Daniel 2:41

Ñanderuete Ñe’ẽ Porã 2015

Nde rehecha ipy ha ipysãnguéra ojejapo ñay’ũ jypyre ha hiérrogui, péva he’ise upe tetãguasu ndojojamo’ãi, oñemboja’óta uvei, oĩgui ipype hiérro ojehe’áva ñay’ũ jypyre reheve rehecha haguéicha.

Referencias Cruzadas

Daniel 2:40

Ha pe tetãguasu irundyha imbaretéta hiérroicha; ha pe hiérro oipehẽ’a ha ojoka háicha opaite mba’e, upeichaite avei upe tetãguasu ojokava’erã (ombopoguy) tetãnguérape.

Daniel 2:42

Nde rehecha pe hiérro ojehe’a ñay’ũ jypyre reheve, upéva he’ise: Oñombyatyva’erã tetãnguéra menda rupi; ndojoajumo’ãi katu añetehápe ojuehe, pe hiérro ndojehe’ái háicha avei ñay’ũ jypyre rehe.

Daniel 7:24

Ha umi 10 hatĩ he’ise pe tetãguasúgui opu’ãta 10 tetã ruvicha; ha upéi opu’ãta ambue tetã ruvicha iñambuéva umi 10 tetã ruvicha apytégui, ha upéva oitýta mbohapy tetã ruvichápe.

Daniel 7:7

Ko’ã mba’e ko’ãva rire ama’ẽvo pe ojehechaukávare payetépe pyharépe, ha péina ápe ahecha pe mymba irundyha, iñarõ ha oporomongyhyjéva ha imbareteiterei ha hãi tuicha hiérrogui; oporomokõ ha oporopehe’ãmba, ha hembýva rehe opyrũmba, ha ojuavyeterei umi ambue mymba ahechava’ekuégui, ha’e ningo 10 hatĩ.

Apocalípsis 12:3

Ha ojehecha ambue techaukaha ára rehe. Peteĩ tejujaguaguasu pytãva, 7 iñakã ha 10 hatĩva, ha umi 7 iñakã ári oĩ 7 akã jeguaka (coróna).

Apocalípsis 13:1

Ha che, Juan, añembo’ývo pe yguasu rembe’ýpe ahecha peteĩ mymba ñarõ ojupíva yguasúgui, oguerekóva 7 akã ha 10 hatĩ, umi 10 hatĩ ári oĩ 10 akã jeguaka (coróna), ha peteĩteĩ hatĩ jeguaka rehe ojehai peteĩ téra ivaietéva, oñe’ẽvaíva Ñanderuete rehe.

Apocalípsis 17:12

Umi 10 tatĩ rehecháva ningo 10 tetã ruvicha, ha’ekuéra noisãmbyhýi gueteri, oisãmbyhýta upe mymba oñepyrũvo oisãmbyhy.