Daniel 2:4

Ñanderuete Ñe’ẽ Porã 2015

Upéramo umi Caldeaygua oñe’ẽ tetã ruvichápe Aram retãygua ñe’ẽme: Nde, tetã ruvicha, tereikove tapia g̃uarã eréna nde kepegua ne rembiguaikuérape, ore rohechaukakuaa hag̃ua ndéve mba’épa he’ise.

Referencias Cruzadas

Genesis 31:47

Ha Laban ombohéra: Jegar Sahaduta (ita atýra techaukaha reheguáva); ha Jacóbo ombohéra iñe’ẽme: Galaad.

Genesis 41:8

Ha ojehu ningo pe pyharevépe hi’ánga iñangekõi ichugui, ha ohenoiuka mayma Egiptoygua paje apohára ha mayma kuimba’e iñarandúvape; ha faraon omombe’u ichupekuéra ike peguare, ha ndaipóri avave ikatúva he’i faraónpe mba’épa he’ise ike peguare.

1 Réyes 1:25

Ko árape Adonías oguejýkuri, ha ojukákuri tóro ra’yrusu ha heta tymba kyra ha heta ovecha, ha ohenói karuguasúpe tetã ruvicha ra’ykuérape ha soldádo ruvichakuérape ha avei pa’i Abiatárpe, ha péina ág̃a oimemba okaru ha omboy’u hikuái henondépe, ha he’i hikuái: Toikove Adonías, ore retã ruvicha.

1 Réyes 1:31

Upémaramo Betsabe oñesũ tetã ruvicha renondépe, hova omboja peve yvy rehe, ha he’i ichupe: Che jára ha che retã ruvicha toikove opaite ára peve.

2 Réyes 18:26

Upéramo Eliaquim, Hilcías ra’y, Sebna ha Joa he’i Rabsacéspe: Rojerure ndéve, eñe’ẽmína ne rembiguaikuérape Aramgua ñe’ẽme, pévape roñe’ẽkuaáre avei, ani reñe’ẽtei oréve Juda ñe’ẽme umi tetãygua apysápe, oĩva tápia yvate ári.

Ésdras 4:7

Ko’ã Samariaygua: Bislam, Mitrídates, Tabeel ha iñirũnguéra omondo pe kuatiañe’ẽ Aramgua ñe’ẽme Artajérjes rendápe,

Nehemías 2:3

Ha ambohovái tetã ruvichápe: Toikove tetã ruvicha opaite árape. Mba’éguipa ndacherovasymo’ãi, itaperepa ramo pe táva che rukuéra oñeñotỹ haguépe, ha ojehapypa ore táva rokẽnguéra.

Isaías 36:11

Upémaramo Eliaquim, Sebna ha Joa he’i Rabsacéspe: Rojerure ndéve reñe’ẽ hag̃ua ne rembiguaikuérape Siriaygua ñe’ẽme, ore ningo roñe’ẽ avei Siriaygua ñe’ẽme; ha anína reñe’ẽtei oréve Juda ñe’ẽme, ohendupágui ore rapichakuéra oĩva pe korapyjere ári.

Isaías 44:25

Che ambyaipa proféta japu rembiapo ha ta’yvõhára (imba’ekuaáva) ñe’ẽngue, Che amotĩ umi karai arandu ha ahechauka itavyha, ha umi mba’e ha’ekuéra oikuaaukáva ndoikomo’ãi.

Daniel 1:4

umi karia’y hesãi ha iporãva, iñarandu, iñakã porã ha ikatupyrýva omba’apo hag̃ua chéve che rogaguasúpe; ha toñembo’e ichupekuéra oñe’ẽ ha ohaikuaa hag̃ua Caldeaygua ñe’ẽme.

Daniel 2:7

Ha he’i jevy hikuái: Tetã ruvicha, emombe’u raẽ nde ke peguare ne rembiguaikuérape, ha ore romombe’úta ndéve upe he’iséva.

Daniel 3:9

ha he’i hikuái tetã ruvicha Nabucodonosórpe: Tetã ruvicha tereikove tapia g̃uarã,

Daniel 4:19

Upéramo Daniel, hérava Beltsasar, opyta are ijurujái, ha omyangekõi ichupe pe iñakãme og̃uahẽva. Pe tetã ruvicha oñe’ẽ katu ichupe ha he’i: Beltsasar, ani nemyangekõi pe ke peguare he’iséva. Ha Beltsasar he’i ichupe: Nde, che jára, nde ke pegua toiko nderehe ija’e’ỹvare, ha upe he’iséva tojehu umi oñemoĩvape nderehe.

Daniel 4:7

Ha ou umi iñarandúva, umi oma’ẽva mbyja rapekuéra rehe, umi Caldeaygua (umi imba’ekuaáva) ha umi paje apohára, ha amombe’u ichupekuéra che ke peguare, ha’ekuéra katu ndaikatúi oikuaauka chéve mba’épa he’ise.

Daniel 4:9

Beltsasar, nde ningo umi iñarandúva ruvicha, ahechakuaáma ndepype oĩha yvága jarakuéra Pytu Porãite, ha ndehegui nokañýi mba’eveichagua iñemimbýva, emombe’úna mba’épa he’ise umi mba’e ahechava’ekue che képe:

Daniel 5:10

Isy katu, ohendúvo tetã ruvicha ha mburuvichakuéra, sapukaipópe oike ikotyguasúpe ha he’i: Tetã ruvicha, tereikove tapia g̃uarã, anítei rejepy’apyeterei, ha anítei nde rova oñembosa’yjupa.

Daniel 5:8

Upéramo oñemoingepa umi karai arandu ikotyguasúpe, ijapytépe katu ndaipóri avave ikatúva omoñe’ẽ umi ñe’ẽ ojehaiva’ekue tápia rehe, ni omombe’ukuaáva tetã ruvichápe mba’épa he’ise.

Daniel 6:21

Upévo Daniel ombohovái tetã ruvichápe: Tetã ruvicha, tereikove tapiaite,

Daniel 6:6

Ha tetã sãmbyhyhára ha mburuvichakuéra oñembyaty tetã ruvicha renondépe, ha he’i hikuái ichupe: Tetã ruvicha Darío, tereikove tapia g̃uarã,

Daniel 6:7

ore, ne retã sãmbyhyhára ha opaite mburuvichakuéra, roñembopy’apeteĩ rojerurévo nde rehai ha remoañete hag̃ua peteĩ tembiapoukapy he’íva: Ko ára guive, 30 ára peve, opaite tetãygua oikóva guive ne retãguasúpe tomba’ejerurepánte ndéve, ha oĩ ramo peteĩ omba’ejeruréva ambue kuimba’e térã ijárape (itupãme), upéva toñemombo leõ kuárape.

Matéo 21:9

Ha umi ohóva henonderãme ha hapykuéri osapukaipa joa, he’ívo: David Ra’y, oresalvána ha toñemomba’eguasu Ñanderuete rérape oúva, yvatéguio ou pe salvacion.

1 Samuel 10:24

Ha Samuel he’i mayma hetãyguakuérape: Pema’ẽ porãke, kóvape Ñanderuete oiporavóma, ha’eichagua ndaipóri voi mayma tetãygua apytépe: Upévo opaite tetãyguakuéra vy’águi osapukái he’ívo: Toikove (víva) ore retã ruvichaguasurã.