Daniel 5:7

Ñanderuete Ñe’ẽ Porã 2015

Ha pe tetã ruvicha hatã osapukái ojegueru hag̃ua umi karai iñarandúva, umi imba’ekuaáva ha umi paje apohárape. Ha ou rire hikuái tetã ruvicha rendápe, ha’e he’i ichupekuéra: Oimeraẽ omoñe’ẽkuaáva ko ñe’ẽ ojehaíva ha omombe’úva chéve mba’épa he’ise, hese oñemondéta ao pytã, ha oñemoĩta peteĩ ajurigua oroguiguáva ijajúra rehe, ha oikóta tetã ruvicha mbohapyha ramo ko tetãguasúpe.

Referencias Cruzadas

Genesis 41:8

Ha ojehu ningo pe pyharevépe hi’ánga iñangekõi ichugui, ha ohenoiuka mayma Egiptoygua paje apohára ha mayma kuimba’e iñarandúvape; ha faraon omombe’u ichupekuéra ike peguare, ha ndaipóri avave ikatúva he’i faraónpe mba’épa he’ise ike peguare.

Ester 3:1

Ko’ã mba’e rire tetã ruvicha Asuéro ombotuicha Aman, Hamedata ra’ýpe, ha’e ningo peteĩ Agaggua, ha omomba’eguasu ichupe ha omoĩ ichupe opaite ambue mburuvichakuéra hendive oĩva ári.

Éxodo 7:11

Upéramo faraon ohenoiuka kuimba’e iñarandúva ha paje apohakuérape, ha umi Egiptoygua paje apohakuéra ojapo avei mbói.

Mga Kawikaan 1:9

umíva ningo jeguaka iporãitéva ne akã rehe, ha ojogua nde ajurigua oroguiguávape.

Cantar de los cantáres 1:10

Iporãite nde rova’yke ne namichãinguéra reheve ha nde ajúra iporãite umi ajurigua ita veraguiguáva reheve.

Isaías 47:13

Reñemokane’õ reheka hag̃ua umi nerekombo’ekuaávape. Tou ko’ág̃a ndesalva hag̃ua umi oma’ẽva ára rehe oikuaa hag̃ua henonderã, umi mbyja rehe oma’ẽva ha umi oma’ẽva jasy pyahúre.

Jeremías 50:35

Kyse puku toñemoĩ Caldeayguakuéra rehe, Babiloniayguakuéra rehe, imburuvicha ha iñaranduvakuéra rehe.

Ezequiel 16:11

Amoĩ nderehe jeguaka, ha nde pyapy rehe jeguaka ha ame’ẽ ndéve peteĩ ajurigua.

Daniel 1:20

Opaichagua mba’épe pe tetã ruvicha omba’eporandúva guive ichupekuéra, ha’ekuéra oikuaa ha ha’e ojohu iñaranduveha hikuái 10 jevyve (vecesve) opavave Babilónia karai iñaranduvéva ha ipaje apoharakuéragui.

Daniel 1:4

umi karia’y hesãi ha iporãva, iñarandu, iñakã porã ha ikatupyrýva omba’apo hag̃ua chéve che rogaguasúpe; ha toñembo’e ichupekuéra oñe’ẽ ha ohaikuaa hag̃ua Caldeaygua ñe’ẽme.

Daniel 2:2

upévagui tetã ruvicha ohenoiuka umi iñarandúvape, umi oma’ẽva mbyja rapekuéra rehe, paje apohakuérape ha Caldeayguakuérape, ha’ekuéra omombe’u hag̃ua ichupe ohechava’ekue iképe; ha ou hikuái, ha oñemboja tetã ruvicha renondépe.

Daniel 2:27

Ha Daniel he’i Nabucodonosórpe: Upe mba’e ñemimby tetã ruvicha ojerureva’ekue avave ndaikatúi voi oikuaauka ndéve karai iñarandúva apytégui térã umi oma’ẽva mbyjakuéra rape rehe, ni paje apohára térã imba’ekuaáva apytégui ndaiporimo’ãi peteĩnte jepe oikuaaukava’erã ndéve.

Daniel 2:48

Upéramo Nabucodonosor ombotuicha Daniélpe ha ome’ẽ ichupe heta jopói, ha ome’ẽ avei ichupe pe Babilónia departaménto oisãmbyhy hag̃ua ha omoĩ avei opaite karai iñarandúva ipoguýpe.

Daniel 2:6

Ha pehechauka ramo chéve che ke peguare ha upe he’iséva, che ame’ẽta peẽme jopói ha che pomomba’eguasúta, upévare peje chéve che ke peguare ha upe he’iséva.

Daniel 4:14

Ha péva osapukái hatã he’ívo: Peity pe yvyra, peikytĩ hakãnguéra, pehogue’o ha pemosarambi hi’akue, tokañymba umi mymba oĩva iguýpe ha guyrakuéra tovevepa hakãnguéragui.

Daniel 5:11

Ne retãguasúpe oiko peteĩ kuimba’e ipype oĩva Yvága Jarakuéra Pytu Porãitéva, ha nde ru oikoha árape ojejohuva’ekue ipype tesape añeteguáva, akãporã ha arandu yvága jarakuéraicha; ha nde ru, Nabucodonosor, omoĩ ipoguýpe umi karai iñarandúva, umi oma’ẽva mbyja rapekuéra rehe, umi imba’ekuaáva ha paje apoharakuéra.

Daniel 5:15

Ojegueru ningo che renondépe umi karai iñarandúva ha umi oma’ẽva mbyja rapekuéra rehe omoñe’ẽ hag̃ua chéve ko ñe’ẽ jehaipyréva ha he’i hag̃ua chéve avei mba’épa he’ise, ág̃a katu avavete ndaikatúi ohechauka chéve mba’épa he’ise ko’ã ñe’ẽ ko’ãva.

Daniel 5:16

Ha che ahendu, nde ikatuha ere mba’épa he’ise ha ikatuha remyesakã avei mba’e ñemimby. Ko’ág̃a nde remoñe’ẽ ramo ko ñe’ẽ jehaipyre ha remombe’u ramo chéve mba’épa he’ise, reñemondéta ao pytãme, ha ame’ẽta peteĩ ajurigua oroguiguáva regueraha hag̃ua nde ajúra rehe ha reikóta tetã ruvicha mbohapyha ramo ko tetãguasúpe.

Daniel 5:29

Ha Belsasar omondeuka Daniélpe ao pytãme, ha omoĩuka ijajúrare peteĩ ajurigua oroguiguáva, ha oikuaauka ha’eha pe tetã ruvicha mbohapyha hetãguasúpe.

Números 22:17

katuete che romomba’eguasúta, ha ajapóta opaite mba’e eréva guive chéve; ko’ág̃a eju katu ha emaldeci ko tetã kóvape.

Números 22:7

Péicha oho Moab ha Madiangua karai ancianokuéra jopói reheve ipópe Balaam rendápe, ombohasa hag̃ua ichupe Balac ñe’ẽ.

Números 24:11

Ko’ág̃a terehóke ne retãme; che ha’ékuri romboetetaha, Jahve katu ndoipotái.

1 Samuel 17:25

Ha mayma Israelgua he’i: Ndapehecháipa amo kuimba’e osẽva, ha’e oñemotenonde oñembohory hag̃ua Israel rehe. Upe ipu’akávape hese ñane retã ruvicha ome’ẽta mba’e repyeta ha itajýra, ha itúva rogayguakuéra nome’ẽmo’ãvéi impuésto tetã ruvichápe g̃uarã Israelguakuéra apytégui.