Daniel 4:3

Ñanderuete Ñe’ẽ Porã 2015

Hetaiterei techapyrã ha milágro tuicháva ojapo che rekovépe. Ipu’aka ndopamo’ãi. Hetãguasuteéva oikóta tapia g̃uarã, ha imburuvicha reko oikóta peteĩ ára atyguasu guive ambue ára atyguasu peve.

Referencias Cruzadas

Job 25:2

Ñanderuete oisãmbyhypa ha upévare jakyhyjeva’erã ichugui, Ha’e voi ombopy’aguapy yvagakuérape.

Salmokuéra 104:24

Ndaikatuvéima ojepapapa ne rembiapokuéra hetaitereígui, Nde, ore Ruete. Ne arandu ituichaite rupi rejapopaite umía, pe yvy henyhẽte ne rembiapo porãgui.

Salmokuéra 105:27

ha umía oñe’ẽ pohýi faraónpe ha ojapo heta milágro Cam yvýpe.

Salmokuéra 145:13

Ne retã oiko tapia g̃uarã, ha ne mburuvicha reko oiko opaite ára atyguasúpe g̃uarã.

Salmokuéra 66:7

Ha’e ningo oisãmbyhyhína ipu’aka rupi opaite árape g̃uarã, hesakuéra oma’ẽ mombyry guive tetãnguéra rehe, umi oñemoĩséva hese ndikatuvéima opu’ã. Selah

Salmokuéra 72:18

Toñemomba’eguasu yvága Jára, Israel Jára, Ha’émante ojapokuaa mba’e techapyrãva (milágro).

Salmokuéra 77:19

Yguasu rupi oho nde rape, Nde voi rembohape ichupekuéra haperã umi yetaha rupi, nde pyporekuéra katu avave ndohechái.

Salmokuéra 86:10

Mba’eguasuete ningo Nde, mba’e techapyrã apohára, Nde añoite ore Ruete.

Salmokuéra 92:5

Ituicha iterei ningo ne rembiapokue, Nde, ore Ruete, hypyete ningo umi nde py’apýpe heñóiva (pensamiénto).

Isaías 25:1

Ore Ruete, Nde, che Jára: Che amomba’eguasúta ha amboetéta nde réra, rejapo haguére tembiapo ndetuicháva; ymaite guive Nde rehekombo’e hekoitépe ha añetehápe.

Isaías 28:29

Upéicha ko’ã mba’e osẽ avei Ñanderuete, yvága atykuéra Járagui, hekombo’e iporãite, Ha’e ningo iñaranduetéva.

Isaías 9:7

Hetã pu’aka ituichaiterei ha ipy’aguapy ndaijapyramo’ãi, Ha’e oguapýta David guapyhaguasu ári ha Ha’e oisãmbyhýta hetãme, oguenohẽvo oimeraẽvape tape porãme ha ombojovakéta hekoitépe, upe ára upéva guive opaite ára peve g̃uarã, yvága atykuéra Jára, ojapopáta ko’ã mba’e.

Jeremías 10:10

Ñanderuete katu yvyariguakuéra Jára añeteteguáva; ha’énte pe Jára oikovéva ha Tetã ruvichaguasu ijapyra’ỹva; Ha’e ipochy vove oryrýi ko yvy, ha umi tetã ndogueropu’akái ipochy.

Daniel 2:2

upévagui tetã ruvicha ohenoiuka umi iñarandúvape, umi oma’ẽva mbyja rapekuéra rehe, paje apohakuérape ha Caldeayguakuérape, ha’ekuéra omombe’u hag̃ua ichupe ohechava’ekue iképe; ha ou hikuái, ha oñemboja tetã ruvicha renondépe.

Daniel 2:44

Ko’ã tetã ruvicha árape Ñanderuete, Yvagakuéra Jára, omopu’ãva’erã peteĩ tetã guasutee noñehundimo’ãiva araka’eve, ha upe tetãguasutee ndo’amo’ãvéi ambue tetã poguýpe, hetã ruvichaguasurã ipu’akapa ha ohundipava’erã opaite tetãnguéra oĩva guive ko yvy apére, Ha’e katu oikóta opaite ára peve g̃uarã.

Daniel 4:17

Upéicha pe yvága remimbou ogueru ko yvága rembiapoukapy, umi oikovéva guive ko yvy apére oikuaa hag̃ua Yvagakuéra Jára oisãmbyhyha yvy tuichakue retãnguérape ha Ha’e omboguapy tetã ruvicha guapyhaguasúpe Ha’e oipotáva guivépe, Ha’e oiporavo ramojepe pe kuimba’e imichĩvévape.

Daniel 7:14

Ha oñeme’ẽ ichupe pu’aka, teko jajaipa, tetãguasu, opaite tetãnguéra, tribukuéra ha opaichagua ñe’ẽ oiko hag̃ua ipoguýpe, hembiguaikuéra ramo, ipu’aka opyta hag̃ua tapiaite g̃uarã, ndohasaiva’erã, ha hetãguasuete noñehundiriva’erã araka’eve.

Daniel 7:27

Ha oñeme’ẽta umi Ijyvatetéva retãygua heko potĩvape pe tetãguasu, pe pu’aka ha pe mburuvicha reko ha opaite tetãnguéra oĩva guive yvága guýpe. Upe ára guive Ñanderuete retãguasu ndopamo’ãvéima araka’eve, ha opaite pu’aka oservíta Ñanderuetépe ha iñe’ẽrendúta ichupe.

Romayguakuérape 11:33

Ñanderuete imba’eita, iñarandu ha ikuaapy ipypukuete. Ñande yvyariguakuéra ndaikatúi ñamyesakã ni jaipyguara, ñande yvyarigua arandu rupi, Ñanderuete rapekuéra ni imbojovakekuéra.

Deuteronómio 4:34

Térã oĩ piko peteĩ Jára oñeha’ãva ou hag̃ua yvy apére oguenohẽ hag̃ua peteĩ tetãme ambue tetãnguéra apytégui imba’etee ramo, milagrokuéra rupi, tembiapo ohecha’ỹva térã ñorãirõ rupi, térã pyapy mbarete ha jyva jepyso rupi, térã tembiapo oporomondýiva rupi, Jahve, pende Ruete, ojapo haguéicha Egípto retãme, pende resa renondépe.

1 Timotéope 1:17

Toñemomba’eguasu pe ára atyguasukuéra Járape, Ha’e voi ningo Ñanderuete peteĩetéva ha tapia oikóva, ha ndojehechái ramojepe ichupe toñemboete ichupe ára atyguasukuéra rupi, taupéicha (amen).

hebreoyguakuerape 1:8

Ita’ýra rehe katu he’i: Nde Jára guapyhaguasu oĩta ára atyguasu guive ára atyguasukuéra rupi, ha nde pu’aka rupi reisãmbyhy hekoitépe ne retãguasúpe.

hebreoyguakuerape 2:4

Ha Ñanderuete omoañeteva’ekue iñe’ẽ techapyrã, mba’eguasuete (milágro) ipu’aka rupi. Ñanderuete ome’ẽ avei pe Pytu Porãmbáva oimeraẽvape, Ha’e oipota haichaite.

1 Pédro 4:11

Oimérõ peteĩ ojeroviáva oñe’ẽ, toñe’ẽ Ñanderuete oñe’ẽrõ guáicha ha’érupi; oimérõ peteĩ ojeroviáva oporopytyvõ, toipytyvõ hapichápe Ñanderuete pu’aka rupi; opaite me’ẽmby rupi toñemomba’eguasúnte Ñanderuetépe, Hesu Crísto rupi. Imba’e ningo pe teko jajaipa ha pu’aka, ára atyguasukuéra rupi, taupéicha (amen).

Apocalípsis 11:15

Ha pe yvága rembiguái 7-ha ombopúvo ituru oiko peteĩ ñe’ẽpu tuicháva yvágape he’íva: Yvy arigua tetãnguéra opytáma Ñanderuete ha Icrístope g̃uarã, Ha’e oisãmbyhy hag̃ua tapia g̃uarã.