Daniel 5:8

Ñanderuete Ñe’ẽ Porã 2015

Upéramo oñemoingepa umi karai arandu ikotyguasúpe, ijapytépe katu ndaipóri avave ikatúva omoñe’ẽ umi ñe’ẽ ojehaiva’ekue tápia rehe, ni omombe’ukuaáva tetã ruvichápe mba’épa he’ise.

Referencias Cruzadas

Genesis 41:8

Ha ojehu ningo pe pyharevépe hi’ánga iñangekõi ichugui, ha ohenoiuka mayma Egiptoygua paje apohára ha mayma kuimba’e iñarandúvape; ha faraon omombe’u ichupekuéra ike peguare, ha ndaipóri avave ikatúva he’i faraónpe mba’épa he’ise ike peguare.

Isaías 47:9

Ko’ã mokõi mba’e ojehúta ndéve reha’ãrõ’ỹre, peteĩ araitépe repytáta ne memby’ỹre ha ne mena’ỹre; rejapóta ramo jepe heta paje ha encánto.

Jeremías 50:35

Kyse puku toñemoĩ Caldeayguakuéra rehe, Babiloniayguakuéra rehe, imburuvicha ha iñaranduvakuéra rehe.

Daniel 2:27

Ha Daniel he’i Nabucodonosórpe: Upe mba’e ñemimby tetã ruvicha ojerureva’ekue avave ndaikatúi voi oikuaauka ndéve karai iñarandúva apytégui térã umi oma’ẽva mbyjakuéra rape rehe, ni paje apohára térã imba’ekuaáva apytégui ndaiporimo’ãi peteĩnte jepe oikuaaukava’erã ndéve.

Daniel 4:18

Ko’ã mba’e che, Nabucodonosor, Babilónia retã ruvicha, ahecha che képe, ha nde Beltsasar emombe’u chéve mba’épa péva he’ise, che retãygua iñaranduvéva jepe ndaikatúi ohechauka chéve mba’épa he’ise ko che kepeguáre: Nde ningo ikatu, oĩgui ndepype Yvága Jarakuéra Pytu Porãite.

Daniel 4:4

Che, Nabucodonosor, aĩkuri py’aguapypópe ha po’a pa’ũme che rogaguasúpe,

Daniel 4:7

Ha ou umi iñarandúva, umi oma’ẽva mbyja rapekuéra rehe, umi Caldeaygua (umi imba’ekuaáva) ha umi paje apohára, ha amombe’u ichupekuéra che ke peguare, ha’ekuéra katu ndaikatúi oikuaauka chéve mba’épa he’ise.

Daniel 5:15

Ojegueru ningo che renondépe umi karai iñarandúva ha umi oma’ẽva mbyja rapekuéra rehe omoñe’ẽ hag̃ua chéve ko ñe’ẽ jehaipyréva ha he’i hag̃ua chéve avei mba’épa he’ise, ág̃a katu avavete ndaikatúi ohechauka chéve mba’épa he’ise ko’ã ñe’ẽ ko’ãva.