Daniel 3:11

Ñanderuete Ñe’ẽ Porã 2015

ha upe oñesũ’ỹva ha omomba’eguasu’ỹva, toñemombo pe tatakua hendývape.

Referencias Cruzadas

Daniel 3:10

nde, ore retã ruvicha, remoĩma peteĩ tembiapoukapy mayma tetãyguakuérape g̃uarã ha ohendu vove pe turu, pe mimby, pe mba’epu pararã, pe árpa, pe mbaraka, ha opaichagua ambue mba’epu, oñesũva’erã omomba’eguasu hag̃ua ko ta’ãnga oroguiguávape,

Daniel 3:12

Oĩ ningo kuimba’ekuéra Juda pegua, nde remoĩva’ekue Babilónia departaménto sãmbyhyhára ramo: Sadrac, Mesac ha Abed-négo, ko’ã kuimba’e, tetã ruvicha nande’apói mba’eve ramo, nomomba’eguasúigui nde járape ha noñesũi avei pe ta’ãnga oroguiguáva renondépe nde remopu’ãukava’ekue.

Daniel 3:6

Ha oimeraẽ oñesũ’ỹva ha omomba’eguasu’ỹva, pya’e oñemombóta tatakua hendývape.

Daniel 6:13

Upéramo he’i hikuái tetã ruvicha renondépe: Daniel, ojegueruva’ekue pokuapyhápe Juda retãgui, nanemomba’éi ndéve, ha ndojapói pe tetã ruvicha kuatiañe’ẽme he’i háicha, omba’ejerure Ijárape mbohapy jevy meme árape.

Daniel 6:7

ore, ne retã sãmbyhyhára ha opaite mburuvichakuéra, roñembopy’apeteĩ rojerurévo nde rehai ha remoañete hag̃ua peteĩ tembiapoukapy he’íva: Ko ára guive, 30 ára peve, opaite tetãygua oikóva guive ne retãguasúpe tomba’ejerurepánte ndéve, ha oĩ ramo peteĩ omba’ejeruréva ambue kuimba’e térã ijárape (itupãme), upéva toñemombo leõ kuárape.

Apostolkuéra 5:23

Ha umi tahachi he’i: Ore rojohu oñemboty porã pe cárcel, ha umi oñangarekóva pe cárcel rehe oñembo’y hokẽ renondépe, roipe’ávo katu pe okẽ ndorojohúi avavépe hyepýpe.