Daniel 5:4

Ñanderuete Ñe’ẽ Porã 2015

Ha ho’u jave víno, omomba’eguasu hikuái umi jára gua’úpe ojejapova’ekue óro, pláta, brónce, hiérro, yvyra ha itaguiguáva.

Referencias Cruzadas

1 Réyes 1:49

Ha umi Adonías ohenoiva’ekue ikaruguasúpe ipy’andyipa ha opu’ãmba, ha peteĩteĩ oho hikuái hape rehe.

Isaías 42:17

Ojevypáta hapykuévo ha ojehesambotapáta umi ojeroviáva ta’ãnga rehe ha he’íva peẽ ore jára, opaite ko’ãva oñemotĩete ha oñehundiva’erã.

Isaías 42:8

Che Jahve, péicha ningo che réra, ha avavépe name’ẽmo’ãi che reko jajaipa, ha che rerakuã porã ndahejamo’ãi ijára gua’u ra’ãngápe.

Daniel 1:8

Daniel katu noñemongy’aséi pe tembi’u ha pe víno tetã ruvicha ome’ẽva ho’u hag̃uágui, upévagui ojerure Aspenázpe anítei ha’e ojopy ichupe ha iñirũnguérape ani hag̃ua oñemongy’a pe tembi’u pévarupi,

Daniel 4:37

Ko’ág̃a che, Nabucodonosor, amomba’eguasu, ambotuicha ha amboete Yvagakuéra Ruvichaguasúpe, mayma hembiapo añete, opaite hapekuéra heko pegua ha Ha’e omomirĩkuaa umi oñembotuichávape.

Daniel 5:23

Reñembotuicha uvei Yvága Jára renondépe, ha regueruka ne renondépe umi váso Ñanderuete rogaguasu peguáva, nde ha mburuvichakuéra, ne rembirekokuéra ha ne kuñakuéra pe’u víno ipype, ha pemomba’eguasu umi jára ojejapova’ekue pláta ha órogui, brónce ha hiérrogui, yvyra ha itágui, umía ndohechái, nohendúi ha mba’eve ndoikuaái, Yvága Jára pópe katu oĩ nde rekove ha opaite nde rapekuéra, nde katu araka’eve neremomba’eguasúi ichupe.

Daniel 5:3

Upéramo ojegueru umi váso oroguiguáva ojegueruva’ekue Ñanderuete róga guasu Jerusalen peguágui, ha pe tetã ruvicha, mburuvichakuéra, hembirekokuéra ha ikuñakuéra ombo’u ipype víno.

Daniel 5:5

Upejave ojehecha peteĩ kuimba’e po ohaíva ikuãme pe tápia morotĩháme, pe tataindy ohesape porãvehápe ha pe tetã ruvicha ohecha pe po ohaivahína.

Amos 6:7

Upévare peiko raẽtamante ambue tetãme cárcelpe ramoguáicha ha upéicha opava’erã pende puka puka pende karuguasuhápe.

Habacuc 2:19

Cháke, nde eréva pe jára ojejapova’ekuépe yvyrágui: Epáy; ha nde eréva pe jára gua’úpe ojejapova’ekue itágui: Epu’ã. Ikatúnepa umía oporohekombo’e, óro ha pláta reheve oñeñu’ãmba ramo jepe, ndaipytu porãi.

Apostolkuéra 17:29

Ñande ha’égui ñande Apohare ñemoñarenguéra, anítei ñaimo’ã umi jára gua’u, kuimba’ekuéra ojapóva órogui, plátagui térã itágui, iñakãme ou háicha ojoguaha ñande Apoharépe.