Daniel 4:5

Ñanderuete Ñe’ẽ Porã 2015

upérõ ahecha peteĩ che ke pegua chemondyiva’ekue ajepyso jave che rupápe, umi mba’e che akãme oúva chejopyeterei ha umi che páype (vision) chemyangekõi vaiete.

Referencias Cruzadas

Genesis 41:1

Ojehu ningo ohasa rire mokõi áño, faraon ohecha iképe ha’e oĩha ysyry rembe’ýpe;

Daniel 1:7

Ko’ãvape Nabucodonosor rembiguaiguasu ome’ẽ téra pyahu: Daniélpe, ombohéra Beltsasar; Ananíaspe, Sadrac; Misaélpe, Mesac; ha Azaríaspe, Abed-nego.

Daniel 2:1

Nabucodonosor oisãmbyhyhína jave pe áño mokõiháme, ha’e ohecha ike pegua omyangekõi ha oipy’apyetereíva ichupe ha ndaikatuvéi oke,

Daniel 2:3

Ha tetã ruvicha he’i ichupekuéra: Ahecha che kepegua, ha che pytu iñangekõi, aikuaaségui mba’épa he’ise che kepeguare.

Daniel 4:10

Pe ahechava’ekue payetépe ou che akãme aĩ ramoguare che rupápe, kóva: Ahecha ko yvy tuichakue mbytépe peteĩ yvyra ijyvateitereíva.

Daniel 4:13

Ha ajepy’amongeta jave pe ojehechaukáva chéve payete rehe, aĩ jave che rupápe, péina ápe oguejy yvágagui peteĩ temimbou heko porãva oma’ẽva opaite mba’e rehe.

Daniel 4:15

Hapoguasu katu pehejáta yvy rehe, ojejokuáta hiérro ha bróncepe pe ñu rupigua ñananguéra apytépe, tahykue ysapy araguiguápe, ha mymbakuéra apytépe katu tokaru kapi’ipére.

Daniel 4:19

Upéramo Daniel, hérava Beltsasar, opyta are ijurujái, ha omyangekõi ichupe pe iñakãme og̃uahẽva. Pe tetã ruvicha oñe’ẽ katu ichupe ha he’i: Beltsasar, ani nemyangekõi pe ke peguare he’iséva. Ha Beltsasar he’i ichupe: Nde, che jára, nde ke pegua toiko nderehe ija’e’ỹvare, ha upe he’iséva tojehu umi oñemoĩvape nderehe.

Daniel 5:10

Isy katu, ohendúvo tetã ruvicha ha mburuvichakuéra, sapukaipópe oike ikotyguasúpe ha he’i: Tetã ruvicha, tereikove tapia g̃uarã, anítei rejepy’apyeterei, ha anítei nde rova oñembosa’yjupa.

Daniel 5:11

Ne retãguasúpe oiko peteĩ kuimba’e ipype oĩva Yvága Jarakuéra Pytu Porãitéva, ha nde ru oikoha árape ojejohuva’ekue ipype tesape añeteguáva, akãporã ha arandu yvága jarakuéraicha; ha nde ru, Nabucodonosor, omoĩ ipoguýpe umi karai iñarandúva, umi oma’ẽva mbyja rapekuéra rehe, umi imba’ekuaáva ha paje apoharakuéra.

Daniel 7:1

Belsasar, Babilónia retã ruvicha, oisãmbyhy aja hi’áño peteĩháme, Daniel ohecha iképe, ha umi mba’e ojehechaukáva ichupe payetépe (visiónpe) ou iñakãme oĩ aja hupápe, ha’e ohai peteĩ kuatiañe’ẽme.

Daniel 7:28

Ápe iñe’ẽ opa. Ha che, Daniel, che pensamientokuéra katu chemyangekõi ha che rova oñemoambuepa chehegui; opaite ko’ã mba’e ko’ãva katu añongatu che py’apýpe.