ peteĩ cérro ijyvateitereíva ári, ha hi’ári oĩ umi óga ojoguaitereíva peteĩ tavaguasúpe, ha opytáva sur gotýo.

Daniel 1:17

Ñanderuete voi omoarandu ko’ã irundy karia’ýpe ha ome’ẽ akã porã opaichagua arandúpe; Daniélpe omoarandu avei oikuaa hag̃ua mba’épa he’ise umi kuimba’e térã kuña ohecháva iképe térã ojehechaukáva payetépe.

Daniel 2:1

Nabucodonosor oisãmbyhyhína jave pe áño mokõiháme, ha’e ohecha ike pegua omyangekõi ha oipy’apyetereíva ichupe ha ndaikatuvéi oke,

Daniel 2:26

Ha tetã ruvicha he’i Daniélpe, oñembohéra avei Beltsasar: Ndépa ikatu rehechauka chéve che ke peguare ha mba’épa he’ise.

Daniel 4:13

Ha ajepy’amongeta jave pe ojehechaukáva chéve payete rehe, aĩ jave che rupápe, péina ápe oguejy yvágagui peteĩ temimbou heko porãva oma’ẽva opaite mba’e rehe.

Daniel 4:5

upérõ ahecha peteĩ che ke pegua chemondyiva’ekue ajepyso jave che rupápe, umi mba’e che akãme oúva chejopyeterei ha umi che páype (vision) chemyangekõi vaiete.

Daniel 5:1

Tetã ruvicha Belsasar ojapo peteĩ karu guasu 1.000 mburuvichápe g̃uarã, ha umi 1.000 rovake ombo’u víno.

Daniel 5:22

Ha nde, Belsasar, ita’yra, nereñemomirĩri nde py’apýpe, reikuaapa ramo jepe opaite ko’ã mba’e.

Daniel 5:30

Ha pe pyhare pévape ojejuka Belsasar, Caldeaygua retã ruvichápe.

Daniel 7:13

Ama’ẽve pe ojehechaukava’ekue rehe payetépe pyharekuépe, ha péina ápe ahecha umi arai apytépe ouhína pe Yvyarigua Ra’y, ha omog̃uahẽ ichupe pe itujaitéva renondépe.

Daniel 7:15

Che, Daniel, che ánga iñangekõieterei chepype, ha umi mba’e ojehechaukava’ekue chéve payetépe chembopy’andýi.

Daniel 7:7

Ko’ã mba’e ko’ãva rire ama’ẽvo pe ojehechaukávare payetépe pyharépe, ha péina ápe ahecha pe mymba irundyha, iñarõ ha oporomongyhyjéva ha imbareteiterei ha hãi tuicha hiérrogui; oporomokõ ha oporopehe’ãmba, ha hembýva rehe opyrũmba, ha ojuavyeterei umi ambue mymba ahechava’ekuégui, ha’e ningo 10 hatĩ.

Daniel 8:1

Tetã ruvicha Belsasar oisãmbyhy aja hi’áño mbohapyhápe ojehechauka chéve (Daniélpe) ambue mba’e che payetépe (visiónpe).

Joel 2:28

Ha ã mba’e rire añohẽta che Pytu Porãmbáva mayma kuimba’e ha kunñakuéra ári ha pende ra’y ha pende rajykuéra oprofetizáta; pende karai ancianokuéra ohecháta ike pegua, ha pene mitãrusukuéra ohecháta techapaykuéra (vision).

Amos 3:7

Pende Ruete ndojapomo’ãi mba’eve, oikuaauka’ỹre hembiguái profetakuérape umi mba’e Ha’e ojapótava.

Habacuc 2:2

Ha Ñanderuete ombohovái chéve ha he’i: Ehai peteĩ kuatiápe umi mba’e ahechaukátava ndéve payetépe (visiónpe).

Números 12:6

Ha he’i ichupekuéra: Ko’ág̃a pehendu porãke che ñe’ẽ. Oĩ ramo pende apytépe peteĩ proféta, Che ajehechaukáta ichupe techapáy rupi, térã iképe añe’ẽ hag̃ua hendive,

Romayguakuérape 15:4

Opaite umi mba’e yma guive oĩva Ñanderuete kuatiañe’ẽme ojehaiva’ekue ñanembo’e hag̃ua, okakuaa hag̃ua ñane paciéncia ha ñanemokyre’ỹ hag̃ua iñemoangapyhy rupi, aipórõ jajejoko hatãkena pe esperánza rehe.

2 Corintoyguakuérape 12:1

Che ajererovuveva’erãmante, naiporãi ramojepe, amombe’uségui umi ta’ãnga ha umi mba’e Hesu Crísto ohechaukava’ekue chéve chepayetépe (visiónpe).

Apocalípsis 1:19

Ehaipa rehecháva guive, umi mba’e oikóva ha ojehútava uperire.

Apocalípsis 10:4

Oñe’ẽ rire umi 7 arasunu che ahaise iñe’ẽnguéra peteĩ kuatiañe’ẽme, upérõ ahendu peteĩ oñe’ẽva yvágagui ha he’íva chéve: Ani reikuaauka avavépe umi arasunu he’iva’ekue, eñongatu porã uvei ha anítei rehai peteĩ kuatiañe’ẽme.