Daniel 4:4

Ñanderuete Ñe’ẽ Porã 2015

Che, Nabucodonosor, aĩkuri py’aguapypópe ha po’a pa’ũme che rogaguasúpe,

Referencias Cruzadas

Isaías 56:12

Peju joa he’i hikuái, ja’u víno jaka’u peve; ko’ẽramo ha’e jevýta peteĩ ára ko ára kóva peguáicha, térã iporãvéta.

Jeremías 48:11

Moab oiko py’aguapýpe imitãha ára guive, ojogua víno oguapy are porãvape ha noñeñohẽiva peteĩ mba’yrúgui ambue mba’yrúpe, ha araka’eve ndojeguerahái jepokuapyhápe ambue tetãme, upévare he’ẽ asy ha hyakuã porã ndojeíri gueteri ichugui.

Ezequiel 28:17

Neporãitereígui reñembotuicha nde py’apýpe ha nde voi remboyke ne arandu ojehecha porãve hag̃ua ne mimbi, upévagui Che roitýma yvýre ambue tetã ruvichakuéra oñembohory hag̃ua nderehe.

Ezequiel 29:3

erévo: Péicha he’i Yvága Atykuéra Jára: Eikuaa porãke, Che apu’ãta nderehe, faraon, Egípto retã ruvicha, nde voi ningo jakareguasuete ojepysóva pe ysyry mbytépe, ha ere: Che mba’e ko ysyry Nílo, che rembiapo voi ningo.

Daniel 2:11

Upe mba’e pe tetã ruvicha ojeruréva hasyeterei, ha ndaipóri avave ikatúva he’i tetã ruvichápe, Yvága Jára añoiténte ha umía katu ndoikói kuimba’e ha kuñakuéra apytépe.

Daniel 4:19

Upéramo Daniel, hérava Beltsasar, opyta are ijurujái, ha omyangekõi ichupe pe iñakãme og̃uahẽva. Pe tetã ruvicha oñe’ẽ katu ichupe ha he’i: Beltsasar, ani nemyangekõi pe ke peguare he’iséva. Ha Beltsasar he’i ichupe: Nde, che jára, nde ke pegua toiko nderehe ija’e’ỹvare, ha upe he’iséva tojehu umi oñemoĩvape nderehe.

Daniel 5:8

Upéramo oñemoingepa umi karai arandu ikotyguasúpe, ijapytépe katu ndaipóri avave ikatúva omoñe’ẽ umi ñe’ẽ ojehaiva’ekue tápia rehe, ni omombe’ukuaáva tetã ruvichápe mba’épa he’ise.

Sofonías 1:12

Ha ojehuva’erã upe ára upévape, Che ahyvykóita Jerusalen tataindýpe, ha ahaviráta umi kuimba’e opytu’úva py’aguapýpe ku víno oguapypyréicha, ha he’íva ipy’apýpe: Ñanderuete ndojapomo’ãi iporãva ni ivaíva.