Daniel 5:2

Ñanderuete Ñe’ẽ Porã 2015

Belsasar oka’u rire, ogueruka umi váso pláta ha oroguiguáva itúva Nabucodonosor ogueruva’ekue, Ñanderuete rogaguasu Jerusalen peguágui, ombo’u hag̃ua víno ipype tetã ruvicha, umi mburuvicha ipoguýpe oĩva, hembireko ha ikuñakuéra ndive.

Referencias Cruzadas

2 Samuel 9:7

Ha David he’i ichupe: Ani rekyhyjétei, che añetehápe roiporiahuverekóta nde ru Jonatan rayhupápe, ha ame’ẽmbáta ndéve nde ru Saul yvy; ha nde katu tapiaite rekarúta che mesápe.

2 Réyes 24:13

Ha Nabucodonosor oguenohẽ opaite mba’erepyeta Ñanderuete rogaguasúgui ha tetã ruvicha rógagui, ha oipe’auka opaite óro oñu’ãva umi tembiporu ojeporúva Ñanderuete róga rembiapópe, Ñanderuete he’i haguéicha ha Salomón ojapoukava’ekue.

2 Réyes 25:15

Mba’e ryakuã porã myatatĩha, umi ña’ẽ pypuku ha opaite ambue mba’e ojejapova’ekue óro ha óro morotĩgui ojeguerahapa avei Babilónia retãme.

2 Crónicas 11:20

Upéi omenda avei Maaca, Absalon rajýre, péva imemby ichupe g̃uarã: Abías, Atai, Ziza ha Selomit.

2 Crónicas 15:16

Ha Asa oipe’a avei ijarýi Maacágui imburuvicha reko, ojapógui peteĩ Asera ra’ãnga, ha péva Asa oipehe’ãukapa, ha ohapyuka Cedron ysyry rembe’ýpe.

2 Crónicas 36:10

Opa mboyve pe áño péva tetã ruvicha Nabucodonosor ombou hembiguaikuérape oguerahauka hag̃ua ichupe Babilóniape, umi mba’erepy Ñanderuete róga pegua reheve, ha omoĩ ityvýra Sedequíaspe Jerusalen ha Juda retã ruvicha ramo.

2 Crónicas 36:18

Ha’e oguerahauka Babilóniape umi Ñanderuete róga rembiporukuéra, tuicháva ha michĩva, umi mba’erepyeta hogaguasu peguáva, ha avei umi mba’erepyeta tetã ruvicha róga pegua, ha umi mburuvicha róga pegua.

Ésdras 5:14

Ha ome’ẽ jevy umi tembiporu óro ha plataguiguáva, Ñanderuete rogaguasu peguáva, Nabucodonosor oguerahapava’ekue ha omoinge itupãópe, Babilónia retãme, umi tembiporu umíva omoĩmbákuri Sesbasar pópe, ichupe oñemoĩgui Juda sãmbyhyhára ramo;

Jeremías 27:7

Ha opaite ko’ã tetã opyta ipoguýpe ita’ýra, ha ita’ýra ra’yre jevy peve, og̃uahẽ meve avei hi’ára hetã opyta hag̃ua avei ambue tetã imbaretevéva ha hetã ruvichaguasu poguýpe.

Jeremías 50:35

Kyse puku toñemoĩ Caldeayguakuéra rehe, Babiloniayguakuéra rehe, imburuvicha ha iñaranduvakuéra rehe.

Jeremías 52:19

Ha umi mba’e ryakuã porã ñemyatatĩha, tazaguasukuéra, vasokuéra, japepokuéra, tataindyenda, ha tazakuéra; umi mba’e ojejapova’ekue óro ha óro morotĩgui Nabuzaradan oguerahapa avei.

Daniel 1:2

Ha Ñanderuete omoĩ Nabucodonosor pópe Joacim, Juda retã ruvichápe, heta Ñanderuete rogaguasu rembiporu reheve; ha umía Nabucodonosor ogueraha Babilóniape, ijára tupãópe, oñeñongatuhápe avei imba’erepyeta.

Daniel 5:11

Ne retãguasúpe oiko peteĩ kuimba’e ipype oĩva Yvága Jarakuéra Pytu Porãitéva, ha nde ru oikoha árape ojejohuva’ekue ipype tesape añeteguáva, akãporã ha arandu yvága jarakuéraicha; ha nde ru, Nabucodonosor, omoĩ ipoguýpe umi karai iñarandúva, umi oma’ẽva mbyja rapekuéra rehe, umi imba’ekuaáva ha paje apoharakuéra.

Daniel 5:13

Upémaramo ojegueru Daniélpe tetã ruvicha rendápe. Ha tetã ruvicha he’i Daniélpe: Nde piko Daniel, umi jepokuapyha pegua ra’yre, che ru ogueruva’ekue Judágui.

Daniel 5:18

Ñanderuete, pe Jára Ijyvatetéva, ome’ẽ nde ru Nabucodonosórpe peteĩ tetãguasu, pu’akaguasu, terakuã porã ha pe tetã ruvicha guapyha.

Daniel 5:23

Reñembotuicha uvei Yvága Jára renondépe, ha regueruka ne renondépe umi váso Ñanderuete rogaguasu peguáva, nde ha mburuvichakuéra, ne rembirekokuéra ha ne kuñakuéra pe’u víno ipype, ha pemomba’eguasu umi jára ojejapova’ekue pláta ha órogui, brónce ha hiérrogui, yvyra ha itágui, umía ndohechái, nohendúi ha mba’eve ndoikuaái, Yvága Jára pópe katu oĩ nde rekove ha opaite nde rapekuéra, nde katu araka’eve neremomba’eguasúi ichupe.

Daniel 5:3

Upéramo ojegueru umi váso oroguiguáva ojegueruva’ekue Ñanderuete róga guasu Jerusalen peguágui, ha pe tetã ruvicha, mburuvichakuéra, hembirekokuéra ha ikuñakuéra ombo’u ipype víno.

Daniel 5:30

Ha pe pyhare pévape ojejuka Belsasar, Caldeaygua retã ruvichápe.

Daniel 5:4

Ha ho’u jave víno, omomba’eguasu hikuái umi jára gua’úpe ojejapova’ekue óro, pláta, brónce, hiérro, yvyra ha itaguiguáva.

Números 7:79

ha’e ogueru ijopói ramo: Peteĩ ña’ẽmbe plataguigua ipohýiva 1,45 kílo ha peteĩ járro plataguigua oguerekóva 780 grámo, mokõivéva henyhẽ trígo ku’i porãgui, oñembojehe’apyréva acéite reheve, oikuave’ẽ hag̃ua,