Daniel 3:6

Ñanderuete Ñe’ẽ Porã 2015

Ha oimeraẽ oñesũ’ỹva ha omomba’eguasu’ỹva, pya’e oñemombóta tatakua hendývape.

Referencias Cruzadas

Genesis 19:28

Ha oma’ẽ Sodóma, Gomórra ha iñunguéra rehe; ha péina pe tatatĩ opu’ã yvýgui tatakuaguasu ratatĩcha.

Éxodo 20:5

ha nereñesũiva’erã henondepekuéra, ha neremomba’eguasuiva’erã; che ha’égui Jahve, nde Ruete, imbaretéva, hakate’ỹ rekóva ha amyengoviáva tuvakuéra reko vai ita’yrakuéra ári, heminenonguéra ári, ha avei heminenonguéra ra’ykuéra ári, irundy ñemoñare rekove peve, umi cherehe ija’e’ỹvape.

Isaías 44:17

ha hembyrégui ojejapo ijára ra’ãnga oñesũ hag̃ua henondépe, omomba’eguasúvo ichupe, ha omba’ejerure ichupe he’ívo: Cheguenohẽ che jehasa asýgui, Nde ningo che jára.

Jeremías 29:22

Ha mayma umi Judaygua ojeguerahava’ekue Babilóniape oguerekóta ichupekuéra maldicion ramo, he’ívo: Ñanderuete tande’apo ku Sedequías ha Acábicha, Babilónia retã ruvicha ohesyva’ekue ichupekuéra tatápe.

Daniel 2:5

Ha tetã ruvicha he’i umi Caldeayguápe: Cheresarái ningo che ke peguágui, ha peẽ ndapehechaukái ramo chéve che ke peguare ha mba’épa he’ise, peñepehe’ãmbaitéta peẽ ha pende róga ambotapereukáta.

Daniel 3:11

ha upe oñesũ’ỹva ha omomba’eguasu’ỹva, toñemombo pe tatakua hendývape.

Daniel 3:15

Ko’ág̃a, pehendúvo pe turu, pe mimby, pe mba’epu pararã, pe árpa, pe mbaraka, ha opaichagua ambue mba’epu, peñesũva’erã pemomba’eguasu hag̃ua pe ta’ãnga che ajapoukava’ekue. Ha napemomba’eguasuséi ramo pe ta’ãngápe, pe hóra pévape peñemombóta tatakua hendýva ruguápe, ha mba’eichagua Jára piko ikatu pendesalva che pógui.

Daniel 3:21

Upérõ ojejokua umi kuimba’épe ipóncho reheve, isapatukuéra, iñakã hojakuéra ha ambue ijaokuéra reheve, ha oñemombo ichupekuéra pe tatakua hendývape.

Daniel 3:7

Upérõ opaite tetãygua ha tetã ambueygua oñesũ ohendúvo pe turupu, pe mimby, pe mba’epu pararã, pe árpa, pe mbaraka, ha opaite ambue mba’epu, omomba’eguasu hag̃ua pe ta’ãnga oroguiguápe, tetã ruvicha Nabucodonosor omopu’ãva’ekue.

Daniel 5:19

Ñanderuete ome’ẽva’ekue ichupe pu’akaguasu, oryrýi ha okyhyje hag̃ua nde ru renondépe opaite tetãnguéra ha opaichagua tetã ambueyguáva. Nde ru ojukauka ojukasévape ha oheja oikove ha’e oipotáva guivépe, ha’e ombotuichaukase ramo peteĩme ombotuicha ichupe, omomirĩukase ramo ambuépe omomirĩ ichupe.

Daniel 6:7

ore, ne retã sãmbyhyhára ha opaite mburuvichakuéra, roñembopy’apeteĩ rojerurévo nde rehai ha remoañete hag̃ua peteĩ tembiapoukapy he’íva: Ko ára guive, 30 ára peve, opaite tetãygua oikóva guive ne retãguasúpe tomba’ejerurepánte ndéve, ha oĩ ramo peteĩ omba’ejeruréva ambue kuimba’e térã ijárape (itupãme), upéva toñemombo leõ kuárape.

Matéo 13:42

ha omombopáta tatakua rata rendýpe, upépe oikóta pe tasẽ ha tãi pururũ (tapia g̃uarãme).

Matéo 13:50

ha omombóta umi iñañávape tatakua rendýpe, ha upépe oikóta tasẽ ha tãi pururũme.

Matéo 4:9

ha pe aña he’i Hesúpe: Opaite ko’ã mba’e rehecháva guive ame’ẽmbáta ndéve, Nde reñesũ ramo che renondépe ha chemomba’eguasu ramo.

Márcos 6:27

upévare pya’e omondo pe akã’ohára ogueruka hag̃ua Juan akãngue, ha ha’e oho cárcelpe oñakã’õ hag̃ua ichupe.

Apocalípsis 14:11

Ha pe jehasa asyguasu ratatĩ ojupiva’erã ára atyguasu guive umi ára atyguasurãme ha umi omomba’eguasúva pe mymba ha ha’ãngápe ha opaite oguerekóva pe mymba réra márca ndopytu’umo’ãvéi ára ni pyharépe.

Apocalípsis 9:2

Ha ha’e oipe’ávo pe yvykua pypukuete (yvypore’ỹ) rokẽ ojupi tatatĩ ha omoypytũmba pe kuarahy ha pe ára.