Daniel 2:5

Ñanderuete Ñe’ẽ Porã 2015

Ha tetã ruvicha he’i umi Caldeayguápe: Cheresarái ningo che ke peguágui, ha peẽ ndapehechaukái ramo chéve che ke peguare ha mba’épa he’ise, peñepehe’ãmbaitéta peẽ ha pende róga ambotapereukáta.

Referencias Cruzadas

2 Réyes 10:27

Ha ohapy hikuái Baal rete ra’ãnga, ha oitypa Baal tupão, ha ojapo ichugui letrína, oĩva gueteri ko ára kóva peve.

Ésdras 6:11

Ha che voi ha’euka avei oimeraẽva omoambuéva ko tembiapoukapy kóva, tojepe’a peteĩ yvyra hógagui ha toñemosãingo ichupe pévare ha upéi tombotapere hóga.

Salmokuéra 50:22

Pehechakuaa ko’ã mba’e, peẽ penderesaráiva pende Ruetégui, ani hag̃ua Che pombyai, ha napenepohãvéima.

Salmokuéra 58:7

Toguepa rei hikuái umi y osyrývaicha, ha opoi vove hikuái ihu’ykuéra, tove toñepehẽ’ãmba.

Daniel 2:12

Nabucodonosor ohendupa rire ipochyeterei ha ojukaukapase umi karai iñarandúvape oikóva guive Babilónia retãme.

Daniel 3:29

Upévare amoĩ tembiapoukapy pyahu opaite tetãnguérape g̃uarã, ha opaichagua tetã oñe’ẽva ambue ñe’ẽme: Upe oñe’ẽ vaíva Sadrac, Mesac ha Abednégo Jára rehe, toñepehe’ãmba, ha hóga toñembotapere; ndaipórigui ambue jára ikatúva oporosalva Ijáraicha.

Daniel 4:9

Beltsasar, nde ningo umi iñarandúva ruvicha, ahechakuaáma ndepype oĩha yvága jarakuéra Pytu Porãite, ha ndehegui nokañýi mba’eveichagua iñemimbýva, emombe’úna mba’épa he’ise umi mba’e ahechava’ekue che képe:

Deuteronómio 13:16

Ha pembyatypava’erã imba’erepy oguerekóva guive hikuái pe pláza mbytépe ha pehapyva’erã tatápe mayma imba’erepykuéra ha avei pe táva, kuave’ẽmby ojehapypáva ramo Jahve, pende Ruetépe g̃uarã, ha oikóta ichugui tapere atýra opaite ára peve; ha araka’eve noñemopu’ãveiva’erã.

Josué 6:26

Umi árape Josue oñe’ẽme’ẽ ha he’i: Toñemaldeci Ñanderuete renondépe pe kuimba’épe omyatyrõ jevýtava ko Jerico táva, ita’ýra tenonde tomano omopu’ãvo pe ita peteĩha, ha ita’ýra imitãvéva tomano omohenda ramo hokẽnguéra, (1 Réyes 16,34).

1 Samuel 15:33

Ha Samuel he’i: Nde kyse puku oheja haguéicha kuñakuérape imemby’ỹre, péicha avei nde sy opytáta imemby’ỹre kuñakuéra apytépe, ha upévo Samuel oikytĩ ha omopehẽnguepa Agágpe, Ñanderuete renondépe, Gilgálpe.