Daniel 3:4

Ñanderuete Ñe’ẽ Porã 2015

Upérõ peteĩ tetã ruvicha rembiguái hatã osapukái ha he’i: Pehendúke, peẽ tetãyguakuéra ha opaite tetã ambueygua, pejapopa hekoitépe che ha’étava guive peẽme tetã ruvichaguasu rérape.

Referencias Cruzadas

Ester 8:9

Upémaramo oñehenói tetã ruvicha kuatiañe’ẽ haiharakuéra ko jasy mbohapyhápe, péva hína Sivan (Júnio), pe ára 23-hápe; ha ojehai peteĩ kuatiañe’ẽ Mardoquéo oipota haichaite, opaite Judayguakuérape g̃uarã, umi mburuvichápe, umi soldádo aty ruvichápe ha opaite tetã mburuvichápe oĩva Índia guive Etiopía peve, 127 tetãnguérape; peteĩteĩ tetãme ojehaiva’erã iñe’ẽ ha ilétrateépe.

Isaías 40:9

Nde Sion ejupi cérro ru’ãme emombe’u hag̃ua vy’aguasu, Nde Jerusalen hatã emyasãi vy’aguasu. Esapukái, ani rekyhyjétei; ere ambue Juda pegua tavakuérape: Pehechataha pende Járape.

Isaías 58:1

Esapukái hatãke nde ahy’o ome’ẽ háicha, ani rekirirĩtei; turúicha hatã esapukái, ha emombe’u che retã reko ñaña ha Jacóbo róga angaipa.

Daniel 3:10

nde, ore retã ruvicha, remoĩma peteĩ tembiapoukapy mayma tetãyguakuérape g̃uarã ha ohendu vove pe turu, pe mimby, pe mba’epu pararã, pe árpa, pe mbaraka, ha opaichagua ambue mba’epu, oñesũva’erã omomba’eguasu hag̃ua ko ta’ãnga oroguiguávape,

Daniel 3:3

Upéicha oñembyatypa umi departaménto sãmbyhyhára, umi mburuvicha, umi mba’erepy ñangarekohára, tekombo’eharakuéra, umi mbojovakehára ha umi mburuvicha michĩva, tetã ruvicha Nabucodonosor ta’ãnga renondépe, ha ñembo’yhápe oĩ joa hikuái pe ta’ãnga renondépe, Nabucodonosor omopu’ãukava’ekue.

Daniel 3:7

Upérõ opaite tetãygua ha tetã ambueygua oñesũ ohendúvo pe turupu, pe mimby, pe mba’epu pararã, pe árpa, pe mbaraka, ha opaite ambue mba’epu, omomba’eguasu hag̃ua pe ta’ãnga oroguiguápe, tetã ruvicha Nabucodonosor omopu’ãva’ekue.

Daniel 4:1

Upéicha che, Nabucodonosor, amoherakuã opaite tetãnguérape ha opaichagua tetã oñe’ẽva ambue ñe’ẽme ko yvy apére oikóva guive: Py’aguapy toñemboheta hetave peẽme.

Daniel 4:14

Ha péva osapukái hatã he’ívo: Peity pe yvyra, peikytĩ hakãnguéra, pehogue’o ha pemosarambi hi’akue, tokañymba umi mymba oĩva iguýpe ha guyrakuéra tovevepa hakãnguéragui.

Daniel 6:25

Upéramo tetã ruvicha Darío ohai kuatiañe’ẽ tetãnguéra maymávape oikóva guive hetãguasu poguýpe ha he’i: Py’aguapy toñemboheta hetave peẽme,

Oséas 5:11

Efrain ojejopy vaíma ha ojehaviráma oiko haguére ijára gua’u rapykuéri.

Miquéas 6:16

Pejapo haguére avei Omri rembiapo vai, ha opaite mba’e Acab rógape ojejapova’ekue, ha’ekuéra penerekombo’e haguéicha, upéicha peẽ avei pejapo haguére, Che pohundíta, peẽ peiko hag̃ua ñembohoryhára ramo ha peñemotĩete hag̃ua, (1 Réyes 16,23-28; 1 Réyes 16,29-33).

Apocalípsis 5:9

Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.