Daniel 3:1

Ñanderuete Ñe’ẽ Porã 2015

Pe tetã ruvicha Nabucodonosor ojapo peteĩ ta’ãnga oroguiguáva, ijyvate 26,25 métro, ipe 2,62 métro. Ha kóa ha’e omopu’ãuka Dura ñúme, Babilónia departaméntope.

Referencias Cruzadas

1 Réyes 12:28

Ha ojepy’amongeta rire ko’ã mba’e rehe, tetã ruvicha Jeroboam ojapo mokõi tóro ra’y ra’ãnga órogui, ha he’i hetãyguakuérape: Hetaitéma pejupi Jerusalénpe, péina ápe pende jára, pendegueruva’ekue Egípto retãgui.

Ester 1:1

Ojehuva’ekue Pérsia retãguasúpe, Asuéro oisãmbyhy aja Índia guive Etiopía peve omboja’óvo umi tetã 127 departamentokuérape.

Salmokuéra 135:15

Umi tetãygua jára kuimba’e rembiapo voi, pláta térã órogui ojejapógui.

Éxodo 20:23

Aníke pejapo che ykére ambue pende jararã, ndapejapoiva’erã pende jararã plataguiguáva ni oroguiguáva (ni mba’eveichaguágui).

Éxodo 32:31

Upéramo Moises ojupi jevy Ñanderuete rendápe, ha he’i: Ajerure ndéve, ko’ã tetãygua oñemboheko vai eterei ojapógui ijupe g̃uarã ijárarã oroguiguáva,

Isaías 2:20

Upe ára upévape yvyariguakuéra ombyatyva’erã ijára gua’u ra’ãngakuéra omomba’eguasuva’ekue ha ojejapova’ekue pláta ha órogui omombo hag̃ua anguja ha mbopi oĩháme.

Isaías 30:22

Ha upérõ peguerekóta mba’e ky’a ramo pende jára gua’u ra’ãngápe oñeñuãva’ekue pláta ha órope, ha pemombota mba’e oñembojeguarúvaicha ha pejéta: Tapeho ko’águi.

Isaías 46:6

Ha’ekuéra oguenohẽ óro ivoságui, ha oha’ã ipirapire balánzape, ome’ẽ ipirapire óro rehe omba’apóvape ojapo hag̃ua ijára gua’u ra’ãnga, upéi oñesũ henondépe omomba’eguasu hag̃ua ichupe.

Jeremías 10:9

Ogueru hikuái óro morotĩ ñemopererĩmbyre Társisgui ha pe óro, umi ikatupyrýva ombohykúva, oñu’ã hag̃ua ijára gua’u ra’ãngápe ha upéi omonde ao hovy ha pytãvape.

Jeremías 16:20

Ikatúnepa pe yvyarigua ojapo ijararã, ha ojapo ramojepe umía, ndaha’éi mba’eveichagua jára,

Daniel 2:48

Upéramo Nabucodonosor ombotuicha Daniélpe ha ome’ẽ ichupe heta jopói, ha ome’ẽ avei ichupe pe Babilónia departaménto oisãmbyhy hag̃ua ha omoĩ avei opaite karai iñarandúva ipoguýpe.

Daniel 2:49

Daniel katu ojerure tetã ruvichápe omoĩ hag̃ua Babilónia departaméntope sãmbyhyhára ramo Sadrac, Mesac ha Abed-négope, Daniel katu oiko pe tetã ruvicha rogaguasúpe.

Daniel 3:14

Ha Nabucodonosor he’i ichupekuéra: Añete piko Sadrac, Mesac ha Abed-négo, peẽ napemomba’eguasúi che járape, ha napeñesũi pe ta’ãnga oroguiguáva che amopu’ãukava’ekue renondépe.

Daniel 3:30

Uperire tetã ruvicha ombotuichaiteve Sadrac, Mesac ha Abed-négope ha ome’ẽ jevy ichupekuéra Babilónia departaméntope oisãmbyhy hag̃ua.

Daniel 5:23

Reñembotuicha uvei Yvága Jára renondépe, ha regueruka ne renondépe umi váso Ñanderuete rogaguasu peguáva, nde ha mburuvichakuéra, ne rembirekokuéra ha ne kuñakuéra pe’u víno ipype, ha pemomba’eguasu umi jára ojejapova’ekue pláta ha órogui, brónce ha hiérrogui, yvyra ha itágui, umía ndohechái, nohendúi ha mba’eve ndoikuaái, Yvága Jára pópe katu oĩ nde rekove ha opaite nde rapekuéra, nde katu araka’eve neremomba’eguasúi ichupe.

Daniel 5:4

Ha ho’u jave víno, omomba’eguasu hikuái umi jára gua’úpe ojejapova’ekue óro, pláta, brónce, hiérro, yvyra ha itaguiguáva.

Oséas 2:8

ha’e ohechakuaa rãngue Che voi ame’ẽ hague ichupe trígo, víno, acéite, pláta ha óro, umía ningo che jopói, ha’e katu oiporu vaipa umía ha oikuave’ẽ ambue jára gua’úpe, hérava Baal.

Oséas 8:4

Ha’ekuéra omoĩma hetã ruvicha ramo Che aipota’ỹvape ha oiporavo imburuvicha ramo Chekuaa’ỹvape, ipláta ha hi’órogui ojapo hikuái ijára gua’u ra’ãnga, ha upévare oñehundiva’erã hikuái.

Habacuc 2:19

Cháke, nde eréva pe jára ojejapova’ekuépe yvyrágui: Epáy; ha nde eréva pe jára gua’úpe ojejapova’ekue itágui: Epu’ã. Ikatúnepa umía oporohekombo’e, óro ha pláta reheve oñeñu’ãmba ramo jepe, ndaipytu porãi.

Apostolkuéra 17:29

Ñande ha’égui ñande Apohare ñemoñarenguéra, anítei ñaimo’ã umi jára gua’u, kuimba’ekuéra ojapóva órogui, plátagui térã itágui, iñakãme ou háicha ojoguaha ñande Apoharépe.

Apostolkuéra 19:26

Pehendu ha pehecha ko Páblo, Efésope ha haimete opaite Ásiape ha’e oporombo’e he’ívo: Ndaha’éi jára añeteguáva umi ojejapóva kuimba’e po rupi, ha omombia heta tetãyguakuérape ñande reko tujágui.

Deuteronómio 7:25

Ijára ra’ãngakuéra pehapypava’erã; ndapeipotaiva’erã pene mba’erã ramo ipláta ni hi’óro, anítei hesekuéra rehehápe peñepysangátei, péva mba’evaiete Ñanderuete, Ñandejárape g̃uarã.

Apocalípsis 9:20

Ha umi ambue tetãygua nomanoiva’ekue ko’ã plága rupi, noñembyasýi hikuái ojapovai haguére omomba’eguasuve uvei ohóvo Satanáme ha ijára gua’úpe ojejapova’ekue órogui, plátagui, bróncegui, ita ha yvyrágui, ndohecháiva, nohendúiva ni ndoguatáiva.