Daniel 4:1

Ñanderuete Ñe’ẽ Porã 2015

Upéicha che, Nabucodonosor, amoherakuã opaite tetãnguérape ha opaichagua tetã oñe’ẽva ambue ñe’ẽme ko yvy apére oikóva guive: Py’aguapy toñemboheta hetave peẽme.

Referencias Cruzadas

1 Crónicas 12:18

Upévo pe Pytu Porãmbáva ou Amasai ári, pe omoakãtava kurimive umi 30 kuimba’épe, ha he’i Davídpe: Ore ne mba’e, ha nendive, Isai ra’y, roikose: Py’aguapýpe, py’aguapy toĩ nendive ha ne pytyvõharakuéra ndive, ha Ñanderuete toñangareko penderehe. Upéichamarõ David omog̃uahẽ ha omoĩ ichupekuéra imburuvichakuéra apytépe.

Ésdras 4:17

Upéi Pérsia retã ruvichaguasu ombohovái ikuatiañe’ẽ ohaívo: Tetã rembiguaiguasu Rehúmpe, kuatiañe’ẽ haihára Simsaípe, ha ambue iñirũnguérape Samária oikóvape, ha ambue mburuvicha umi ysyry Éufrates mboypyriguápe: Tapeneresãi ha tapendepy’aguapy.

Ésdras 5:7

Tetã ruvichaguasu Daríope taipy’aguapyete.

Ester 3:12

Upémaramo oñehenói tetã ruvicha kuatiañe’ẽ haiharakuérape pe jasy peteĩha, ha pe ára 13-hápe ohai hag̃ua kuatia rehe opaite mba’e Aman he’íva guive, ha oñemondo hag̃ua umi tetã ruvicha mburuvichakuérape, soldádo aty ruvichápe ha umi tetã ambueygua ruvichakuérape oĩva guive Asuéro poguýpe. Umi kuatiañe’ẽ ojehai opaite tetã ñe’ẽteévape ha tetã ruvicha Asuéro ofirma ikuãirũme (osella) pe kuatiañe’ẽ péva.

Ester 8:9

Upémaramo oñehenói tetã ruvicha kuatiañe’ẽ haiharakuéra ko jasy mbohapyhápe, péva hína Sivan (Júnio), pe ára 23-hápe; ha ojehai peteĩ kuatiañe’ẽ Mardoquéo oipota haichaite, opaite Judayguakuérape g̃uarã, umi mburuvichápe, umi soldádo aty ruvichápe ha opaite tetã mburuvichápe oĩva Índia guive Etiopía peve, 127 tetãnguérape; peteĩteĩ tetãme ojehaiva’erã iñe’ẽ ha ilétrateépe.

Daniel 3:29

Upévare amoĩ tembiapoukapy pyahu opaite tetãnguérape g̃uarã, ha opaichagua tetã oñe’ẽva ambue ñe’ẽme: Upe oñe’ẽ vaíva Sadrac, Mesac ha Abednégo Jára rehe, toñepehe’ãmba, ha hóga toñembotapere; ndaipórigui ambue jára ikatúva oporosalva Ijáraicha.

Daniel 3:4

Upérõ peteĩ tetã ruvicha rembiguái hatã osapukái ha he’i: Pehendúke, peẽ tetãyguakuéra ha opaite tetã ambueygua, pejapopa hekoitépe che ha’étava guive peẽme tetã ruvichaguasu rérape.

Daniel 6:25

Upéramo tetã ruvicha Darío ohai kuatiañe’ẽ tetãnguéra maymávape oikóva guive hetãguasu poguýpe ha he’i: Py’aguapy toñemboheta hetave peẽme,

Daniel 6:27

Ha’e voi osalva ha operdona, ojapo tembiapo techapyrãva yvy ha yvágape, Ha’e osalva avei Daniélpe leõ jurúgui.

Daniel 7:14

Ha oñeme’ẽ ichupe pu’aka, teko jajaipa, tetãguasu, opaite tetãnguéra, tribukuéra ha opaichagua ñe’ẽ oiko hag̃ua ipoguýpe, hembiguaikuéra ramo, ipu’aka opyta hag̃ua tapiaite g̃uarã, ndohasaiva’erã, ha hetãguasuete noñehundiriva’erã araka’eve.

Zacarías 8:23

Péicha he’i ángel atykuéra Jára: Umi ára umívape ojehuva’erã 10 kuimba’e tetã ambueyguágui he’iva’erã peteĩ Judayguápe ipojáivo ijao apýra rehe: Ore rohose nendive, rohendúgui Ñanderuete oĩha penendive.

Apostolkuéra 2:6

Ha ojehu ramo guare ko tyapu kóva, hetaiterei oñembyaty upépe ha ipy’andýi opytávo peteĩteĩva ohendúvo iñe’ẽteépe oñe’ẽ ramo.

Romayguakuérape 1:7

Opaite peẽ peiméva guive Rómape Ñanderuete penderayhu ha pendeporavo pende reko porã hag̃ua. Ñandejára, Ñanderuete ha Ñandejára Hesu Crísto poriahuvereko ha ipy’aguapy toĩ penendive.

Efesoyguakuérape 1:2

Ñandejára Ñanderuete ha Ñandejára Hesu Crísto py’aporã ha ipy’aguapy toĩ penendive.

1 Timotéope 1:2

Che, Páblo, amondo ndéve, che jeroviaha ra’ýpe, ko kuatia, ha romomaitei: Ñandejára Ñanderuete ha Ñandejára Hesu Crísto poriahuvereko, py’aporã ha py’aguapy toĩ nendive.

1 Pédro 1:2

Ñandejára Ñanderuete pendeporavo yma guivéma, pe Pytu Porãmbáva tapenemboheko porã, Hesu Crísto ruguy rupi, peẽ peneñe’ẽrendu hag̃ua; imborayhu ha ipy’aguapy tapenemyenyhẽve pehóvo.