Daniel 4:6

Ñanderuete Ñe’ẽ Porã 2015

Upévagui ahenoiuka opaite Babiloniaygua iñarandúva guivépe, ohechauka hag̃ua chéve mba’épa he’ise che képe ahechava’ekue.

Referencias Cruzadas

Éxodo 7:11

Upéramo faraon ohenoiuka kuimba’e iñarandúva ha paje apohakuérape, ha umi Egiptoygua paje apohakuéra ojapo avei mbói.

Isaías 8:19

Ha oje’e ramo peẽme: Pemba’eporandu umi ohenóiva anguépe, umi imba’ekuaávape, ha umi oñe’ẽ guyguývape, upéramo pejéke: Tetãyguakuéra piko nomba’eporandui’arã Ijárape. Omba’eporandu piko umi anguépe kuimba’e ha kuña oikovéva rehe.

Daniel 1:17

Ñanderuete voi omoarandu ko’ã irundy karia’ýpe ha ome’ẽ akã porã opaichagua arandúpe; Daniélpe omoarandu avei oikuaa hag̃ua mba’épa he’ise umi kuimba’e térã kuña ohecháva iképe térã ojehechaukáva payetépe.

Daniel 2:2

upévagui tetã ruvicha ohenoiuka umi iñarandúvape, umi oma’ẽva mbyja rapekuéra rehe, paje apohakuérape ha Caldeayguakuérape, ha’ekuéra omombe’u hag̃ua ichupe ohechava’ekue iképe; ha ou hikuái, ha oñemboja tetã ruvicha renondépe.

Daniel 2:48

Upéramo Nabucodonosor ombotuicha Daniélpe ha ome’ẽ ichupe heta jopói, ha ome’ẽ avei ichupe pe Babilónia departaménto oisãmbyhy hag̃ua ha omoĩ avei opaite karai iñarandúva ipoguýpe.

Daniel 4:15

Hapoguasu katu pehejáta yvy rehe, ojejokuáta hiérro ha bróncepe pe ñu rupigua ñananguéra apytépe, tahykue ysapy araguiguápe, ha mymbakuéra apytépe katu tokaru kapi’ipére.

Daniel 5:11

Ne retãguasúpe oiko peteĩ kuimba’e ipype oĩva Yvága Jarakuéra Pytu Porãitéva, ha nde ru oikoha árape ojejohuva’ekue ipype tesape añeteguáva, akãporã ha arandu yvága jarakuéraicha; ha nde ru, Nabucodonosor, omoĩ ipoguýpe umi karai iñarandúva, umi oma’ẽva mbyja rapekuéra rehe, umi imba’ekuaáva ha paje apoharakuéra.

Daniel 5:7

Ha pe tetã ruvicha hatã osapukái ojegueru hag̃ua umi karai iñarandúva, umi imba’ekuaáva ha umi paje apohárape. Ha ou rire hikuái tetã ruvicha rendápe, ha’e he’i ichupekuéra: Oimeraẽ omoñe’ẽkuaáva ko ñe’ẽ ojehaíva ha omombe’úva chéve mba’épa he’ise, hese oñemondéta ao pytã, ha oñemoĩta peteĩ ajurigua oroguiguáva ijajúra rehe, ha oikóta tetã ruvicha mbohapyha ramo ko tetãguasúpe.